Filho de Deus
Jesus é o Filho de Deus — a revelação suprema do Pai. Nele habita toda a plenitude da divindade e por Ele temos acesso ao Pai, à salvação e à vida eterna.
A revelação do Filho
O Filho é o resplendor da glória de Deus. Quem vê o Filho vê o Pai. Jesus é a imagem perfeita do Deus invisível.
सह शोहरू ई आसा तेऊए प्रतप्पो प्रैश्शअ अर सह तेऊ ई करै लागा हाम्हां का थोघ कि परमेशर किहअ महान आसा, सह आसा हर गल्ला दी तेऊ ई ज़िहअ अर तेऊए बैणा दी आसा एही शगती कि सारअ भ्रमंड रहा तिहअ ई काम करदअ लागी ज़िहअ सह आसा, तेऊ किऐ मणछे पाप दूर अर तेखअ बेठअ सह स्वर्गै सर्वशक्तिमान परमेशरे दैहणीं बाखा सोभी का बडी पदबी दी।
तेऊए एऊ कामां लै दैनी परमेशरै तेऊ लै सोभी का बडअ नाअं ज़ुंण स्वर्ग दूता का बी खास्सी बडी आसा इहअ करै लागा हाम्हां का थोघ कि ज़ुंण शोहरू आसा सह आसा तिन्नां का महान।
तेऊ बैणै लई मणछे देही अर झींण अर सत्ता दी भर्हुई करै किअ हाम्हां जैंदरी बसेरअ, हाम्हैं भाल़अ तेऊओ इहअ प्रतप्प, ज़िहअ बाबे तेऊ शोहरूए प्रतप्प हआ ज़ुंण आपणैं बाबो कल्हअ शोहरू हआ।
परमेशर निं आझ़ तैणीं कोही भाल़अ, पर बाब परमेशरो कल्ही पूत ज़ुंण तेऊए भोसल़ै आसा, तेऊ किअ परमेशर हाम्हां लै प्रगट।
ऐहा गल्ला लै बोलअ ईशू तिन्नां लै, "मेरअ बाब करा अज़ी बी काम अर हुंबी करा।"
तैही लागै यहूदी ईशू मारने भरपूर कोशिशा करदै कि सह एकी बाखा, बशैघे धैल़ीओ बधान चोल़ा, संघा बोला दुजी बाखा इहअ कि परमेशर आसा एऊओ बाब, अर आप्पू समझ़ा तिंयां परमेशरा बराबर।
Confissão e fé
Tu és o Cristo, o Filho do Deus vivo! Quem confessa que Jesus é o Filho de Deus, Deus permanece nele.
ईशू आअ कैसरिया अर फलिप्पी नेल़ गराऊंऐं अर सह लागअ आपणैं च़ेल्लै का पुछ़दअ, "लोग मुंह मणछे पूता लै किज़ै बोला कि हुंह कुंण आसा?"
तेखअ बोलअ तिन्नैं, "कोई बोला ताल्है जोहन्ना डुबकी दैणैं आल़अ, कई लोग बोला एलियाह। कई लोग बोला कि अह आसा परमेशरो गूर जेरमयाह या तिन्नां मांझ़ै कोई एक ज़ण्हअ।"
तेखअ पुछ़अ तेऊ तिन्नां का, "तम्हैं किज़ै बोला मुल्है? हुंह कुंण आसा?"
शमौन पतरासै बोलअ, "तूह आसा ज़िऊंदै परमेशरो पूत मसीहा।"
ज़ांऊं ईशू पाणीं दी डुबकी दैई पाणीं का उझै निखल़अ, हेरा-हेरी शुझुअ जोहन्ना का इहअ कि तेऊ लै खुल्हअ सरग अर परमेशरे पबित्र आत्मां भाल़ी एछदी पालल़ी ज़ेही तेऊ प्रैंदै। परमेशरै बोलअ स्वर्गा का इहअ, "अह आसा मेरअ पूत। हुंह झ़ूरा एऊ लै सोभी का खास्सअ, एऊ का आसा हुंह खास्सअ खुशी।"
ज़ुंण बी इहअ मना कि ईशू आसा परमेशरो पूत, परमेशर रहा तेऊ दी बस्सी अर सह बस्सा परमेशरा दी।
ज़ुंण झ़ूरी परमेशर हाम्हां संघै करा, सह हुई इहअ करे प्रगट कि परमेशरै छ़ाडअ आपणअ कल्हअ पूत संसारै ताकि हाम्हां तेऊ करै सदा रहणैं आल़ी ज़िन्दगी भेटे। झ़ूरी निं एता दी आथी कि हाम्हैं किई परमेशरा संघै झ़ूरी, पर सह आसा एता दी कि परमेशरै किई हाम्हां लै झ़ूरी अर म्हारै पापे प्राश्ते तैणीं दैनअ आपणअ पूत एऊ संसारा लै।
ज़ुंण कबल्लअ रहा पाप करदअ लागी, सह आसा राख्सा बाखा। किल्हैकि राख्स करा शुरू ई का पाप। परमेशरो पूत आअ एते तैणीं कि राख्से तिन्नां सारै कामां बरैबाद करे।
ज़हा दी परमेशरो पूत बस्सा तेऊ का आसा सदा रहणैं आल़ी ज़िन्दगी अर ज़हा दी परमेशरो पूत नांईं बस्सदअ, तेऊ का निं सह ज़िन्दगी बी आथी।
Vida no Filho
Deus enviou seu Filho ao mundo para que vivêssemos por Ele. O Filho dá vida, julga e reconcilia os pecadores com o Pai.
"किल्हैकि परमेशरै किई सारै संसारा संघै एही झ़ूरी कि तेऊ दैनअ आपणअ कल्ही पूत बल़ीदान हणां लै, ताकि ज़ुंण बी तेऊ दी विश्वास करे सह निं लोल़ी मूंअ, पर तेऊ लोल़ी सदा रहणैं आल़ी ज़िन्दगी भेटी।
"ज़िहअ बाब मूंऐं दै मणछा ज़िऊंदै करा, तिहअ ई करा पूत बी ज़हा सह च़ाहा तिन्नां ज़िऊंदै।
"बाब निं कोहिओ नसाफ करदअ, तेऊ सभाल़ी अह सज़ा दैणें ज़िम्मैंबारी मुंह तेऊए पूता का। एते तैणीं कि ज़िहअ सोभ लोग बाबो अदर करा, तिहअ ई पूतो बी करे। ज़ुंण पूतो अदर नांईं करदअ, सह निं तेऊ बाबो बी अदर करदअ ज़ुंणी सह छ़ाडअ द आसा।
"हुंह खोज़ा तम्हां का सत्त कि इहअ बगत आसा एभै अर इहअ ई हणअ कि मूंऐं दै शुणनअ परमेशरो बैण, अर तेता शूणीं हणैं तिंयां ज़िऊंदै।
"ज़िहअ बाब ज़िन्दगी दैणैंओ मूल़ आसा, तिहअ ई बणाअं तेऊ आपणअ पूत बी ज़िन्दगी दैणैंओ मूल़।
पर ज़ुंणी बी सह मनअ अर तेऊ दी विश्वास किअ, तिन्नां लै दैनअ तेऊ परमेशरे लुआद हणैंओ हक। तिंयां निं संसारे रिती दी परमेशरे लुआद बणै ज़िहै संसारै मणछ बैह करी शोहरू लै ज़ल्म दैआ। पर तिन्नों बाब आसा परमेशर अर तेऊ दैनअ तिन्नां लै नऊंअ ज़ल्म।
ऐबै आसा मेरी पराणीं ज़िन्दगी मसीहा संघै क्रूसा दी छ़ड़ाऊई दी अर ऐबै निं हुंह ज़िऊंदअ रहअ पर मसीहा आसा मुंह दी ज़िऊंदअ। हुंह ज़ुंण देही दी ऐबै ज़िऊंदअ आसा, हुंह आसा सिधअ तेऊ विश्वासा संघै ज़िऊंदअ, ज़ुंण परमेशरे पूता दी आसा, ज़ुंणी मुल्है झ़ूरी किई, अर मेरी तैणीं आपणीं ज़ान दैनी।
पर ज़ांऊं ठीक बगत पुजअ, परमेशरै छ़ाडअ आपणअ पूत संसारा लै अर तेऊओ ज़ल्म हुअ होरी मणछा ज़िहअ ई एकी ज़नानीए ओदरा का। तेऊओ ज़ल्म हुअ यहूदी खिंबा दी अर तेऊ किई सोभै गल्ला मोसा गूरे बधाने साबै। ताकि ज़ुंण बधाने डरा हेठै आसा, तिन्नां लै मोल दैई छ़ुटकारअ होए, अर हाम्हां बी गोद लऐ दै शोहरू ज़िहअ हक भेटे।
किल्हैकि तम्हैं आसा परमेशरे पूत, तैही छ़ाडी परमेशरै आपणैं पूते आत्मां म्हारै दिलै, ज़ुंण "बाबा, ए बाबा बोला।"
किल्हैकि हाम्हैं तै परमेशरे दुशमण अर तेऊओ पूत मूंअ म्हारी तैणीं, तैही हुअ म्हारअ परमेशरा संघै मेल़-ज़ोल़, अर अह गल्ल बी आसा पाक्की कि तेऊए ज़िऊंदै हणैं करै भेटणअ हाम्हां उद्धार।
हाम्हां लै हुअ एक लान्हअ पैईदा!
हाम्हां लै दैणअ एक शोहरू!
सह हणअ म्हारअ राज़अ।
तेऊओ नाअं पल़णअ "महान सलाहकार,"
"महान परमेशर" अर "सदकअ बाब"
"मेल़ ज़ोल़ करनै आल़अ राज़ कुंआर।"