Filho de Deus
Jesus é o Filho de Deus — a revelação suprema do Pai. Nele habita toda a plenitude da divindade e por Ele temos acesso ao Pai, à salvação e à vida eterna.
A revelação do Filho
O Filho é o resplendor da glória de Deus. Quem vê o Filho vê o Pai. Jesus é a imagem perfeita do Deus invisível.
ಕ್ಹುದಾನಿ ಮಹಿಮಾ ತಿಮಾ ದಿಕ್ಹಿನ ಐ. ತೆ ಕ್ಹುದಾನಾ ನಿಂಗತಜ ವ್ಹತ್ತೊ, ತೆ ತಿನಾ ತಾಕತ ಭರಲ ವಾಕ್ಯಾಕ್ಹು ಕ್ಹಾರಾವೊನೆ ಆಸ್ರೊ ವ್ಹತ್ತೊ. ವರಿ ತೆ ಮನಕ್ಹೊನೆ ತ್ಯುನಾ ಪಾಪೊಕ್ಹು ಶುದ್ಧ ಕರಿನ ಕ್ಹಾರಾವೊತಿ ಉಪ್ಪರ ರ್ಹಯಲ ಸ್ವರ್ಗಮಾ ಕ್ಹುದಾನಾ ಸಿದಾ ಬಗಲ ಬೈಟ್ಯೊ.
ಕ್ಹುದಾನೊ ದಿಕ್ರ ಯೆಸು
ಕ್ಹುದಾ ತಿನೆ ದೆವದುತೊನಾ ನಾಮೊತಿಬಿ ಮ್ಹೊಟು ನಾಮ ತಿನೆ ಮ್ಹೆಲ್ಯೊತೊ, ಕಾಕದ್ಯಾಮ ಕ್ಹುದಾ ತಿನೆ ದೆವದುತೊತಿಬಿ ಮ್ಹೊಟೊ ಕರ್ಯೊತೊ.
ವಾಕ್ಯಾ ಕವಾಲೊ ಮನಕ್ಹನೊ ರುಪತಾಳಿನ. ತೆ ಪುರಾ ಕೃಪಾಕ್ಹು ವರಿ ಕ್ಹರಿಕ್ಹು ಭರ್ಯೊತೊ. ಅಪ್ನಾ ಕ್ಹಾತೆ ಜಿವ್ನಾ ಕರ್ಯೊ ಅಪೆ ತಿನಿ ಮಹಿಮಾ ದೆಕ್ಯಾ. ತೆ ಮಹಿಮಾ ಬಾನೊ ಯಕ್ಲೊಜ಼ ದಿಕ್ರೊ ರ್ಹಯಲ ತಿನೆ ಮಹಿಮಾ ವ್ಹತ್ತಿ.
ಕ್ಹುದಾನೆ ಕುನ್ನಜ ಕೆಳಾಮಾಜ ದೆಕ್ಯಾ ನತ್ತಿ. ತೆನೈಸೊ ಯಕ್ಲೊಜ಼ ದಿಕ್ರೊ ತೆ ಕ್ಹುದಾನ ನಿಂಗತ ಛೆ ವರಿ ಬಾನಾ ಬಾಜು಼ಮಾ ಛೆ. ತೆ ದಿಕ್ರೊ ಕ್ಹುದಾನೆ ಅಪೊನೆ ದೆಕಾಡಿನ ದಿದ್ಯೊಸ.
ತೆನೈಸೊ ಯೆಸು ತ್ಯುನೊನೆ "ಮಾರೊ ಬಾ ತಿನಾ ಕಾಮೊ ಕೆಳಾಮಾಬಿ ಕರ್ತೊಜ ರ್ಹವಸ. ತಿನಾಹುತಿ ಮಿಬಿ ಕಾಮ ಕರ್ತೊಜ" ಕೈನ ತಿನಾಹುತಿ ಕದ್ಯೊ.
ಎ ವಾತ ಯೆಹುದಿನಾ ಅದಿಕಾರಿಯೊ ತಿನೆ ಖಲಾಸ ಕರುಜ ಕೈನ ಫೈಸಲೊ ಕರಾ ವರ್ಕ್ಹು ಥಯು, ತೆಕ್ಲುಜ ನೈಸೊ ತೆ ಕ್ಹುದಾನಿ ಸಬ್ಬತನು ನಿಯಮ ತೊಡ್ಯೊ ನ್ಹೊತೊ, ತೆನೈಸೊ ತೆ ಕ್ಹುದಾ ತಿನೊ ಸ್ವಂತ ಬಾ ವ್ಹೈ ಕೈನ ಕದ್ಯೊ ವರಿ ಇನಾನಿಂಗತ ತಿನಾಕ್ಹು ತಿನೆ ಕ್ಹುದಾ ನಿಂಗತ ಕರಿಲಿದ್ಯೊತೊ.
Confissão e fé
Tu és o Cristo, o Filho do Deus vivo! Quem confessa que Jesus é o Filho de Deus, Deus permanece nele.
ಪೆತ್ರಾ ಯೆಸುನೆ ಕ್ರಿಸ್ತ ಕೈನ ಕದ್ಯಲ
ಯೆಸು ಫಿಲಿಪ್ಪನಾ ಕೈಸರೈ ಕವಾನಾ ಗಾಮನಾ ಪ್ರಾಂತ್ಯನೆ ಆಯಲ್ಪರ, ಮನಕ್ಹೊ ಮನಕ್ಹನೊ ದಿಕ್ರೊ ಥಯಲ ಮನೆ ಕುನ್ನ ವ್ಹೈ ಕವಸ ಕೈನ ಶಿಶ್ಯಾವೊನೆ ಪುಚ್ಯೊ. ತೆಳಾಮಾ ಶಿಷ್ಯಾ, "ತುನೆ ದಕ್ಹಾ ಜ಼ನಾ ಸ್ನಾನಿಕ ಥಯಲ ಯೊಹಾನ ಕವಸ, ದಕ್ಹಾ ಜ಼ನಾ ಎಲಿಯಾ ಕವಸ ವರಿ ಬಿಜಾ಼ ದಕ್ಹಾ ಜ಼ನಾ ಯೆರೆಮಿಯ ಕವಸ, ತೆನೈಸೊ ಪ್ರವಾದಿಯೊಮಾ ಯಕ್ಲೊ ಕವಸ ಕೈನ ಕದ್ಯಾ.
ಯೆಸು ಶಿಶ್ಯಾವೊನೆ, ತುಮೆ ಮನೆ ಕುನ್ನ ವ್ಹೈ ಕವೊಶಿ ಕೈನ ಪುಚ್ಯೊ? ತೆಳಾಮಾ ಸಿಮೊನ ಪೆತ್ರಾ, ತು ಜಿವ್ತೊ ರ್ಹಯಲ ಕ್ಹುದಾನೊ ದಿಕ್ರೊ ಥಯಲ ಕ್ರಿಸ್ತ ವ್ಹೈ ಕೈನ ಜವಾಬ ದಿದ್ಯೊ.
ಯೆಸು ಬಾಪ್ತಿಸ್ಮಾ ಲಿನ ಪಾನಿಮಾತೊ ಉಪ್ಪರ ಆಯೊ, ತೆಳಾಮಾಜ಼ ಹಬಾಳ ಕ್ಹುಲ್ಯು ಕ್ಹುದಾನಿ ಆತ್ಮಾ ಖಬುತರನಾ ರುಪ್ಮಾ ಉತ್ರಿನ ತಿನಾ ಉಪ್ಪರ ಆವಾನು ಯೆಸು ದೆಕ್ಯೊ. ತೆಳಾಮಾ ಸ್ವರ್ಗಮಾತು ಆವಾಜ ಐಯು "ಆಂ ಮಾರೊ ಮಾಯಾನೊ ದಿಕ್ರೊ ಯೆಸು ವ್ಹೈ, ಅನೆ ಮಿ ಘನ್ನೊ ಮೆಚ್ಯೊಸ".
ಯೆಸು ಕ್ರಿಸ್ತ ಕ್ಹುದಾನೊ ದಿಕ್ರೊ ವ್ಹೈ ಕೈನ ಕುನ್ನ ವಪ್ಪಿಲಿವಸ ತಿನಾಮಾ ಕ್ಹುದಾ ರ್ಹವಸ ವರಿ ತೆ ಕ್ಹುದಾಮಾ ರ್ಹವಸ.
ಕ್ಹುದಾ ತಿನಾ ರ್ಹಯಲ ಯಕ್ಲಾಜ಼ ದಿಕ್ರಾನಾ ಮುಲಕ ಮನೆ ಜ಼ಲಮ ದಿವಾನಾ ಹುತಿ ದುನಿಯಾಮಾ ಮೊಕಲ್ಯೊ. ಇನಾ ನಿಂಗತ ಕ್ಹುದಾ ತಿನಿ ಮಯಾ ದೆಕಾಡ್ಯೊ. ಅಪೊಪರ ರ್ಹಯಲ ಕ್ಹುದಾನಿ ಮಯಾ ಕ್ಹರಿನಿಜ಼ ವ್ಹೈ. ಅಪೊನೆ ಕ್ಹುದಾಪರ ರ್ಹಯಲ ಕ್ಹರಿನಿ ಮಯಾ ನ್ಹವೈ. ಅಪ್ನಾ ಪಾಪ ನಿವಾರಣನಾ ಹುತಿ ಕ್ಹುದಾ ತಿನಾ ದಿಕ್ರಾನೆ ಮೊಕಲ್ಯೊ.
ಸೈತಾನ ಪೈಲಾತೊಬಿ ಪಾಪೊ ಕರಾಡೊಸ. ಪಾಪೊ ಕರಾಲೊ ಸೈತಾನಾ ಕ್ಹಾತೆ ಮಳಲವಾಲೊ ವ್ಹೈ. ಕ್ಹುದಾನೊ ದಿಕ್ರೊ ಕ್ರಿಸ್ತ ಸೈತಾನ ಕಾಮೊ ಹಾಳ ಕರಾನೆಜ಼ ಆಯೊಸ.
ಕುನ ಕ್ಹುದಾನಾ ದಿಕ್ರಾನೆ ನಂಬಸ ತ್ಯುನೊನೆ ತೆ ಜ಼ಲಮ್ಮ ಛೆ,ತೆನೈಸೊ ಕುನ ಕ್ಹುದಾನಾ ದಿಕ್ರಾನೆ ನೈ ನಂಬತು ತ್ಯುನೊಮಾ ತೆ ಜ಼ಲಮ್ಮ ನತ್ತಿ.
Vida no Filho
Deus enviou seu Filho ao mundo para que vivêssemos por Ele. O Filho dá vida, julga e reconcilia os pecadores com o Pai.
ಹೊ, ಕ್ಹುದಾ ದುನಿಯಾನೆ ಕೆಕ್ಲಿಕೆ ಮಯಾ ಕರಿನ ತಿನಾ ಯಕ್ಕಜ಼ ದಿಕ್ರಾನೆ ದಿದ್ಯೊ; ತಿನೆ ಬರೊಕ್ಹೊ ಕರಾಲೊ ಯಕ್ಲೊಬಿ ಹಾಳ ಥಯಾವಾಚಿ ಕ್ಹಾರಾ ಜ಼ನಾ ಹಮೆಶಾನೊ ಜ಼ಲಮ ವ್ಹಂದಿಲ್ಯು ಕೈನ ತಿನೆ ದಿದ್ಯೊ.
ಬಾ ಮರಲವಾಲಾವೊನೆ ಉಟಾಡಿನ ತ್ಯುನೊನೆ ಜ಼ಲಮ ದಿವಸ. ತಿನಾನಿಂಗತ ದಿಕ್ರೊಬಿ ತಿನೆ ಚಾ಼ಯೆ ಥಯಲವಾಲಾವೊನೆ ಜ಼ಲಮ ದಿವಸ. "ಎನೈಸೊ ಬಾ ತಿನಾಕ್ಹು ತೆ ಕಿನೆ ಫೈಸಲೊ ಕರ್ತೊ ನೈ ತೆನೈಸೊ ಬಾ ಪೈಸ್ಲೊ ಕರಾನು ಪುರಾ ಅದಿಕಾರ ದಿಕ್ರಾನೆ ದಿದ್ಯೊಸ. ತಿನಾಹುತಿ ಕ್ಹಾರಾ ಜ಼ನಾ ಬಾನೆ ಮರ್ಯಾದಿ ದಿದಲ ನಿಂಗತ ದಿಕ್ರಾನೆಬಿ ಮರ್ಯಾದಿ ದ್ಯುಕೈನ ಕ್ಹುದಾ ಇಮ್ಮ ಕರ್ಯೊ. ಕುನ್ನ ದಿಕ್ರಾನೆ ಮರ್ಯಾದಿ ನೈ ದೆತು ತೆ ತಿನೆ ಮೊಕ್ಲಲವಾಲೊ ಬಾನೆ ಮರ್ಯಾದಿ ನೈ ದೆತೊ.
ಮಿ ತುಮೊನೆ ಕ್ಹರಿಜ ಕೌಸ ಮರಲವಾಲಾ ಕ್ಹುದಾನಾ ದಿಕ್ರಾನು ಅವಾಜ಼ ಐಕಾನೊ ದಿನ್ನ ಆವಸ. ತೆ ಹಮ್ನಾಜ ಆಯುಸ. ಕುನ್ನ ಐಕಸ ತ್ಯುನೆ ಜ಼ಲಮ ವ್ಹಂದಿಲಿವಸ. ಬಾ ಜ಼ಲಮ ದಿವಾನಿ ತಾಕತ ತೆ ವ್ಹಂದಲನಿಂಗತ ದಿಕ್ರಾನೆ ಜ಼ಲಮ ದಿವಾನಿ ತಾಕತ ದಿದ್ಯೊಸ,
ತೆನೈಸೊ ಕುನ್ನ-ಕುನ್ನ ತಿನೆ ವಪ್ಪಿಲಿದ್ಯಾ ಕದ್ಯಾಮ ತಿನಾ ನಾಮ ಪರ ಬರೊಕ್ಹೊ ಕರ್ಯಾ ತ್ಯುನೊನೆ ತೆ ಕ್ಹುದಾನಾ ಬಚ್ಚಾ಼ ಥಾವಾನೆ ಹಕ್ಕ ದಿದ್ಯೊ. ಇವ್ನೆ ರಗತಕ್ಹು ರ್ಹೈನೆಕಾ ಅಂಗನಾ ಆಸಕ್ಹು ರ್ಹೈನೆಕಾ ದಾಣ್ಗಾನಾ ಆಸಕ್ಹು ರ್ಹೈನೆಕಾ ಹುಟ್ಟಲ ನ್ಹವೈ. ತೆ ಇವ್ನೆ ಕ್ಹುದಾಕ್ಹುಜ ಹುಟ್ಟಲ ವ್ಹೈ.
ತಿನಾಹುತಿ ಮಾರಾಮಾ ಜಿವ್ತೊ ರ್ಹಯಲ ಕ್ಹರಿಮಾಜ಼ ಮಿ ನ್ಹವೈ, ಕ್ರಿಸ್ತಜ಼ ಮಾರಾಮಾ ಜಿವ್ತೊ ಛೆ. ಮಿ ತೊ ಖಾಲಿ ಅಂಗ ವ್ಹೈ. ವರಿ ಮಿ ಜಿವ್ತೊ ರ್ಹಯಲ ಕ್ಹುದಾನೊ ದಿಕ್ರಾಪರ ಬರೊಕ್ಹೊ ರ್ಹಯಲ ಕ್ಹುಜ಼ ವ್ಹೈ. ಮನೆ ಮಯಾ ಕರಲವಾಲೊ ಯೆಸುಜ಼ ವ್ಹೈ ವರಿ ತೆ ಮನೆ ವಚಾ಼ಡಾನ ಹುತಿ ತಿನಾಕ್ಹು ತಿನೆ ವಪ್ಸಿನ ದಿದ್ಯೊ.
ತೆನೈಸೊ ಕರೆಟ್ಟ ಟೈಮ ಆಯಲ್ಪರ ತಿನಾ ದಿಕ್ರಾನೆ ಮೊಕಲ್ಯೊ. ಕ್ಹುದಾನೊ ದಿಕ್ರೊ ಹೆಣ ಮನಕ್ಹನಾ ಪೆಟಮಾತೊ ಹುಟ್ಟಿನ, ಧರಮಶಾಸ್ತ್ರನಿ ಅಧಿನಮಾ ಜಿವ್ನಾ ಕರ್ಯೊ. ಧರಮಶಾಸ್ತ್ರನಿ ಅಧಿನ್ಮಾ ರ್ಹಯಲ ಅಪೊನೆ ಛೊಡೈನ ತಿನಾ ಬಚ್ಚಾ಼ ಕರಲ್ಯು ಕೈನ ಕ್ಹುದಾನಿ ಉದ್ದೆಶ ವ್ಹತ್ತಿ.
ತುಮೆ ಕ್ಹುದಾನಾ ಬಚ್ಚಾ಼ ವ್ಹೈ. ತಿನಾಹುತಿ ಕ್ಹುದಾ ತಿನಿ ಆತ್ಮಾ ತುಮಾರಾ ಮನಸ್ಮಾ ಮೊಕಲ್ಯೊ" ಬಾ, ಮಾರಾ ಬಾ "ಕೈನ ಆತ್ಮಾ ವದ್ರಸ.
ಕಾಕದ್ಯಾಮ ಅಪೆ ಕ್ಹುದಾನಾ ವಿರೊಧಿಯೊ ರ್ಹತಾಮಾಜ಼ ಕ್ಹುದಾ ತಿನಾ ದಿಕ್ರಾನಾ ಮರಣನಾ ಮುಲಕ ಅಪೊನೆ ತಿನಾ ದೊಸ್ತೊ ಕರಲಿದ್ಯೊಸ. ಹಮ್ನಾ ಅಪೆ ಕ್ಹುದಾನಾ ದೊಸ್ತೊ ಥಯಲಕ್ಹು ಕ್ಹುದಾ ತಿನಾ ದಿಕ್ರಾನಾ ಜ಼ಲಮನಾ ಮುಲಕ ಅಪೊನೆ ವಚಾ಼ಡಾನು ಹೆಚ್ಕಿ ದೆಕಾಡಿನ ದಿವಸ.