Filhos de Deus
Ser filho de Deus é o maior privilégio da existência humana. Pela fé em Cristo, recebemos o direito de ser chamados filhos de Deus — herdeiros de Deus e co-herdeiros com Cristo.
O direito de ser filho
A todos que creram no nome de Jesus, deu-lhes o poder de serem feitos filhos de Deus — nascidos não do sangue, mas de Deus.
Mada’a 'a guna ḇato 'o dawongo re 'o ngaku Unanga, Unanga 'o pula’a haku ra ananga di’a 'aḏi dadi Ma Jou’ongu Madutu 'ai ngowa-ngowa’a. Ananga gena-ge 'aḏi dadi ua Ma Jou’ongu Madutu 'ai ngowa-ngowa’a, sababu manga ete re dotumu, bolo manusia manga nyafusu, bolo nau’u 'ai nyafusu. Mada’a ananga gena-ge 'aḏi dadi Ma Jou’ongu Madutu 'ai ngowa-ngowa’a sababu 'ahu su-sungi ga’a ma 'asala ra Unanga.
Yesus 'o sapolo di’a sisalamata manusia
Ma Jou’ongu Madutu 'o dadalara manusia toma dungia ma tero so’o ne: Unanga ro 'utusu 'Ai Ngowa’a Nau’u pa’i matengo, la 'a guna ḇato 'o ngaku 'Ai Ngowa’a Nau’u gena-ge, 'o iranga ua kasingado-ngadolo i’a, mada’a 'o sanga 'ahu kasingado-ngadolo i’a.
Mada’a mo-moini gena-ge ri silefo toma boku nena-ne, la nyengara ngini ni ngaku mangale Yesus gena-ge 'O Kristus, Ma Jou’ongu Madutu 'ai Ngowa’a Nau’u re na’o ni ngaku Unanga, ngini sanga 'ahu kasingado-ngadolo i’a.
Siḏibo ḏi’i, sababu ngini reni ngaku Kristus Yesus, ngini mo-moini ni dadi Ma Jou’ongu Madutu 'ai ngowa-ngowa’a. Re sababu ngini mo-moini reni sanga baptis ra Kristus 'ai lomanga, ngini reni dawongo Kristus ma tero sa’olo ni mapake 'Ai pakeanga.
Mada’a wakutu ma 'orasa ri ngadolo, ga’a Ma Jou’ongu Madutu ro sitantukanga pasala ḏua, Unanga 'o siḏingoto 'ai Ngowa’a Nau’u sapolo toma dungia. Re we-were’a matengo mu sibuoro Unanga. Sababu gena-ge sa’olo ngowa’a Yahudi, Unanga balasu 'o ta’aloko ra Musa 'ai hukumu. Unanga 'o sapolo di’a 'O tuusu ngowa-ngowa’a ga’a Musa 'ai hukumu 'i parenta manga 'ahu, la ngene nyengara wo dadi Ma Jou’ongu Madutu 'ai ngowa-ngowa’a nau’u.
Sababu gena-ge, 'orasa nange-ne, ngini ni dadi budaka riwara mada’a reni dadi Ma Jou’ongu Madutu 'ai ngowa-ngowa’a nau’u. Sababu gena-ge, ngini reni dadi warisi ma jengeta’a ḏi’i re Ma Jou’ongu Madutu ḏuanga i’a 'o pula’a 'ai barakati mo-moini ra ngini, ga’a Unanga ro sijaji pasala ḏua.
A identidade dos filhos
O Espírito testifica com nosso espírito que somos filhos de Deus. E se filhos, também herdeiros — herdeiros de Deus.
Sababu ngowa-ngowa’a ga’a Ma Ngagara 'Ofi-'Ofi ya’u sinyanyasele, ananga gena-ge Ma Jou’ongu Madutu 'ai ngowa-ngowa’a nau’u. Sababu Ma Ngagara 'Ofi-'Ofi ga’a Ma Jou’ongu Madutu 'a pula’a ra ngini, si’a’a ua ngini ni dadi ngowa’a budaka, singadolo ngini ni 'ahu mojongo ma hukumu ra Ma Jou’ongu Madutu. Siḏibo ḏi’i, Ma Ngagara 'Ofi-'Ofi 'i si’a’a ngini dadi Unanga 'ai ngowa-ngowa’a nau’u. Re sababu Ma Ngagara 'Ofi-'Ofi ma kuasa, ngene nga’unu wo 'aro’o Ma Jou’ongu Madutu, "Baba, ngene nanga Ḇaḇa."
Ma Ngagara 'Ofi-'Ofi masiretene 'i sisakisi mamete’e ra ngene nanga roh, mangale ngene Ma Jou’ongu Madutu 'ai ngowa-ngowa’a.
Gena-ge ma ngale so’o ne: Pa’i Abraham 'ai ju’uda ḇato ga’a 'aḏi sibuoro mete’e Unanga 'ai jaji, ananga 'aḏi dadi Ma Jou’ongu Madutu 'ai ngowa-ngowa’a re ḏi’i Abraham 'ai ngowa-ngowa’a mode-mode’e; mada’a 'ai ju’uda mo-moini ua.
Awa mete’e duka re balisa ma rapu
'A Musa 'o kanau toma ngowa-ngowa’a Israel rema betongo so’o ne: <<Ngini nena-ne ma tero sa’olo Ma JOU 'ai ngowa-ngowa’a nau’u, Unanga gena-ge Ma Jou’ongu Madutu ga’a ngini silamo’o re siḏubuso. Dadi wakutu ngini sanga duka re balisa sababu ngowa’a sengene, awa ni sinyaboto bolo ni ḇukuku ninga sae’e papolo toma biono ma tero ga’a bangsa-bangsa lelegu ya si’a’a. Ngini nena-ne ni siwola i’a di’a Ma JOU Ma Jou’ongu Madutu ga’a ngini silamo’o re siḏubuso, sa’olo Unanga gena-ge 'ai 'umata. Toma bangsa mo-moini manga sigolona toma dungia sitabi donga pa’i ngini ḇato ga’a Ma JOU nu cumutu di’a ni dadi 'Ai 'umata masiretene.>>
Viver como filhos
Vede que grande amor o Pai nos concedeu: que fôssemos chamados filhos de Deus! E é isso que somos.
Ma Jou’ongu Madutu 'ai ngowa-ngowa’a
Ngene mode-mode’e wo heranga ma duhu sa’olo Ma Jou’ongu Madutu na dadalara ngene: Ngene nena-ne, Unanga 'o si’aro’o 'Ai ngowa-ngowa’a! Re mode-mode’e ngene Ma Jou’ongu Madutu 'ai ngowa-ngowa’a! Ngowa’a ga’a ngaku Yesus ua 'aḏi mangaku ua ngene sa’olo Ma Jou’ongu Madutu 'ai ngowa-ngowa’a, sababu ananga gena-ge 'aḏi nana’o Ma Jou’ongu Madutu ua.
Nena-ne 'i dadi didina’o rimoi mangale ngene nyengara wa oḏi’i enanga 'i ma’u rapu Ma Jou’ongu Madutu 'ai ngowa-ngowa’a reo 'Iblisi ma ngowa-ngowa’a: 'A guna ḇato ga’a si’a’a mete’e ua Ma Jou’ongu Madutu 'ai 'akala ma mau bolo manga dadalara 'i cua tamanga ioronongoḏu ngo-ngaku rimoi, ananga gena-ge Ma Jou’ongu Madutu 'ai ngowa-ngowa’a ua.
Bara’utungu ngowa’a 'aḏi riono ngowa’a 'aḏi dadi ma’u dame moju,
sababu ananga gena-ge 'aḏi osama nyo-nyoimi ra Ma Jou’ongu Madutu 'ai ngowa-ngowa’a nau’u.
Yesus dadunu 'o sano, "Mada’a na’o mete’e ngini masiretene nena-ne, Ngoi ne 'a guna?"
Simon Petrus 'a sangoro, "Jou 'O Kristus, Ma Jou’ongu Madutu 'o 'ahu-'ahu, Unanga gena-ge 'Ai Ngowa’a Nau’u."
Yesus 'o kanau, "Simon 'a Yona 'ai ngowa’a nau’u, ngana no bara’utungu madutu! Sababu manusia ua 'o siajele gena-ge ra ngana, mada’a 'Ari Ḇaḇa toma soroga.
Dadi, wakutu ngini ni sanga sangisara, balasu ni tahana. Sababu Ma Jou’ongu Madutu 'o pake sangisara di’a 'O doto’o ngini ma tero sa’olo ḇaḇa 'o pake hukumu di’a 'o doto’o 'ai ngowa’a nau’u. Sanga ua, ḇaḇa 'o doto’o 'ai ngowa’a nau’u so’o gena-ge ua. Na’o ngini sanga hukumu ua taninga ḇaḇa toma dungia nena-ne, ngini ngimono madutu ua. So’o gena-ge Ma Jou’ongu Madutu 'o pake sangisara di’a doto’o 'ai ngowa’a nau’u mo-moini. Na’o so’o gena-ge ua, ngene 'Ai ngowa’a nau’u ua, mada’a ngowa’a haram.