Filho de Deus
Jesus é o Filho de Deus — a revelação suprema do Pai. Nele habita toda a plenitude da divindade e por Ele temos acesso ao Pai, à salvação e à vida eterna.
A revelação do Filho
O Filho é o resplendor da glória de Deus. Quem vê o Filho vê o Pai. Jesus é a imagem perfeita do Deus invisível.
Tuh-e Ccapaw tuh Pachia phu-enaw awnawpaw te Pachia thuanaw muinsan langsakunawpaw nynh thua. Athungpaw a bya liate pawpaw balyn kha po a tynsah. Aening seinaw hae kha amaw ccaccei nynh he oun thyaasahpah koute ahangnaw kya Lesaenaw ranglang khe a dahung vae.
Vaaw hae laeze Ccapaw Lesaehua
Vaaw hae laeze houh ahoy huaccepaw min kha a ccou keiccuze Ccapaw tuh vaaw hae laeze patae alesaehua.
Bya tuh ccungccaw lang yn tang zah aening kya a um, aning tuh thawccinaw te byaccing te phe beih zah, Paaw kya-e lu kheit kyalyapaw Ccapaw phu-enaw lante a phu-enaw kha ah muih vae oh.
Hum nynh sanmah Pachia tuh muih boi khyh, Paaw by vaw kya a umpaw, lu kheit kyalyapaw Ccapaw nynh Pachia kha a langsah vae.
Thuasalama Jesu nynh minmin kha, "Ka Paaw tuh atu cia ryalah zah kae mah rya ka lah," cite a khung hae. E kong keiccuze Judah hae nynh amaw kha chia lan cite houh a nounuaku hae, pawccecize aning nynh sabbath nin a ro kyalya thua leite Pachia kha mah ka Paaw ci zah tuhte amaw te amaw kha Pachia te a ngingsaku, a ci hae.
Confissão e fé
Tu és o Cristo, o Filho do Deus vivo! Quem confessa que Jesus é o Filho de Deus, Deus permanece nele.
Peter nynh Jesu Kong Phynaw
Jesu tuh Sisaria Filipi ram lang he a thua te a zuitu hae kyakhe, "Ccungccaw hae nynh Ccungccaw Ccapaw kae hynh hum yn ci hae mou?" cite a khia hae. Minmin nynh, "Ccungccaw abang nynh Baptisma pyatu Johan ae ci hae; abang nynh Elijah ae ci hae; abang nynh Jeremiah khyhze profeh lukhakheit nynh thua ae ci hae," cite a khung hae. Jesu nynh minmin kha, "Nanning nynh so kae hynh hum nae ci oh mou?" cite a khia hae. Simon Peter nynh, "Nang tuh a hiinpaw Pachia Ccapaw Messiah nynh na thua," a ci.
Te Jesu tuh baptisma a in koute tui kyate yn pou lyakhe vaawlang tuh vaekheihmawte yn hungkuh zah Pachia Muisaw tuh vahu hawte yn rungbung zah a tungvaw yn ccupaw kha a muih. Vaawlang te roi nynh, "E paw tuh a tungvaw ka lungryccingpaw, ka sungsahpaw ka Ccapaw nynh thua," a ci.
Humhung zemah Jesu tuh Pachia Ccapaw nynh thua cite ccaekia a khanpaw tuh a kya Pachia um zah aning mah Pachia kya a um.
Pachia nynh aening oun sungsahnaw alangkunawpaw tuh: Ccapaw liate aening nynh hiinnaw ah mue nawlan oh, Pachia nynh a hoi thypaw Ccapaw kha laephi vawlan yn saw. Sungsakunaw cipaw tuh: Aening nynh Pachia kha ah sungsah oh cipaw thua leite, Pachia nynh aening kha oun sungsah zah a Ccapaw kha aening seinaw ngaethyanaw elang yn saw.
Seinaw a raepaw ccungccaw tuh Satan kya-e nynh thua, pawccecize Satan tuh atakaw te palei a seipaw nynh thua. Pachia Ccapaw yn langkupaw tuh Satan ryalaw kha ro khylan nynh thua.
Ccapaw a hoipaw tuh hiinnaw a hoi. Pachia Ccapaw kha a hoi leipaw tuh hiinnaw hoi khyh.
Vida no Filho
Deus enviou seu Filho ao mundo para que vivêssemos por Ele. O Filho dá vida, julga e reconcilia os pecadores com o Pai.
"Pawccecize Pachia nynh laephi hynh eih a sungsah keiccuze a Ccapaw lu kheit kyalyapaw kha oun pya; tukeiccuze amaw a zynpaw miakaw tuh chih vae lan khyh zah zungzae hiinnaw a hoi cih.
Pawccecize Paaw nynh a chih hae paw kha thoosah zah a hiinsah hae hawte, Ccapaw nynh mah a rypaw ccungccaw hae kha a hiinsah hae. Pawccecize Paaw nynh hum ccungccaw sanmah byapia khyh, byapianaw miakaw kha Ccapaw kalan marya a pya. Tuhteze nynh ccungccaw balyn nynh Paaw kha saw a tua hae hawte Ccapaw kha mah saw a tua cih hae. Ccapaw kha saw a tua leipaw ccungccaw tuh Ccapaw a sawtupaw Paaw kha saw a tua leipaw nynh thua.
"Byaccaccing kae hopya oh, a chih hae paw nynh Pachia Ccapaw roi oun thae cih hae zah roi a thae hae paw nynh oun hiinnaw hae ccyh tuh yn thua cih, tuh-e ccyh tuh atu mah a thua vae. Pawccecize Paaw nynh amaw kya hiinnaw a hoi hawte, Ccapaw nynh mah amaw kya hiinnaw a hoi nawlan kaw a pya.
Thuasalama amaw kha lehkhan hae zah amaw min a zynpaw balyn kha Pachia ccaaw thuanaw kaw a pya hae. Minmin tuh chiisaw te saahpaw ccaaw, pynsaw rynaw te saahpaw ccaaw, ccungccaw rynaw te saahpaw ccaaw thua khyh hae; thuasalama Pachia rynaw te saahpaw ccaaw nynh athua hae.
tukeiccuze a hiinpaw tuh kamaw thua leite ka lungkhu kya a hiinpaw Khri nynh thua. Atu pynsaw kya ka hiinpaw hiinnaw tuh kae yn sungsah zah ka hanlan amaw te amaw a pyakuhpaw Pachia Ccapaw zynnaw liate nynh ka hiin.
Thuasalama accyh ccingnaw he yn thua te, nopinung vue kya poisah zah Kawbya zakaw yn puisahpaw a Ccapaw kha Pachia nynh yn saw. Tuh-e tuh Kawbya zakaw um hae paw kha shawkhaw khylan nynh thua; tuhteze nynh aening tuh ccaaw lang tang khylan ccaaw thuanaw kha ah mue cih oh. Nanning tuh ccaaw hae na thua oh keiccuze, "Abba! Ka Paaw!" cite a kopaw a Ccapaw kya-e Muisaw kha aening thinlung kalan Pachia nynh a saw vae.
Pawccecize aening tuh Pachia rhaw hae ah thua lya oh khe, a Ccapaw chinaw liate Pachia te ah ccawkuthui vae oh, tuhte ccawkuthuinaw ah mue vae oh paw aening tuh a hiinnaw liate khum ah thua vae cih oh.
Pawccecize aening hanlan
imua lu kheit a pui vae,
ccapaw lu kheit pya ah thua oh;
aning tuh uknaw kaw a hoi cih;
amaw kha Ngaeang lan umpaw
Tuanaw pyatu, Athungpaw Pachia,
Zungzae tynpaw Paaw,
Daenaw Siapharan
cite minphu athua cih.