Filhos de Deus
Ser filho de Deus é o maior privilégio da existência humana. Pela fé em Cristo, recebemos o direito de ser chamados filhos de Deus — herdeiros de Deus e co-herdeiros com Cristo.
O direito de ser filho
A todos que creram no nome de Jesus, deu-lhes o poder de serem feitos filhos de Deus — nascidos não do sangue, mas de Deus.
Gumgi gu mbigi mbari ana ndigi, mbe ana zɨ khothɨgi gumgi gu mbigi ma. Mbe guigira ana khothɨgim, ana kha zɨn mben kamɨnga tuktɨgi, mbe Fhe Bakɨmen tari kɨrga. Mbe gumgi gu mbigi wari ga rɨgap tari ti tuavar, mbe ana tari ki fhuvara. Zakɨra fhuvara! Mbe ana khothɨgim, Fhe Bakɨme mbe muuŋgim, mbe ana tari ki.
"Fhe Bakɨme, ana Kama bavira ki. Ana guigira wo ndavar kha nuianan ki gumgi gu mbigi ga nɨɨŋgiap, ana ne nzuav mba Kama bavira, ana anan mbe nɨɨŋgi. Ana maaŋ muuŋgim, mba ana khothɨgi gumgi gu mbigi, mbe fhɨrgi rɨgɨp vhɨzgirga tuktɨgi fhu. Zakɨra fhuvara! Mbe zazera mbara muuŋgiap ki bɨɨŋbɨɨŋ ndigirga.
Gu kha mirikori gu bigi khergi, gu ne khergirim, nde guigira Zisas khothɨgɨrga, ana mba Fhe Bakɨme taagip won gumgi gu mbigi ndir zav suaŋgiap farasarigi guma ma. Ana Fhe Bakɨmen Kam ma. Nde maaŋ muuŋgip ana khothɨgɨrga, nde ana zɨn panan, nde zazera mbara muuŋgiap ki bɨɨŋbɨɨŋ ndigirga.
Nza guigira Zisas Krais khothɨgap, ana zɨn vov, nza Fhe Bakɨmen tari ki.
Nde zam guigira Krais Zisas khothɨgi, nde mba tɨva mbuav, nde Fhe Bakɨmen tari ki. Nde guigira Zisas Krais khothɨgap ana zɨn panan ruagi gumgi gu mbigi, nde Krais ndigap, nde Krais mbui tɨvi zɨn vov, nde Kraisra fara muuŋgiap ki.
Nza kav kim, Fhe Bakɨme wo sarigi tugara, ana won Kama sarigim, ana zergi. Ana kha nuianan mbik ana tegim, ana Moses suaŋgi tɨvir piin ki. Ana taagip, nza Moses suaŋgi tɨvi piin ki gumgi gu mbigi, ana nza vhezɨ zav zergi. Ana maaŋ nzan muuŋgirim, nza Fhe Bakɨmen tari kɨrga.
Maaŋ muuŋgiap nde ŋaara gumgi khɨni ki fhuvara. Fhe Bakɨme nde muuŋgi, nde ana tari guari ma. Nde Fhe Bakɨmen tari ma, nde kaŋgi, nde anan bigi vhuuiŋ ndirga.
A identidade dos filhos
O Espírito testifica com nosso espírito que somos filhos de Deus. E se filhos, também herdeiros — herdeiros de Deus.
Nza kaŋgi, gumgi gu mbigi fhura Fhe Bakɨmen Ŋina Ŋaara garim, ana mben ruru tɨvi gu bigi gari, mba gumgi gu mbigi, mbe Fhe Bakɨmen ŋkaa gu ŋkaar mbigi ma. Nde Fhe Bakɨmen Ŋina Ŋaar ndigim, ana fhura nde ganɨrim, rɨrɨp wom nde ganɨrim, nde fhura anan ŋaara gumgir khɨni kegɨrga fhu. Zakɨra fhuvara! Fhe Bakɨmen Ŋina Ŋaar nde muuŋgim, nde Fhe Bakɨme tari ma. Nza Fhe Bakɨmen Ŋina Ŋaara ŋkasŋkar panan, nza kha kakaman Fhe Bakɨme mbui, "Aba." Kha zɨ "Aba," anan nɨɨeŋ khare, "Dara."
Fhe Bakɨmen Ŋina Ŋaar, ana nduara nzan vhen ki guma phorgap khueŋ bun nzuai, nza Fhe Bakɨmen tari ma.
Kha kama nɨɨeŋ khaŋ nzuai, "Gumgi guma vɨzɨnra hegi, mbe Fhe Bakɨmen tari fhuvara." Fhe Bakɨme suaŋgi kameŋ zɨn vov hegi tari, mbe kha zɨn mben kaai, mbe Abrahaman tari ma.
Viver como filhos
Vede que grande amor o Pai nos concedeu: que fôssemos chamados filhos de Deus! E é isso que somos.
Mbaia, nde ram mbui ndɨkndɨga mbui. Fhe Bakɨme, ana guigira nza vuzvugiap, guigira won ndavar nza nɨɨŋgi! Ana guigira won ndavar nza nɨɨŋgiap, kha kakaman nzan muunga, nde nan tari ma. Ne guigi guarara, nza Fhe Bakɨmen tari ma. Kha nuianan tɨvi zɨn vui gumgi, nza kaŋgi fhu. Mbe vhɨra, nza Ndia Fhe Bakɨme kaŋgi fhu. Mbe nza Ndia Fhe Bakɨme kaŋgia kake, mbe nza kaŋge.
The Fhe Bakɨmen kam, the Satanan kam? Nza maaŋ muuŋgip kaŋgi saŋv, nza khaŋ muuŋgip, gangip, kaŋgirga. Guma tɨvir vhuuiaŋ mbui fhu, ana Fhe Bakɨmen kam fhuvara. Guma wo phorgap guigira Zisas khothɨgi gumgi, ana guigira won ndavar mbe ndɨɨv, tɨvir vhuuin mbe mbui fhu, ana vhɨra Fhe Bakɨmen kam fhuvara.
"Nde ntari gu rua mbui fhuv gumgi gu mbigi nde ndikndigɨri. Mbe kha zɨrir nden kamɨnga, nde Fhe Bakɨmen tari ma.
Mbe maaŋ nzuaim, Zisas mben nzarigi, "Mbe mba suambarar na mbuim, nde ram mbui suambarar na mbui, gu the ma?"
Ana ne nzuaim, Saimon Pita mbaram ana ŋgarkarav khaŋ ana nzuai, "Nde Fhe Bakɨme taagip za kha nuianan ki gumgi gu mbigi ndir zav suaŋgiap farasarav sarigi guma ma. Ndu zazera mbara muuŋgiap ki bɨɨŋbɨɨŋ ndi ndɨɨi Fhe Bakɨmen Kam ma."
Ana ne nzuaim, Zisas ana ŋgarkarav, khaŋ ana nzuai, "Saimon, Zonan kam, ndu ndikndigɨri. Kha nuiana guma the mba ndɨkndɨgar ndu ndɨɨim, ndu mba kameŋ suaŋgi fhuvara. Na Ndia, ana mbu Hevenan ki, ana nduara mba kamen ndu khɨvigi.
Fhe Bakɨme maaŋ muuŋgip simtɨgar nden nɨɨŋrim, nde khaŋ tɨgɨp havhargip, fhura Fhe Bakɨme ganɨrim, ana nden tɨvi ndi thɨgar maaŋri. Fhe Bakɨme, ana ndia won tari ga mbui tɨvar nde mbui. Maaŋgi tar ana kim, anan ndia ana tɨvi ndi thɨgar mbai fhu? Zakɨra fhuvara! Fhe Bakɨme, ana za won tarir tɨvi ndi thɨgar mbai. Ana maaŋ muuŋgip nden tɨvi ndi thɨgar mba fhu, nde ntige kaŋgiri, nde anan tari guari fhuvara. Nde tuav rɨgager hegi tari ma.