Filhos

3 Ra Anumzamo’ma mofavreramima neramiana museza neramie. Ana hu’neankino Anumzamo’a asomu hunerante. 4 Kasefa ne’mofo mofavreramimo’za harafa vahe’mo’ma azampima keveramima eriaza nehie. 5 Keve kupima keveramima eri viteankna huno, rama’a ne' mofavreramima eri fore’ma hu’nesia ne’mo’a muse hugahie. Na’ankure agra agazegura osuno ha' vahe’anena kuma kafantera keaga hugahie.

Ra Anumzamofo ra mono nontega marenerino hu' zagamere

1 Ra Anumzamofoma koro’ma hunente’za agri avu’ava’ma amage’ma nentaza vahe’mo’za muse hugahaze. 2 Kagrama kamu’nasisima hunka eri’zama eri’nesana eri’zamofo raga’a, kagraka’a taginka negahane. Ana’ma hanunka asomu’ene knare hunka manigahane. 3 Nonka’afina kagri a’mo’a wainimo knare huno rama’a ragama renteankna hugahie. Kagri mofavre naga’mo’zama ne’zama nenaku’ma trate’ma manikagi snazana, mensi nehagea olivi zafagna hu’za manigagi kantegahaze. 4 Tamagerfa huno e’inahu zama fore’ma haniana, Ra Anumzamofoma koro’ma hunentaza vahete fore hugahie.

Ra Anumzamofo ra mono nontega marenerino hu' zagamere

1 Ra Anumzamofoma koro’ma hunente’za agri avu’ava’ma amage’ma nentaza vahe’mo’za muse hugahaze. 2 Kagrama kamu’nasisima hunka eri’zama eri’nesana eri’zamofo raga’a, kagraka’a taginka negahane. Ana’ma hanunka asomu’ene knare hunka manigahane. 3 Nonka’afina kagri a’mo’a wainimo knare huno rama’a ragama renteankna hugahie. Kagri mofavre naga’mo’zama ne’zama nenaku’ma trate’ma manikagi snazana, mensi nehagea olivi zafagna hu’za manigagi kantegahaze.

12 Tagri ne' mofavre naga’mo’za zafamo ame huno hageno mareneriaza hu’za, ame hu’za ra ome hanaze. Mofa’ne nagatimo’za kini vahe’mofo noma vazisgama nehia zafaraminte’ma avasasema hunentaza kna hanaze.

2 Ana nehanageno mofavre naga’amo’za ranra vaheke efore hu’za maka kaziga ama mopafina knare hu’za manigahaze. Hagi ana fatgo avu’ava zama nehania vahepinti’ma, henka forehu anante nante’ma hu’za maka kazigama vanaza vahe’mo’za asomu’ene manigahaze.

28 Anumzamo’a asomu ke huneznanteno amanage huno zanasmi’ne, Mofavre kase hakare hanakeno, mopafina mani vitesaze. Ana nehuta mikoza kegava hi’o. Timpi nozame zagane, hareno vano nehia nama zagane, hakare’a mopafi kaza huno vano nehia zagaramine ana makaza kegava hi’o.

4 Hagi mofavretamine, hozatamine, sipisipi afutamine, bulimakao afu’taminena asomura huramantesigeno, rama’a fore hugahaze.

14 Hagi maka ama mopafi vahera zamagatereno asomura huramantesigeno, magore huno naravo ara omanigahianki, ana maka a’nemo’za mofavrege nentesageno, a' afu’zagaramima kegavama hanaza afu’zagamo’za naravo afura omani anentake’za antegahaze.

6 Mofavreka’a knare kante’ma vu’za rempi humigeno knare kante nevuno, rama hanuno’a, ana avu’avara atreno rukrehe osino.

15 Mofavremofo agu’afina negi’nagi avu’avazamo avitegahianagi, kanoma amino azeri fatgoma hu’zamo ana avu’ava zampintira azeri arukrahe hugahie.

24 Iza’o mofavre’amo hazenke nehanigeno kanoma amino azeri fatgoma osanuno’a, mofavre’a avesinonte. Hianagi iza’o mofavre’ama avesima nentemo’a, hanavetino azeri fatgo hugahie.

15 Mofavrema kanoma amino azeri fatgoma hu’zamo’a, ana mofavrea ama' antahi’za amigahie. Hianagi kanoma amino azeri fatgo osu mofavremo’a, nererana agaze eri nemie.

13 Mofavrema azeri fatgoma huzankura, korera osuo. Kagrama kanoma amisanana ofrigahie.

Kasefa ne’mofa’mofo zamavumro naneke

1 Mofavre naga’nimota, negafanama rempi hugamisua kavumro kema kagesa antahi ankeresunka, antahi ama' hu antahintahia erigahane.

Solomoni knare antahi’zamofo naneke

1 Solomoni knare antahintahi zamofo naneke, erigofa huno krente’nea naneke. Ama' antahintahine mofavremo’a, nefana azeri muse nehie. Hianagi neginagi antahintahine mofavremo’a, nererana rimpa erihaviza higeno, asuzampi nemanie.

6 Hagi menima hihoma hu’nama tamasamua nanekemo’a antahintahitamifi me’nena, 7 nompi manisazano, kantesazano, masesazano, otisazano, ama ana nanekea mofavretaminena maka zupa huge antahige nehutma rempi huzami vava hiho.

14 Hianagi Jisasima nezmageno asi vazigeno, anage huno zamasami’ne, Zamazeorita zamatrenke’za osi mofavre’mo’za Nagrite eho. Na’ankure Anumzamofo kumara e’inahu vahe’mofo kuma me’ne.

11 Hianagi tamagra havi avu’ava’zama nehaze vahe’mota antahi’naze, mofavre’tmima knare muse’zama ami’zana, monafima nemania Neramafa’a, knare musezana, iza’o Agri’ma antahigemofona rama’a zantami nemie!

52 Jisasi’a knare antahintahizane hanavene nena nehigeno, Anumzamo’a avesinentegeno, vahe’mo’zanena avesinte’naze.

13 Nefa’ma mofavre naga’ama asunku’ma hunezmanteaza huno, Ra Anumzamo’a Agri’ma koro’ma hunente’za agoragama nemaniza vahera asunkura hunezmante.

Anumzamofo mofavregna huta manisuna naneke

1 Kesunana Nerafa’ma rimpama hagerafiramino avesi’zama tantenea zana Anumzamofo mofavre hurante’ne. Ana hu’negu tagrikura Anumzamofo mofavre hu’za hugahaze. Tamage! Ama ana agafare ama mopafi vahe’mo’za antahiorami’naze. Na’ankure zamagra ke’za antahi’za Agrira osu’naze.

24 Ra Anumzamo’a asomu huneramanteno, kegava huramantegahie. 25 Ra Anumzamo muse huneramanteno, tamazeri knare hugahie. 26 Ra Anumzamo’a rukrahe huno avugosa huramino tamazeri knare nehuno, Agra’a rimpa fruzana tamigahie.

28 Nagri’ma navesiana, menina Anumzamo’a monafinkati ata kora kamisigeno,

mopa aru fru hanigeno,

ne’zamo’a hakare nehuno, raga nerenkeno kasefa wainimo’enena hakare hugahie.

29 Veamo’za kagri eri’za e’nerisageno,

maka moparegati vahe’mo’za kagri kagorga manigahaze.

Kagra kafuhe’ina razimi manigahane.

Negrera mofavre zagamo’za zamarena re’za kepri hugantesaze.

Kagri’ma sifna hugantesamo’za zamagranena sifna erigahaze.

Asomu ke hugante’samo’za, asomu erigahaze.

3 Na’ankure hagege huno tima omane’nea mopafina tina tagi netre’na, hagege mopafina hanugeno tina evugahie. Ana nehu’na tamagrama kase zamantesnaza mofavre nagatera avamuni’a eri herafinetrena henkama zamagripinti’ma efore hunante anante’ma hu’za vanaza vahera asomu huzmantegahue. 4 Zamagra trazamo tretre huno hageaza nehu’za, tinkenare me’nea popra zafamo hageaza hugahaze.

13 Ra Anumzamo’na Nagrake’za mofavretamia rempia huzamisuge’za, tusi’a zamarimpa fru hu’za nemaniza makazampina knare hugahaze.

5 Antakamofo arimpafina kazeri forera osune’na ko kagrira kage’na antahi’na hu’noe. Hagi negarera’a kaseogante’nege’na ko kagrira kazerinte ruotage nehu’na, kokankoka vahete Nagri kasnampa vahe manigahane hu’na kagrira huhampri’noe.

38 Hagi zamagra Nagri vahe manisage’na, Nagra zamagri Anumza manigahue. 39 Hagi Nagra magoke antahizanke nezami’na, magoke ka zamaveri ha’nena nevu’za nagrira koro hunante’za namage antegahaze. Na’ankure e’i ana’ma hanazana zamagri knare zanku’ene henkama kase zamantesaza mofavre naga’zamimofo knare zanku’ene anara hugahaze.

13 Na’ankure maka nagu’a navufga Kagra tro hunante’nane. Ana hutenka antanimofo rimpafima mani’nogenka maka navufga Kagra rehatinante’nane, 14 Kagrama nagrima tro’ma hunanana, so’e' zantfa hunku tro hunante’naku muse hunegantoe. Kagrama eri’nana eri’zamo’a, knare huno so’e zantfa hu’ne. Ana hu’neanki’na e’i ana zana nagra ke’na antahi’na hu’noe. 15 Kagri kavurera frara oki’noanki, maninenka nenagankeno oku’a nenrera arimpafina zaferinani’mo’a eme rekanuhe rekanuhe nehige’na fore hu’noe. 16 Nenrera’a kase onante’negenka, ko nagrira nagenka antahinka hu’nane. Ama mopafima kasefa’ma hu’na manisanua kna’afima tro’ma hanua zana, maka knamo’a ome’negenka maka zana ko avontafepi krente’nane.

10 Antanimo’ma kasenante’nea knareti’ma eno menima ama knare’ma egenka, kagra kegava hunenantenka, kagra nagri Anumza mani’nane.

25 Hanki mofavrereti’ma manime e’na menima ozafama emeroana, Ra Anumzamo’a fatgo avu’ava’ma nehie vahera amefira huomige, zamatregeno ana vahe’mofo mofavreramimo’za ne’zankura upara nehu’za memea hu’za vano osu’naze. 26 Hanki fatgo zamavu’zmava’ma nehaza vahe’mo’za muse nehu’za keonke’zana vahera nezamizageno, mofavrezmia asomura hunezmante.

4 Hagi ama ana tamage nanekea, mofavretirera frara okigosunanki, Ra Anumzamo’ma hihamu hankave’anuti’ma ruzahu ruzahu kaguva zantmima erifore’ma hu’nea zantamina, menima fore’ma nehaza vahetmina zamasamigahune.

6 Nenama hu’za ra avuma omesaza vahe’mokizmia, zamagehe’mo’za kini fetorikna zamanuntera hu’nage’za, ra zamagi vahe’mo’za nezamize. Hagi mofavremo’za zamarera zamafana muse huzmantegahaze.

7 Fatgo avu’ava’ene ne’mo’a, mani fatgo huno nemanie. Agri mofavre zagamo’za, asomu erigahaze.

Famo’ene tramemofo naneke

1 Hagi mofavremotma, tamarera tamafa kea antahizmita amage anteho, tamagra Rantimofo suza mani’naze. E’inahu’ma hanageno’a knare hugahie. 2 Pusa kasegefina, huvempa ke’ne agu’afina me’negu, neramrerane neramafa ke antahita amage anteho.

3 E’inama hanutma knare hugahaze, ana nehutma za’za kna’a ama mopafina manigahaze. (Eks-Ati 20:12)

4 Zamafaheta mofavre nagatmia zamarimpa eri haviza osiho, hanki zamazeri fatgo nehutma zamavumro nezmantetma, Ramo’ma hu’neankante antetma huzmasmiho.

20 Mofavre’mota mika zupa neramarera tamafa ke amage anteho, na’ankure Ramo’a muse hugahie.

21 Zamafaheta mofavre nagamokizmia zamarimpa knama erizamizana osiho, ru zamagra knarera osu’none hu’za antahigahaze.

12 Neramarera nermafa ke’zni antahizmitma zmagorgama manisazana, Ra Anumzana, tamagri Anumzamo’nama tami’noa moparera zazate manitma vugahaze.

7 Anumzamo’a Agri mofavregna hu’nageno knazana neramie hutma nentahita kazigazi huta knazana erita viho. Na’ankure ina mofavremofo nefa’a avumrora nonte huta hugahune. 8 Anumzamo’a ana miko mofavre zaga’a zamazeri fatgo nehie. Hagi kagrima kazeri fatgoma osanigenka, kagra nerera’ene nefa omani mofavregna hugahane.

4 Hu’neanagi mago kento a’ma mofavre’afi, negehoma maninesuno’a esera zamagra rempi hu’za mono’mo hu’nea kante nozamifi zamarera zamafaza kva krizmante’naza nona hu’za kva huzmanteho, Anumzamofona e’inahu zanku ave’nesie.

21 A’mo mofavrema nenteno’a atagu nehie, na’ankure mofavrema kasente kna egeno’e, hianagi mofavrema ksentete’no’a, ana atagura agesa nontahie. Na’ankure ama mopafi mofavrema kasentea muse nehie.

39 Hagi havizane knare zanema antahi ama’ma osu’naza neonse mofavretami zamatresuge’za ana mopafina ufresage’na, ana mopa zamisuge’za eri’za manigahaze.