Filhos
Os filhos são herança do Senhor — bênção e responsabilidade sagrada. A Bíblia orienta sobre a criação dos filhos com amor, disciplina e instrução nos caminhos de Deus.
Herança do Senhor
Os filhos são herança do Senhor e o fruto do ventre é seu galardão. Bem-aventurado o homem que enche deles a sua aljava.
ଆରି ଇସ୍ୱରନ୍ ଆନିଞ୍ଜିଆଡଙ୍ ଆସିର୍ବାଦଏଞ୍ଜି ଆରି ବରେଞ୍ଜି, "ଗୋଗୋୟ୍ବେନ୍ତୋ ଆରି କେଜ୍ଜାବେନ୍ ଗୋଗୋଜେତୋ ଆରି ପୁର୍ତିଲୋଙନ୍ ବରିୟ୍ଡେବା ଆରି ଜନ୍ତୁଞ୍ଜିଆଡଙ୍ ଅବ୍ଞାନାଆଜି । ଆରି ଡାଆଲୋଙନ୍ ଆୟଜି, ଅନ୍ତିଡଞ୍ଜି, ଆର୍ଲାମ୍ଲାମ୍ତନ୍ ଆ ଜନ୍ତୁଜି ଅଡ଼୍କୋନ୍ ଅସିଲୋଙ୍ବେନ୍ ।
Instruir e disciplinar
Instrui a criança no caminho em que deve andar, e quando envelhecer não se desviará dele. Disciplina é amor em ação.
ଆ ସନ୍ନାଇଙନ୍ ମା ଆଡିଡ୍ ପସିଜନ୍ ଆନିନ୍ଆଡଙ୍ ଞଙ୍ଞଙ୍ବା; ତିଡେନ୍ ଆନିନ୍ ବୁଡାଏନ୍ ଜନଙ୍ଡେନ୍ ସେଙ୍ମଡ୍ଲେ ଆଜିର୍ତେନ୍ ଆତଙର୍ ସିଲଡ୍ ଅଃନାଡ଼ଏ ।
ପସିଜନ୍ ଆମନଲୋଙ୍ ଏର୍ଗିଆନନ୍ ଆଡଙ୍ଡଙ୍ ଡକୋତନ୍, ବନ୍ଡ ସାସନଡାଙନ୍ ବାତ୍ତେ ଏର୍ଗିଆନନ୍ ତବ୍ଲେ ଆମଙନ୍ ସିଲଡ୍ ସବ୍ଙାୟ୍ତେ ।
ଆନା ଡାଙ୍ଗୋନ୍ ଆ ଆଞନର୍ରମ୍ ଅଃଗୟେ, ଆନିନ୍ ଆ ଡାଙ୍ଗଡ଼ାଅନନ୍ଆଡଙ୍ ଏଡ଼ୁର୍ମଡ୍ତେ; ଆରି ଆନା ଆନିନ୍ଆଡଙ୍ ଡୁଙ୍ୟମ୍ତେ, ଆନିନ୍ ଅବ୍ତାଡ଼ନ୍ ଆନିନ୍ଆଡଙ୍ ପବ୍ରଡ୍ତେ ।
ଡାଙ୍ଗୋନ୍ ଡ ସାଞେଙ୍ବରନ୍ ଗିଆନନ୍ ତିୟ୍ତେ; ବନ୍ଡ ପସିଜନ୍ଆଡଙ୍ ଆଇସୁମ୍ଡମନ୍ ବାତ୍ତେ ଅମ୍ରେଙେନ୍ଡେନ୍, ଆନିନ୍ ଆୟୋଙନ୍ଆଡଙ୍ ଗବ୍ରୟ୍ମଡ୍ତେ ।
ପସିଜନ୍ଆଡଙ୍ ପନବ୍ରଡନ୍ ଆତନିୟ୍ ଏଅବ୍ବାଡ଼ଡଙ୍, ଆମନ୍ ଆନିନ୍ଆଡଙ୍ ଡାଙ୍ଗୋନ୍ ବାତ୍ତେ ତିଡେନ୍ ଜନଙ୍ଡେନ୍ ଆନିନ୍ ଅରବ୍ବୁଏ ।
ଏ ଅଅନ୍ଞେଞ୍ଜି, ଆପ୍ପେୟନ୍ ଆ ଞନଙ୍ଞଙ୍ବର୍ ଅମ୍ଡଙ୍ବା ଆରି ମନଙ୍ ଅନିୟମ୍ ଆ ଗିଆନଲୋଙ୍ ଡାଲୁଡ୍ବା ।
ସୋଲମନନ୍ ଆ ମନଙ୍ ଞନଙ୍ଞଙ୍ବର୍,
ଗିଆନ ଡାଙ୍ଗାଡ଼ାଅନନ୍ ଆପ୍ପେୟନ୍ଆଡଙ୍ ଅବ୍ସର୍ଡାତେ; ବନ୍ଡ ଏର୍ବୁଡ୍ଡି ଡାଙ୍ଗାଡ଼ାଅନନ୍ ଆୟୋଙନ୍ଆଡଙ୍ ଅବ୍ଡୁକ୍କତେ ।
O amor de Deus por crianças
Deixai vir a mim as crianças. Jesus acolheu, abençoou e honrou as crianças como modelo de fé e humildade.
ଜିସୁନ୍ ତିଆତେ ଗିୟ୍ଲେ ବରାବେନ୍ କି ଆନିଞ୍ଜିଆଡଙ୍ ବରେଞ୍ଜି, "ପସିଜଞ୍ଜି ଅମଙ୍ଞେନ୍ ଅନିୟନ୍ ଆସନ୍ ତଙରନ୍ ସାଡ୍ବାଜି, ଆନିଞ୍ଜିଆଡଙ୍ ଏଡଙ୍ଡଙେଜି, ଇନିଆସନ୍ଗାମେଣ୍ଡେନ୍ ଇସ୍ୱରନ୍ ଆ ରାଜ୍ୟ, କେନ୍ ସନ୍ନାସିଜଞ୍ଜି ଅନ୍ତମ୍ ଆ ମନ୍ରାଜି ଆସନ୍ ।
ତିଆସନ୍ ଆମ୍ୱେଞ୍ଜି ପେଲ୍ଲାଜି ଜନଙ୍ଡେନ୍ ରମ୍ମଙ୍ ରମ୍ମଙ୍ ଆ ପସିୟ୍ଜିଆଡଙ୍ ଆମ୍ୱେଞ୍ଜି ମନଙ୍ ମନଙ୍ ଜନବଞ୍ଜି ତିୟ୍ଲେ ଏଗୟ୍ତେ, ଏତ୍ତେଲ୍ଡେନ୍ ଅଙ୍ଗା ମନ୍ରାଜି ରୁଆଙ୍ଲୋଙନ୍ ଆଡ୍ରକୋତନେନ୍ ଆପେୟ୍ବେନ୍ଆଡଙ୍ ବେଡ୍ତଜି, ଆନିନ୍ ତି ଆ ମନ୍ରାଜିଆଡଙ୍ ଡିଅଙ୍ଗା ଆ ଗୋଗୋୟ୍ ମନଙ୍ ମନଙ୍ ଜନବଞ୍ଜି ଅରଃ ତିୟେଞ୍ଜି !"
ଜିସୁନ୍ ଜନନାନ୍, ଡଅଙନ୍, ଆରି ଇସ୍ୱରନ୍ ଡ ମନ୍ରାଜି ଆ ସନାୟୁମ୍ ବାତ୍ତେ ମରଙେନ୍ ।
ଗିୟ୍ବା, ଇସ୍ୱରନ୍ ଇନ୍ଲେଞ୍ଜିଆଡଙ୍ ଏତ୍ତେଲେ ଡୁଙ୍ୟମ୍ଲଙ୍ତନ୍ ଡ, ଇନ୍ଲେଞ୍ଜି ଆ ପସିଜଞ୍ଜି ଗାମ୍ଲେ ଓଡ୍ଡେଲଙ୍ତଞ୍ଜି, ଆଜାଡ଼ିଡମ୍ ଇନ୍ଲେଞ୍ଜି ଆ ପସିଜଞ୍ଜି ମା; ତିଆସନ୍ ପୁର୍ତିନ୍ ଇନ୍ଲେଞ୍ଜି ଅଃନ୍ନମ୍ମଡ୍ଲଙ୍ନେ, ଇନିଆସନ୍ଗାମେଣ୍ଡେନ୍ ପୁର୍ତିନ୍ ଇସ୍ୱରନ୍ଆଡଙ୍ ଅଃନ୍ନମ୍ମଡ୍ଲୋ ।
Bênção e promessa
O Senhor te abençoe e te guarde. Os filhos dos justos serão abençoados e suas gerações caminharão na retidão.
ଇସ୍ୱରନ୍ ରୁଆଙନ୍ ଆ ସସିରାଡା ଡ ପୁର୍ତିନ୍ ଆଲବ ଆଜନେଲ୍ଜେଲ୍ ସିଲଡ୍ ଆଡ୍ରୁଙ୍ତନାଞନ୍ ଜଅ ଡ ଗୋଗୋୟ୍ ଜନ୍ରୋମନ୍ ଡ ଦ୍ରାକ୍ୟାଡାନ୍ ଆମନ୍ଆଡଙ୍ ତିୟମ୍ତୋ; ମନ୍ରାଞ୍ଜି ଆମନ୍ଆଡଙ୍ ସେବାଅମ୍ତଜି ଆରି ଏର୍ଜାଡ଼ିକାନ୍ ଆ କେଜ୍ଜା ଆମନ୍ଆଡଙ୍ ଲୋମମ୍ତଜି; ଆମନ୍ କେଜ୍ଜାନମ୍ଜି ଆସୋଡ଼ାମର୍ ଡେଆ, ଆରି ଅୟୋଙ୍ନମ୍ଜି ଆଅଞ୍ଜି ଆମନ୍ଆଡଙ୍ ଲୋମମ୍ତଜି; ଆନା ଆମନ୍ଆଡଙ୍ ସୟ୍ପତମ୍, ଆନିନ୍ ସନୟ୍ପନ୍ ଞାଙେତୋ, ଆରି, ଆନା ଆମନ୍ଆଡଙ୍ ଆସିର୍ବାଦତମ୍, ଆନିନ୍ ଆସିର୍ବାଦନ୍ ଞାଙେତୋ ।"
ଇନିଆସନଗାମେଣ୍ତେନ୍ ଞେନ୍ ଇର୍ଗାଲମରନ୍ ଆଉପ୍ରେଙ୍ ଡ ଆସଲଲୋଙନ୍ ଡାଆନ୍ ଅମ୍ଡୁଙ୍ଲେ ଲାତାୟ କି କେଜ୍ଜାଲୋଙବେନ୍ ଡ ପସିୟ୍ବେଞ୍ଜି ଆଉପ୍ରେଙ୍ ପ୍ରାନ୍ନାନ୍ ତିୟ୍ତାୟ୍ ଡ ଆର୍ସିବାଦ ଏମ୍ମେତାୟ୍ । ତିଲୋଙ୍ ଆନିଞ୍ଜି ଆଡ୍ରୁଙ୍ନେଡାନ୍ ଆମଙ୍ବା ବାଇସିଟା ଅରାନୁବ୍ ଅନ୍ତମ୍ ଅଗାବନ୍ ଡୁଙ୍ତନାୟ୍ ।
ପସିୟ୍ବେଞ୍ଜି ଅଡ଼୍କୋନ୍ ଇସ୍ୱରନ୍ ବାତ୍ତେ ଞନଙନ୍ ଞାଙ୍ଲେ ବୁଡିନ୍ ଞାଙ୍ତଜି କି ପସିୟ୍ବେଞ୍ଜି ବୋର୍ସାତଜି ।
ଉଲେଙନଞ୍ଜି ବୁଡାକୋଜଞ୍ଜି ଆ ରନୁବ୍ବବ୍ଗୋ; ଆରି, ଆପେୟଞ୍ଜି ଅଅନଞ୍ଜି ଆ ପନେମେଙ୍ ଅନ୍ତମ୍ ।
ଅଙ୍ଗା ଆ ଡରମ୍ମମର୍ ଆ ଲବଡ୍ଡିନ୍ ବାତ୍ତେ ଞଣ୍ତ୍ରମ୍ତନ୍ ଆନିନ୍ ଆତିକ୍କି ଆଅନଞ୍ଜିଆଡଙ୍ ଆସିର୍ବାଦନ୍ ଞାଙ୍ତଜି ।
Criação e obediência
Pais, criai vossos filhos na disciplina e instrução do Senhor. Filhos, obedecei a vossos pais — isto é justo e agradável a Deus.
ଏ ପସିୟ୍ଜି, ପ୍ରବୁନ୍ ଆସନ୍ ଆପେୟ୍ବେନ୍, ଅୟୋଙ୍ବେନ୍ ଆ ବର୍ନେ ମାନ୍ନେବା । "ଆପେୟନ୍ ଡ ଅୟୋଙନ୍ ଆ ବର୍ନେ ମାନ୍ନେବା" କେନ୍ ଆ ବନାଁୟ୍ବର୍ଲୋଙ୍ ଅବୟ୍ ସନିବ୍ଡେୟ୍ବରନ୍ ଆମାୟ୍ମାୟ୍ ଡକୋ । "ଏତ୍ତେଲ୍ଡେନ୍ ଆମ୍ୱେଞ୍ଜି ସୁକ୍କ ସାମଙ୍ ଏଡକୋତନ୍, ଆରି ଆମ୍ୱେନ୍ ପୁର୍ତିଲୋଙନ୍ ଗୋଗୋୟ୍ ବର୍ସେଙ୍ ଅମେଙ୍ତବେନ୍ ।"
ଏ ଆପେୟ୍ଜି, ଅୟୋଙ୍ଜି, ପସିଜଞ୍ଜିଆଡଙ୍ ଆବ୍ରରାବ୍ତେଞ୍ଜି ଅନ୍ତମ୍ ଆ ବର୍ନେଜି ବର୍ରେ ଏବବ୍ରାବ୍ଡଙ୍ଜି, ଆର୍ପାୟ୍ ପ୍ରବୁନ୍ ଆ ବର୍ନେଜି ଞଙ୍ଞଙ୍ବାଜି ଆରି ତିଆତେଜି ଞଣ୍ଡ୍ରମ୍ନେନ୍ ଆସନ୍ ବର୍ବାଜି ।
ଏ ପସିୟ୍ଜି, ଅଡ଼୍କୋନ୍ ଆ ବର୍ନେଲୋଙ୍ ଆପେୟ୍ବେଞ୍ଜି ଡ ଅୟୋଙ୍ବେଞ୍ଜିଆଡଙ୍ ମାନ୍ନେଲେ ଡକୋନାବା, ଇନିଆସନ୍ଗାମେଣ୍ଡେନ୍ କେନ୍ ଏନ୍ନେଗନ୍ ଆ ଞଣ୍ଡ୍ରମ୍ନେଜି ପ୍ରବୁନ୍ ମାଡ୍ଡ ଲଡୟ୍ତେ ।
ଏ ଆପେୟ୍ମର୍ଜି, ଏଙ୍ଗାଲ୍ଡେନ୍ ପସିୟ୍ବେଞ୍ଜି ମୁସୁକ୍କା ଅଃଡ୍ଡେଏଜି, ତିଆସନ୍ ଆମ୍ୱେଞ୍ଜି ପସିୟ୍ବେଞ୍ଜିଆଡଙ୍ ବାଉଲ୍ଲି ଏଅମ୍ମେଡଙ୍ଜି ।
ଆମ୍ୱେନ୍ ବାପାନ୍ ଡ ନନବେନ୍ଆଡଙ୍ ମାନ୍ନେବା, ସିଲତ୍ତେ ସଦାପ୍ରବୁ ଇସ୍ୱରନ୍ ଆମ୍ୱେନ୍ଆଡଙ୍ ଅଙ୍ଗା ଆଡେସା ତିୟ୍ତବେନ୍, ତି ଆଡେସାଲୋଙ୍ ଅଗୋୟ୍ ବର୍ସେଙ୍ ଅମେଙ୍ତବେନ୍ ।
ଡୁକ୍କନ୍ ଡ ଡନଣ୍ଡାୟଞ୍ଜି ଆପେୟନ୍ ଆ ସାସନ ଗାମ୍ଲେ ସଏଲେ ଡକୋନାବା, ଆନିନ୍ ଆମ୍ୱେଞ୍ଜିଆଡଙ୍ ଡାଙ୍ଗଡ଼ାଅନନ୍ ଅନ୍ତମ୍ ଞଣ୍ଡ୍ରମ୍ତବେନ୍, ଇନିଆସନ୍ଗାମେଣ୍ଡେନ୍ ଅଙ୍ଗା ଡାଙ୍ଗଡ଼ାଅନ୍ ଆପେୟନ୍ ଆମଙ୍ ସିଲଡ୍ ପନବ୍ରଡନ୍ ଅଣ୍ଡ୍ରଙ୍ ଞାଙେ, ଏନ୍ନେଗନ୍ ଆନ୍ନିଙ୍ ଡକୋ ପଙ୍ ? ବନ୍ଡ ଲାଙ୍ଲେଡ୍ ଡାଙ୍ଗଡ଼ାଅନଞ୍ଜି ଅନ୍ତମ୍, ଆମ୍ବେନ୍ଆଡଙ୍ ଆପେୟ୍ବେନ୍ ଅଃସାସନଲବେନ୍ ଡେନ୍, ଏତ୍ତେଲ୍ଡେନ୍ ଆମ୍ୱେନ୍ ଆଜାଡ଼ିନ୍ ଆ ଡାଙ୍ଗଡ଼ାଅନ୍ ତଡ୍, ଆମ୍ୱେନ୍ ଡାରିଅଞ୍ଜି ।
ଅନ୍ନିଙ୍ ଆଜୁଆର୍ବୟ୍ ଆ ଡାଙ୍ଗଡ଼ାଅନନ୍ କି ଆ ଡାଙ୍ଗଡ଼ିଅନ୍ ଆରି ଆ ଉଲ୍ଲେଙଞ୍ଜି ଡକୋଏଞ୍ଜି ଡେନ୍, ଏତ୍ତେଲ୍ଡେନ୍ ଆନିଞ୍ଜି ପର୍ତମ୍ମୁ ଆସିଂମରଞ୍ଜି ଆୟୋଙଞ୍ଜି, ଆପେୟଞ୍ଜି, ଜୋଜୋନ୍ ଡ ୟାୟୋନ୍ଆଡଙ୍ ମାନ୍ନେଏତଜି, ଇନିଆସନ୍ଗାମେଣ୍ଡେନ୍ କେନ୍ ଆ କାବ୍ବାଡ଼ା ମା ଇସ୍ୱରନ୍ ଆଗନିୟ୍ଗିୟ୍ଲୋଙ୍ ମନଙ୍ ଗିୟ୍ତାତେ ।
କୋକ୍କୋଡନ୍ ବେଡ଼ାନ୍ ଅଡ଼ୋଲାୟ୍ ଡେନ୍ କୋକ୍କୋଡନ୍ବଜନ୍ ଡଣ୍ଡତେ, ବନ୍ଡ ଆନିନ୍ ପସିଜନ୍ କୋଡେନ୍ ସିଲଡ୍ଲ୍ଲନ୍, ପୁର୍ତିଲୋଙନ୍ ଅବୟ୍ ପସିଜନ୍ କରୋକ୍କୋଡନ୍ ଡେଲୋ ଗାମ୍ଲେ ଆନିନ୍ ସର୍ଡାନ୍ ବାତ୍ତେ ବତ୍ତାନ୍ କରୋଡାତେ ।