Filhos de Deus
Ser filho de Deus é o maior privilégio da existência humana. Pela fé em Cristo, recebemos o direito de ser chamados filhos de Deus — herdeiros de Deus e co-herdeiros com Cristo.
O direito de ser filho
A todos que creram no nome de Jesus, deu-lhes o poder de serem feitos filhos de Deus — nascidos não do sangue, mas de Deus.
အယ်ဘေမဲ့ တချို့ဟှ ကိုယ်တော့်ဟှို လတ်ခံဘီး ကိုယ်တော်ရဲ့ နာမဟှို ယောင်ကြည်ဟှယ်။ အယ်ကြောန့် ကိုယ်တော်ဟှ သူးနို့ဟှို ဘုရားသခင်ရဲ့ သားမီးလေဖြစ်ခွမ့်ပေးဟှယ်။ သူးနို့ဟှာ သွီးသားရှင်းပေါန်းဘီး ပေါ့-က်လာဟှူ သားမီးလေ မှုဟှ။ လူသားဖဟှနေ ပေါ့-က်လာဟှူ သားမီးလေ မှုဟှ။ ဘုရားသခင်ဟှနေ ပေါ့-က်လာဟှူ သားမီးလေဖြစ်ဟှယ်။
ဘုရားသခင်ဟှာ လောကသားလေဟှို ရရာတိုင်း ရှစ်ဟှူကြောန့် သူ့ရဲ့ တပါးဒဲရှိဟှူ သားတော်ဟှို ပေးလေဟှယ်။ အယ်ကြောန့် သားတော်ဟှို ယောင်ကြည်ဟှူ လူတိုင်းဟှာ ပျစ်စီးဘဲ့န ထာဝရသတ်ဟှို ရမယ်။
အယ်ဘေမဲ့ ယေရှုဟှာ ဘုရားသခင်ရဲ့ သားတော် မေရှိယ ဖြစ်တော်မူဟှယ် ဆိုဇာဟှို နန်းနို့ ယောင်ကြည်ဂေ့ဟှို့န အယ်မျိုး ယောင်ကြည်ဇာအားဖြင့် ကိုယ်တော့်နာမနှိုက် သတ်ဟှို ရရှိဟှို့တွပ် အယ်မူဇာလေဟှို ရေးဟှားဇာဖြစ်ဟှယ်။
အယ်ကြောန့် နန်းနို့ဂူလောင်းဟှာ ခရစ်တော်ယေရှုနှိုက် ယောင်ကြည်မှုအားဖြင့် ဘုရားသခင်ရဲ့ သားမီးလေဖြစ်ဂေ့ဟှယ်။ ခရစ်တော်နှိုက် ဗတ္တိဇံခံဟှူ လူလေဂူလောင်းဟှာ ခရစ်တော်ဟှို ဝတ်ဆင်ဟှားဟှူ လူလေဖြစ်ဟှယ်။
အယ်ဘေမဲ့ ခီပ္လဲ့ဇောင်ဟှားခီမာ ဘုရားသခင်ဟှာ သူ့ရဲ့ သားတော်ဟှို စေလွှတ်တော်မူဟှယ်။ ကိုယ်တော်ဟှာ ယုဒလူလေရဲ့ ပညတ်တရားအော့-က်မာ လူမီးမဟှနေ မွီးဖွားဇာဟှို ခံဟှို့တွပ် ကြွလာတော်မူဘီး၊ ပညတ်တရား လတ်အော့-က်မာရှိဟှူ လူလေ ဂူလောင်းဟှို ဝီးနှုတော်မူလိုက်ဟှူကြောန့်၊ နို့လေဟှာ ဘုရားသခင်ရဲ့ သားလေ ဖြစ်ခွမ့်ရဂေ့ဟှယ်။
အယ်ကြောန့် နန်းနို့ဟှာ ကျွန်မှုဟှမ်း။ သားဖြစ်ဟှားဘီ။ အယ်ဘီးဟှာ နန်းနို့ဟှာ သားဖြစ်ဟှားကြောန့်၊ ဘုရားသခင်ဟှာ သူ့ရဲ့ သားလေတွပ် မွီဂူလောင်းဟှို ပေးတော်မူဟှယ်။
A identidade dos filhos
O Espírito testifica com nosso espírito que somos filhos de Deus. E se filhos, também herdeiros — herdeiros de Deus.
ဘုရားသခင်ရဲ့ ဝိညာဉ်တော် ဆောင်းမပဲ့ပြင်တော်မူရှင်းဟှို ခံရဟှူသူလေဟှာ ဘုရားသခင်ရဲ့ သားမီးလေဖြစ်ဟှယ်။ ဖြားဖြစ်ကြောန့်နူးဆိုဟှာ ဘုရားသခင် ပေးတော်မူဟှူ ဝိညာဉ်တော်ဟှာ နန်းနို့ဟှို ကြော့-က်တတ်ဟှူ ကျွန်ရဲ့စိသဘောဟှို ပေးဟှူဇာမှုဘဲန နို့လေဟှို ဘုရားသခင်ရဲ့ သားမီးလေဖြစ်စေဘီးဟှာ ဝိညာဉ်တော်အားဖြင့် "အဗ္ဗ! ဖ!" ဆိုဘီး ခေါ်ရဟှူခွမ့်ဟှို ပေးတော်မူဟှူဇာ ဖြစ်ဟှယ်။
နို့လေဟှာ ဘုရားသခင်ရဲ့ သားမီးလေ ဖြစ်ဟှူကြောန်းဟှို ဝိညာဉ်တော်ကိုယ်တိုင် နို့လေရဲ့ဝိညာဉ်နတူးဒူ သတ်သေခံလေဟှယ်။
အယ်ကြောန့် ဇာတိအားဖြင့် မွီးဖွားလာဟှူ သားလေဟှာ ဘုရားသခင်ရဲ့ သားမီးမှန် မှုဟှ။ ဘုရားသခင်ရဲ့ ဂဒိတော်အားဖြင့် မွီးဖွားလာဟှူ သားမီးလေဟှိုဘဲ့ စစ်မှန်ဟှူ မျိုးနွယ်ဖြစ် သတ်မှတ်တော်မူလေဟှယ်။
Viver como filhos
Vede que grande amor o Pai nos concedeu: que fôssemos chamados filhos de Deus! E é isso que somos.
ဘုရားသခင်ရဲ့ သားမီးလေကြောန်း
နို့လေဟှာ ဘုရားသခင်ရဲ့ သားမီးလေ ဆိုဘီး ခေါ်ခံရဟှူခွမ့်ဟှို ရဂေ့ဟှူကြောန့် နို့လေဟှို ဖဘုရားဟှာ ဖယ်မျှလော့-က် ရှစ်နူးဆိုဟှာ ဆင်ခြင်ဂေ့ပါ။ နို့လေဟှာ တကယ်ဘဲ့ ဘုရားသခင်ရဲ့ သားမီးလေ ဖြစ်ဂေ့ဟှယ်။ အယ်ကြောန့် အယ်လောကသားလေဟှ နို့လေဟှို သိဟှ။ ဖဟှိုလည်း သိဟှ။
အယ်မျိုးလတ်ခဏာဟှို ကေ့မယ် ဆိုဟှာ ဘုရားသခင်ရဲ့ သားမီးလေန မာရ်နတ်ရဲ့ သားမီးဟှာ ကွာခြားရှင်းဟှို သိရဟှယ်။ ဖြောန့်မတ်ရှင်းတရားဟှို ကျင့်ဘဲ့ဟှူလူ၊ ကိုယ့်ရဲ့ ညီကို မောန်နှမလေဟှို ရှစ်ဘဲ့ဟှူလူဟှာ ဘုရားသခင်ရဲ့ သားမီး မှုဟှ။
ယော့-က်နယော့-က်ဟှို သင့်မြတ်အောန် လောက်ပေးဟှူသူလေဟှာ မင်္ဂလာရှိဟှယ်။
အယ်သူလေဟှာ ဘုရားသခင်ရဲ့ သားမီးလေ ဆိုဘီး ခေါ်ခံရလေ့မယ်!
ကိုယ်တော်ဟှ "နန်းနို့လေဟှမား ငါ့ဟှို ဖယ်သူဖြစ်ဟှယ် ဆိုဘီး ပြောဂေ့နူး" ဆိုဘီး မေးတော်မူဟှယ်။
ရှိမုန်ပေတရုဟှ "ကိုယ်တော်ဟှာ သတ်ရှင်တော်မူဟှူ ဘုရားသခင်ရဲ့ သားတော်ဖြစ်ဟှူ ခရစ်တော်ဖြစ်ပါဟှယ်" ဆိုဘီး လျှော့-က်ဟှယ်။
ယေရှုဟှ "ယောနရဲ့သားရှိမုန်! နန်ဟှာ မင်္ဂလာရှိလေဟှယ်။ ဖြားဖြစ်ကြောန့်နူးဆိုဟှာ အယ်မူဇာဟှို ဇာတိသွီးသားဟှ နန့်ဟှို ဖွမ့်ပြလိုက်ဇာ မှုဟှ။ ကောန်းဂန်ဘောင်မာ ရှိတော်မူဟှူ ငါ့ဖဟှာ ဖွမ့်ပြတော်မူဟှယ်။
ဘုရားသခင်ဟှာ နန်းနို့ဟှို သားဟှူမျိုး ပြုမူတော်မူဟှူကြောန့် နန်းနို့လေဟှာ ဆောင်းမတော်မူဟှူ ဇာဟှို သီးခံဂေ့ရမယ်။ ဖြားဖြစ်ကြောန့်နူးဆိုဟှာ ဖဆောင်းမဘဲဟှူသား တဇောင်တယာ့-က် ရှိဟှူကြောန့်လော။ လူတိုင်းခံရတတ်ဟှူ ဆောင်းမရှင်းဟှို နန်းနို့ခံရဘဲနေဟှာ သားရင်းမှုဘဲ တရားဝမ်ဘဲဟှူ သားလေဘဲ့ ဖြစ်ဂေ့ဟှယ်။