3 Naanay Med’inaa Godaappe imettiyaa imotaa;

yelotuu tumuwaappe woytuwaa.

4 Itti uray bare yalagatetsan yeleedda attuma naanatuu,

olanchchaa kushiyan de’iyaa tooratuwaa mala.

5 He k’arc’c’iitan de’iyaa wonddaafiyaa tooratuwaadan,

daro naanatuu de’iyaa Asay anjjetteeddawaa.

Ayaw gooppe, I bare morkkatuwaanna,

katamaa penggiyaan mootettiyaa wode, ubbakka s’oonettenna.

1 Med’inaa Godaw yayyiyaawanttunne,

Aa ogiyaan hamettiyaawanttu ubbay anjjetteedawantta.

2 Neeni ne daaburaa ayifiyaa maana;

neeni nashettananne new lo"o gidana.

3 Ne machata ne son ayifiyaa dorkkokkeedda,

woyniyaa turaa mala gidana.

Ne naanatuukka ne gaytaa yuushshuwaan,

wogaraa puutiyaa mala gidana.

4 Med’inaa Godaw yayyiyaa asay

tumuwaappe hewaadan anjjettana.

1 Med’inaa Godaw yayyiyaawanttunne,

Aa ogiyaan hamettiyaawanttu ubbay anjjetteedawantta.

2 Neeni ne daaburaa ayifiyaa maana;

neeni nashettananne new lo"o gidana.

3 Ne machata ne son ayifiyaa dorkkokkeedda,

woyniyaa turaa mala gidana.

Ne naanatuukka ne gaytaa yuushshuwaan,

wogaraa puutiyaa mala gidana.

12 Nu attuma naanatuu,

barenttu yalagatetsan dolk’k’idolk’k’iide,

dic’c’iyaa mitsaa mala gidino.

Nu mac’c’a naanatuukka kaatiyaa golliyaa zooziyaan,

alleek’k’oo esseedda tuuk’iyaa mala gidino.

2 Aa naanatuu biittan wolk’k’aama gidana;

suure asatuwaa yeletay anjjettana.

28 S’oossay unttuntta hawaadan yaagiide anjjeedda; «Yelettite; c’orite; ha sa’aa kumitenne mooddite; abbaa moliyaa, saluwaa kafuwaanne biittaa bolla wos’s’i k’aas’s’iyaa, de’uwaan de’iyaa med’etaa ubbaa mooddite» yaageedda.

4 Ne uluwaa ayfii, ne shoyk’aa ayfii,

ne mehiyaa maratuunne

ne dorssaanne ne deeshshaa wudiyaa maratuu,

c’orattiide anjjetteedawantta gidana.

14 Hintte hara ay asaappenne aad’d’iide anjjetteedawantta gidana. Ittuunne attuma gidina, mac’c’a gidina maynenna. Hintte mehiikka maynenna.

6 Na’ay waaniide de’ana bessintto tamaarissa; yaatooppe, I c’imiidekka hewaa aggena.

15 Na’aa wozanaa azallatetsay bak’k’i oyk’k’ee; shin k’ayis’eeriyaan muriyaawe aappe haassee.

24 K’ayis’eeriyaan wad’d’anaw k’arettiyaa uray bare na’aa is’s’ee; shin bare na’aa siik’iyaa uray minniide seeree.

15 K’ayis’eeriinne seeray naanaatoo aad’d’eedda eraa immee; shin yedan dic’c’eedda na’ay bare aato kawushshee.

13 Na’aa seerennan aggoppa; neeni Aa k’ayis’eeriyaan wad’d’ooppe, I hayk’k’enna.

1 Ta naatoo, hintte aabbu zoriyaa sisite; loytsi hayzzite; yaatooppe, hintte akeekana.

1 Hawanttu Solomona leemisatwaa. Aad’d’eeda eranchcha na’ay bare aawuwaa nashechchee; shin booza na’ay bare aato kayyoyee.

6 Hachche taani neena azaziyaa ha azazotuwaa ne wozanaan wotsa.✝ 7 Ha azazatuwaa neeni ne naanatuwaa tamaarissa; neeni ne son uttiyaa wode, ogiyaan hamettiyaa wode, gisiyaa wodenne denddiyaa wodekka unttuntta hassaya.

14 Yesuusi hewaa be’iide, barena kaalliyaawantta hank’k’etteedda; unttuntta, «Guutsa naanay taakko yiyaawantta diggoppite; ayaw gooppe, S’oossaa kawutetsay hawanttu malaasa.

11 Hinttenttu iita gidiidde, hinttenttu naanaatoo lo"obaa immiyaawaa erooppe, yaatina, saluwaan de’iyaa hinttenttu Aawuu barena woossiyaawanttoo lo"obaa wooti darssi immennee!

52 Yesuusikka eraaninne geesan, sabaanikka S’oossaanne asaa sintsan dic’c’eedda.✝

13 Aawuu bare naanaatoo k’arettiyaawaadan,

Med’inaa Goday barew yayyiyaawanttoo k’arettee.

1 Nuuni S’oossaa naanatuwaa geetettiide s’eesettana mala, S’oossay nuuna ay keenaa siik’eeddenttonne be’ite. Nuuni tumukka Aa naanatuwaa. Ha alamii S’oossaa erenna diraw, nuunakka erenna.✝

24 «Med’inaa Goday hinttena anjjonne

hinttena naago;

25 Med’inaa Goday hinttenttoo bare som"uwaa

poo’issonne hinttenttoo k’aretto;

26 Med’inaa Goday hinttena bare keeka ayifiyaan

s’eellonne hinttenttoo sarotetsaa immo»

yaagiide anjjite› yaaga.

28 S’oossay saluwaa c’okkuwaanne sa’aa shic’aa, katsaanne ooratsa woyniyaa eessaa darssiide new immo. 29 Kawutetsatuu new moodettino; asatuu new gulbbatino. Neeni ne ishatoo goda gida; ne aati zaratuu new gulbbatino. Neena shek’k’iyaawe shek’etteeddawaa gido; neena anjjiyaawe anjjetteeddawaa gido» yaageedda.✝

3 Taani saametteedda gadiyaan haatsaa gussana; mela biittankka pulttuwaa gogissana. Taani ta Ayaanaa ne naanatu bolla, ta anjjuwaakka ne zeretsatuwaa bolla gussana. 4 Haatsaa doonaan mokkeedda maataadan, k’ay goggiyaa pulttuwaa matan de’iyaa mitsaadan, unttunttu mokkana.

13 Ne attuma naanatuwaa ubbaa Med’inaa Goday tamaarissana;✝ ne naanatu sarotetsaykka darana.

5 «Taani neena ne aatti uluwaan attanaappe kase eraad. Neeni uluwaappe yelettanaappe kase taani neena geeshshaade dummaya wotsaad. K’ay kawutetsatoo timbbitiyaa odiyaawaa ootsaade neena suntsaad» yaageedda.

38 Unttunttu ta asaa gidana; taanikka unttunttu S’oossaa gidana. 39 Unttunttu taw med’inaw yayana mala, taani unttunttoo itti wozanaanne itti ogiyaa immana; hewe unttunttoonne unttunttuppe guyyiyaan, unttunttu naanaatoo lo"a gidanawaa.

13 Neeni ta giddo asatetsaa ubbaa med’d’aadda;

ta aatti uluwaan taana neeni waas’a med’aadda.

14 Neeni taana malalissiyaabaanne ooratsabaa ootsaade med’d’eedda diraw,

taani neena galatay.

Ne oosotuu malalissiyaawantta!

Taani k’ay hewaa wurssaade eray.

15 Taani geema sa’aan med’ettiyaa wode,

ta mek’etsatuu neeppe geemmibeyikkino.

Ta bollay ta aatti uluwaa c’iimmaa giddon

hiillan alleek’k’ettiide oosettiyaa wode,

16 yelettibeenna ta asatetsaa ne ayifii be’eedda.

Biro ittuunne doomettennan de’ishshin,

taw neeni giigiseedda gallassatuu ubbatuu

ne mazggobiyaan s’aafetteeddino.

10 Taani yelettoodeppe doommaade neenan dic’c’aad;

ta aatti uluwaappe doommaadekka, neeni ta S’oossaa.

25 Taani kase yalaga; ha"i simmi c’imaad;

shin s’illo Asay c’oo attina,

woy Aa naanatuu miyaawaa d’ayi woosishin,

taani ubbakka be’a erikke.

26 I ubbaa wodekka keeka;

c’oo tal"ee.

Aa naanatuukka haratoo anjjo gidanawantta.

4 He yewotuwaa nuuni unttunttu naanatuwaappe k’osokko;

Med’inaa Godaw bessiyaa galataa,

Aa wolk’k’aanne malalissiyaa Aa oosuwaa,

yiyaa yeletawukka nuuni odana.

6 Naanatuwaa naanatuu c’imeedda asatoo kallachchaa; aawotuunne aayetuu barenttu naanaatoo bonchcho.

7 S’illo Asay tooshii bayinna de’uwaa de’ee; Aa kaalliide, Aa naanatuukka anjjetteedawantta.

1 Naatoo, hinttena yeleeddawanttoo Godaa bonchchiyaawaadan azazettite; ayaw gooppe, hawe ootsanaw bessiyaawaa.✝ 2,3 «New ubbabay lo"anaadaaninne sa’aan ne laytsay aduk’k’anaadan, ne aawuwaanne ne daayo bonchcha» giyaa azazuu S’oossay immana geedda hidootaana de’iyaa koyiro azazuwaa.✝

4 Aawotoo, hintte hintte naanatuwaa Godaa seeraaninne zoriyaan dichchiteppe attin, unttuntta hank’k’etsoppite.✝

20 Naatoo, hinttentta yeleeddawanttoo ubbabaan azazettite. Ayaw gooppe, hinttenttu unttunttoo azazettiyaawe S’oossaa daro nashechchee.✝

21 Aawotoo, hinttenttu naanay wozanaa bayenna mala, unttuntta yiloyoppite.✝

12 «Med’inaa Goday ne S’oossay new immiyaa biittaan ne laytsay aduk’k’ana mala, ne aabbanne ne daayo bonchcha.✝

7 S’oossay hinttentta muriyaa wode genc’c’ite. Ayaw gooppe, I hinttentta naanaadan ootsee. Aawuu seerenna na’ay de’ii? 8 Naanaa ubbaa seeriyaawaadan, hinttentta murenaan aggooppe, karen yeletteeddawantta gidiitappe attin, tumu naanaa gidikkita.

4 Shin am"attiw naanay woy naanaa naanay de’ooppe, he naanay S’oossaa malatiyaawaa barenttu soy asaa bessiyaawaaninne k’ay hewaa ootsiyaawaan barentta yeleeddawanttu kushiyaa zaariyaawaa tamaarino. Ayaw gooppe, hewe S’oossaa nashechchiyaawaa.

21 Itti mishiratta na’aa yelana haniyaa wode, bare yeliyaa wodii gakkeedda diraw, oyk’ettaw; shin na’ay yeletteeddawaappe guyyiyaan, na’ay ha sa’aan yeletteedda nashechchaa diraw, bare oytsaa hassayukku.

39 K’ay hintte, ‹Nu naanay omoodettana› geedda guutsatuunne iitaa loytsi shaakki eribeenna hintte naanay he biittaa gelana. Taani he biittaa unttunttoo immana; unttunttukka Aa laattana.