Filho de Deus
Jesus é o Filho de Deus — a revelação suprema do Pai. Nele habita toda a plenitude da divindade e por Ele temos acesso ao Pai, à salvação e à vida eterna.
A revelação do Filho
O Filho é o resplendor da glória de Deus. Quem vê o Filho vê o Pai. Jesus é a imagem perfeita do Deus invisível.
Dun ni kanan, pagkita-en ya kalalamdag na katulus na Tyumanem. Aw kun unu ya Ama, maynan uman ya Iseꞌ. Aw magi sa katulus na kanan tingeg, ya kadég na pig-imoꞌ nan asini muna, kenneꞌ nan migpadeleg taman adun. Aw awun pa pig-imoꞌ nan pada kalinisan ya manga utaw sa manga salaꞌ nilan, aw tigkas yan nyingkud sakanan adti kalintu na trunu na Tyumanem na awun ni tas na langit.
Matas pa si Jisu-Kristu kay sa manga anghil
Aw to-o matas ya Iseꞌ na Tyumanem kay sa manga anghil. Aw ya pig-atag kanan na ngalan to-o pa dengganen kay sa manga anghil.
Aw ya Tingeg yeiy, nya-imoꞌ sakanan utaw aw nyeyaꞌ asini eped tadun. Nyatmuꞌ sakanan na grasya, aw alag matinaw ya piglong nan. Aw kyinitaꞌ nami ya kadyaw na Tyumanem dun ni kanan Iseꞌ na tamisa.
Walaꞌ ya utaw na kyumitaꞌ sa Tyumanem. Yan oloꞌ ya kyumitaꞌ kanan ya kanan Iseꞌ na tamisa. Aw yan ya migpa-edeꞌ adti kadég tadun sa Ama nan kay gayed silan mig-iyeped.
Manang miglong si Jisus kanilan, "Migpadeleg ya kanak Ama sa kanan imo-unun. Yanagaw magpadeleg aku uman." Aw asuntu sa piglong ni Jisus, to-o pa nilan kaliman na patayen sakanan. Aw bekeꞌ oloꞌ na kyalakadan nan ya suguꞌ sa Allaw na Paglagdeng, manang yan ya to-o nilan kyadaman ya piglong ni Jisus na Ama nan ya Tyumanem, na ya kakawasan: migpa-unawa sakanan sa Tyumanem.
Confissão e fé
Tu és o Cristo, o Filho do Deus vivo! Quem confessa que Jesus é o Filho de Deus, Deus permanece nele.
Ya tubag ni Pédro na si Jisus ya Misiyas
Na, dyumateng da si Jisus aw manga eped nan adti banwa na Césariya Pilipos. Aw sambuk na allaw pig-usip nan ya kanan manga umagakan, "Aku na Iseꞌ na Utaw, dun ni pagbalawbalaw na manga utaw, singalan kunu aku adti kanilan?" Aw tyumubag silan, "Ya eped miglong na ikaw kunu si Juan na Magba͡utismuway, aw awun eped na miglong na ikaw kunu si Éliyas, aw awun pa eped na miglong na ikaw si Jérémiyas aw sambuk baling na propita." Pagkatigkas yan, nyusip si Jisus kanilan, "Manang adti kamayu, singalan aku?" Aw tyumubag si Simon Pédro, "Ikaw saba ya Misiyas! Ikaw ya tengteng Iseꞌ na Tyumanem na Gayed Awun!"
Pagkatigkas na pagba͡utismu kan Jisus, tyumaklang sakanan lekat adti tubig. Aw tigkan nyabekaꞌ ya langit. Aw kyinitaꞌ nan ya Ispiritu Santo na lekat adti tas na kasiling na kalupati na maputiꞌ na lyumugsad adti kanan. Aw awun tingeg na lekat adti tas na langit na miglong, "Yeiy saba ya kanak Iseꞌ na to-o ku pigginawa͡an, aw to-o aku kyatutukan kanan."
Pangkay singalan ya maglong adti asdangan na manga utaw na si Jisus ya Iseꞌ na Tyumanem, na, kya-ede-an tadun na ya utaw yan nyakasambuk da sakanan adti Tyumanem aw awun saba uman ya Tyumanem ni kanan.
Aw maynini ya pagpakitaꞌ na Tyumanem sa kadakulaꞌ na pagginawa nan kanaten: Pigpadala nan asini tas na lupaꞌ ya kanan Iseꞌ na tamisa pada magi kanan makatagtun kitadun sa ginawa na walaꞌ ya katigkasan. Aw yeiy ya pagginawa na walaꞌ ya maka-unawa. Walaꞌ tadun una ginawayi ya Tyumanem manang yan ya nyuna gyuminawa kanaten. Aw pigpadala nan ya kanan Iseꞌ na un ma-imoꞌ dugsuꞌ kalyu kanaten, pada makamang ya pagpa-emel-emel kanaten na Tyumanem aw malanas ya manga salaꞌ tadun.
Manang ya utaw na migpadeleg mig-imoꞌ sa salaꞌ, si Satanas ya tagtun kanan, kay yan ya gayed migpakasalaꞌ lekat pa asini muna sa pag-atu nan sa Tyumanem. Aw yan ya du-an na nyadi ya Iseꞌ na Tyumanem pada kalaten ya imo-unun ni Satanas.
Ya utaw na dyumawat sa Iseꞌ na Tyumanem, nyatagtun da nan ya ginawa na walaꞌ ya katigkasan. Manang ya utaw na walaꞌ dawat sa Iseꞌ na Tyumanem, walaꞌ nan katagtun ya ginawa na walaꞌ ya katigkasan.
Vida no Filho
Deus enviou seu Filho ao mundo para que vivêssemos por Ele. O Filho dá vida, julga e reconcilia os pecadores com o Pai.
Pigginawa͡an to-o na Tyumanem ya kadég na manga utaw, aw yan ya du-an na pig-atag nan ya kanan Iseꞌ na tamisa pada pangkay singalan ya mangintu-u kanan diliꞌ sakanan pa-emel-emelen, manang makatagtun baling sa ginawa na walaꞌ ya katigkasan.
Ya Ama magpakamataw sa manga nyangkamatay aw mag-atag adti manga utaw sa ginawa, maynan uman aku na Iseꞌ nan maka-atag sa ginawa adti pangkay singalan ya kaliman ku atagan. Aw bekeꞌ na Ama ya mag-ukum sa manga utaw, kay pig-atag da nan adti kanak na Iseꞌ nan ya kadakulaꞌ na katundanan sa pag-ukum, pada aku na Iseꞌ nan basa͡an na kadég na utaw kasiling na pagpamasa nilan sa Ama. Yanagaw pangkay singalan ya walaꞌ pamasa kanak na Iseꞌ nan, walaꞌ nilan uman basayi ya Ama na migpadala kanak.
Matinaw saba uman ya un ku paglongun kamayu: Ya manga utaw na kya-eletan pa lekat adti Tyumanem kasiling silan na nyatay, manang dyumateng da ya allaw na dumengeg silan sa tingeg ku na Iseꞌ na Tyumanem. Aw ya kadég na magpakanyeg aw mangintu-u sa ubat-ubat ku, silan ya atagan sa bagu na ginawa. Kay ya Ama, yan ya lyekatan sa ginawa, aw kanan pagbayaꞌ na aku na Iseꞌ nan lekatan uman sa ginawa.
Manang ya kadég na dumawat aw mangintu-u kanan, pig-atagan nan silan na katundanan na ma-imoꞌ mangayseꞌ na Tyumanem. Aw ya pagka-imoꞌ nilan mangayseꞌ nan, diliꞌ kasiling na utaw mag-iseꞌ, aw diliꞌ uman asuntu sa pagkaliman na mangkatikadeng. Manang yan baling ya pagbayaꞌ na Tyumanem na ma-imoꞌ silan mangayseꞌ nan.
Aw asuntu na nyaka-agad da aku sa pagkamatay ni Kristu adti krus, yanagaw diliꞌ da ku tumanen ya pagkaliman na pagka-utawun ku, manang yan da baling ya tumanen ku ya pagkaliman ni Kristu na nyeyaꞌ asini kanak. Aw yan da ya pigsaligan ku adun si Jisus na Iseꞌ na Tyumanem, kay pigginawa͡an aku nan aw pig-atag nan ya kanan pagka-utawun kalyu kanaken.
Manang pagdateng na allaw na dadan da na Tyumanem pigpamalliꞌ, pigpadala nan ya kanan Iseꞌ na un ma͡utaw adti sambuk na ka͡ubayan. Aw pigdalug na Iseꞌ nan ya Uldin na manga Judiyu na un lekaten ya kadég na nya-allang na Uldin, pada ma-imoꞌ silan mangayseꞌ na Tyumanem. Aw asuntu na nya-imoꞌ da kamu iseꞌ na Tyumanem, pigpadala nan ya Ispiritu na kanan Iseꞌ na un meyaꞌ adti kamayu anenganeng. Yanagaw mabatug da tadun tawagen ya Tyumanem na "Maꞌ!"
Idtu muna, po-on kitadun na Tyumanem, manang adun, nyakalikuꞌ da kitadun adti kanan magi sa pagkamatay na kanan Iseꞌ. Aw nyabangal da na paluwa-en kitadun asuntu sa pagkataw ni Jisus lekat adti pagkamatay.