Filho de Deus
Jesus é o Filho de Deus — a revelação suprema do Pai. Nele habita toda a plenitude da divindade e por Ele temos acesso ao Pai, à salvação e à vida eterna.
A revelação do Filho
O Filho é o resplendor da glória de Deus. Quem vê o Filho vê o Pai. Jesus é a imagem perfeita do Deus invisível.
Bar Ha’oosi ulfinanon palpalgire besir. Bar haalabaasik Ha’oosneen ane mai’sire isarwa. Kaambaasi hugnak han daason zuutire teebbe ephiwa. Asuni meyanon dey boor’besiissin kayimsinanneen orfo samak hugnaba faana Ha’oosi ho’itta di.
Barik imte sunaas Ha’oosi wosiyani suntan denalo sinnamato Ha’oosi Naa Ha’oosi wosiyatan akamanon denalowa.
Kaamiis asha sinne inno ganeyaassi ha’i. Inno dey Ababaaski feena kabaasik fa ulfinbaasne fa isa naa bar basa ulfinaason biini. Bar dey [Ha’oni otumaknawa futokna tuum].
Ha’ooson biyar oonu aafe. Sinuntano abani sina Ha’oosneen fe isa naas bar bar Ha’oos oo sinnamato innok ammanon besi.
Sinuntano Yesus: «Abataas hash hawungneen kar’e wostedife. Ta dey wostenarwa» yire wolgi. Esenu beysani wonaason ooda beybaas bar bar sinnoynamato teetbaason dey Ha’ooseen isar zagire: «Ha’oos taak abatawa» yina boor’a Ayhudni meya akamanon woruk sholset feeseter.
Confissão e fé
Tu és o Cristo, o Filho do Deus vivo! Quem confessa que Jesus é o Filho de Deus, Deus permanece nele.
Phexiros Yesus Muudto Sinnamato Ammanon Make
Yesus Filiphoos Qesariya yistefa daa kar’naase nawobaasakitonin: «Asuni meya Asuni Naanin oowa yisefeso?» yit mamsi.
Baasso dey: «Isa isaas ‹Haphqife Yohanniswa› yisefe. Oomiis dey ‹Eliyaswa› yisefe. Oomiis ‹Ermiyaswa wedey raajjuni meyaassin isaaswa› usotu yisedifewa» yisete. Yesus dey: «Eekin nitto Taan oowa yifetiso» yi. Simon Phexiros wolgire: «Ne hayewa Ha’oosi Naa Kiristooswa» yi.
Yesus haphuktenanneen orfo geregere akaassin kesi. Estan samaas gachchen Ha’oni Ayyana nakalone faar sinna basaasta kerefeen bi. Kaama dey saman yaara: «Haniis ta shunfana naaswa; bariktu girefawungwa» yi.
Yesus Ha’oni Naa sinnamato amanefe asusasi Ha’oos faafa; bar dey Ha’oosik feefe.
Nawubaaski kamo kaa dananik Ha’oos isa Naabaasin han daasta wosiwa. Es barik Ha’oosi keeshtana inno ganeyaassi ammanon kessa bestewa. Inno Ha’ooson shunni boor’a sinnoynaron bar innotin shunna boor’niison tishkunak Naabaasin maa’a zagira innok wosiwa. Keeshtana uus dey esiiswa.
Daabulos zeemmaneen kabira boor’a woster sinna boor’a boor’aason wostefe bar zuuttere Dabulosni keengwa. Ha’oosi Naa ammanon yeenaas Dabulosni wostooson boganakwa.
Ha’oni Naa basaassi feena bar kaaba faar. Sinuntano Ha’oni Naa basaassi foontoos kaaba aafa.
Vida no Filho
Deus enviou seu Filho ao mundo para que vivêssemos por Ele. O Filho dá vida, julga e reconcilia os pecadores com o Pai.
Barik amanefe bar zuuttambaase koi’ba foonto kaa dananaktano tishunoynamato Ha’oos isa nawuba bar barin aatira imma han daason baak keeshtewa.
Abaas kituussinnu kabgire kaa imfenasimato naas dey sholsefe baassok kaa imfewa. Asu zuuttere Abaasin ulfinsifenasimato naasin dey ulfinsunak mangsuni kar’aason zuutire naabaasik aatire imiwa. Es bari boor’a Abaas ooniistanu sinfaanane aafa mangsu kar’anawuza. Naasin ulfinsunoy bar wosi Abaasin aafa ulfinsunawuza.
Futo nittok makefawungwa, kituni meya Ha’oosi naani kaamanon odosone wona yoonawa. Wonaas dey hashwa. Odefe baassonu kaak foosone. Abaas teetbaasik kaaba faanamato naas dey teetbaasik kaaba foonak imiwa.
Sinuntano ephpheteesere sunbaasik amanefe baasso zuuttere Ha’oni naanggota sinonek mabti imi. Baasso Ha’oni naanggota sinetees asuni tumak wedey hannakin wedey ashakin wedey teegoni fiqadik aane koontosoto. Baasso koontesetees Ha’okingwa.
Ta Kiristoosneen ane suuttenarne faar zagira faadin sinna boor’a hanneen ekalok Kiristoos tayissitu foonatano ta ta teetni kaak foonartawa. Hash ashak faana kaas; taan shuna bariknawa taakwa iyaat teetbaason aatire ima Ha’oosi Naanik amanok bestefa kaasikwa.
Sinuntano es makte neyaas yaara kar’baase Ha’oos Nawubaasin innok wosi, bar mashkasuskin koonte, dey tumaasi sikalosi koonte. Es baron zaginaas tumaasi sikalosi feese baassotin furonaknawa innotin dey Ha’oni naanggota sinanik zagunaknawa. Ha’oni naanggota sinniisik Ha’ooson «Aabba! Aabba!» yit teegefa Nawubaasa Ayyananon inno nibaassi wosi.
Inno Ha’oosi guma sinna faani bari Naasa kituk barneen ane ganeniwa. Hash Ha’oosneen ane ganeninneen orfo dey daysira basa kaaski kamo faruni.