3 Uxor tua sicut vitis abundans

in lateribus domus tuæ ;

filii tui sicut novellæ olivarum

in circuitu mensæ tuæ.

4 Ecce sic benedicetur homo

qui timet Dominum.

5 Benedicat tibi Dominus ex Sion,

et videas bona Jerusalem omnibus diebus vitæ tuæ.

1 Canticum graduum.

Sæpe expugnaverunt me a juventute mea,

dicat nunc Israël ;

2 sæpe expugnaverunt me a juventute mea :

etenim non potuerunt mihi.

3 Supra dorsum meum fabricaverunt peccatores ;

prolongaverunt iniquitatem suam.

4 Dominus justus

concidit cervices peccatorum.

1 Canticum graduum.

Sæpe expugnaverunt me a juventute mea,

dicat nunc Israël ;

2 sæpe expugnaverunt me a juventute mea :

etenim non potuerunt mihi.

3 Supra dorsum meum fabricaverunt peccatores ;

prolongaverunt iniquitatem suam.

12 ut notam faciant filiis hominum potentiam tuam,

et gloriam magnificentiæ regni tui.

2 Sit nomen Domini benedictum

ex hoc nunc et usque in sæculum.

28 Benedixitque illis Deus, et ait : Crescite et multiplicamini, et replete terram, et subjicite eam, et dominamini piscibus maris, et volatilibus cæli, et universis animantibus, quæ moventur super terram.

4 Benedictus fructus ventris tui, et fructus terræ tuæ, fructusque jumentorum tuorum, greges armentorum tuorum, et caulæ ovium tuarum.

14 Benedictus eris inter omnes populos. Non erit apud te sterilis utriusque sexus, tam in hominibus quam in gregibus tuis.

6 Proverbium est : adolescens juxta viam suam ;

etiam cum senuerit, non recedet ab ea.

15 Stultitia colligata est in corde pueri,

et virga disciplinæ fugabit eam.

24 Qui parcit virgæ odit filium suum ;

qui autem diligit illum instanter erudit.

15 Virga atque correptio tribuit sapientiam ;

puer autem qui dimittitur voluntati suæ confundit matrem suam.

13 Noli subtrahere a puero disciplinam :

si enim percusseris eum virga, non morietur.

1 Audite, filii, disciplinam patris,

et attendite ut sciatis prudentiam.

1 Filius sapiens lætificat patrem,

filius vero stultus mœstitia est matris suæ.

6 Eruntque verba hæc, quæ ego præcipio tibi hodie, in corde tuo : 7 et narrabis ea filiis tuis, et meditaberis in eis sedens in domo tua, et ambulans in itinere, dormiens atque consurgens.

14 Quos cum videret Jesus, indigne tulit, et ait illis : Sinite parvulos venire ad me, et ne prohibueritis eos : talium enim est regnum Dei.

11 Si ergo vos, cum sitis mali, nostis bona data dare filiis vestris : quanto magis Pater vester, qui in cælis est, dabit bona petentibus se ?

52 Et Jesus proficiebat sapientia, et ætate, et gratia apud Deum et homines.

13 Rigans montes de superioribus suis ;

de fructu operum tuorum satiabitur terra :

1 Videte qualem caritatem dedit nobis Pater, ut filii Dei nominemur et simus. Propter hoc mundus non novit nos : quia non novit eum.

24 Benedicat tibi Dominus, et custodiat te. 25 Ostendat Dominus faciem suam tibi, et misereatur tui. 26 Convertat Dominus vultum suum ad te, et det tibi pacem.

28 Det tibi Deus de rore cæli

et de pinguedine terræ

abundantiam frumenti et vini.

29 Et serviant tibi populi,

et adorent te tribus :

esto dominus fratrum tuorum,

et incurventur ante te filii matris tuæ :

qui maledixerit tibi, sit ille maledictus,

et qui benedixerit tibi, benedictionibus repleatur.

3 Effundam enim aquas super sitientem,

et fluenta super aridam ;

effundam spiritum meum super semen tuum,

et benedictionem meam super stirpem tuam :

4 et germinabunt inter herbas,

quasi salices juxta præterfluentes aquas.

13 universos filios tuos doctos a Domino,

et multitudinem pacis filiis tuis.

5 Priusquam te formarem in utero, novi te,

et antequam exires de vulva, sanctificavi te,

et prophetam in gentibus dedi te.

38 et erunt mihi in populum,

et ego ero eis in Deum.

39 Et dabo eis cor unum, et viam unam,

ut timeant me universis diebus,

et bene sit eis, et filiis eorum post eos.

13 Cognovi quia faciet Dominus judicium inopis,

et vindictam pauperum.

14 Verumtamen justi confitebuntur nomini tuo,

et habitabunt recti cum vultu tuo.

4 Facti sumus opprobrium vicinis nostris ;

subsannatio et illusio his qui in circuitu nostro sunt.

6 Corona senum filii filiorum,

et gloria filiorum patres eorum.

7 Justus qui ambulat in simplicitate sua

beatos post se filios derelinquet.

1 Filii, obedite parentibus vestris in Domino : hoc enim justum est. 2 Honora patrem tuum, et matrem tuam, quod est mandatum primum in promissione : 3 ut bene sit tibi, et sis longævus super terram.

4 Et vos patres, nolite ad iracundiam provocare filios vestros : sed educate illos in disciplina et correptione Domini.

20 Filii, obedite parentibus per omnia : hoc enim placitum est in Domino.

21 Patres, nolite ad indignationem provocare filios vestros, ut non pusillo animo fiant.

12 Honora patrem tuum et matrem tuam, ut sis longævus super terram, quam Dominus Deus tuus dabit tibi.

7 In disciplina perseverate. Tamquam filiis vobis offert se Deus : quis enim filius, quem non corripit pater ? 8 quod si extra disciplinam estis, cujus participes facti sunt omnes : ergo adulteri, et non filii estis.

4 Si qua autem vidua filios, aut nepotes habet : discat primum domum suam regere, et mutuam vicem reddere parentibus : hoc enim acceptum est coram Deo.

21 Mulier cum parit, tristitiam habet, quia venit hora ejus ; cum autem pepererit puerum, jam non meminit pressuræ propter gaudium, quia natus est homo in mundum.

39 Parvuli vestri, de quibus dixistis quod captivi ducerentur, et filii qui hodie boni ac mali ignorant distantiam, ipsi ingredientur : et ipsis dabo terram, et possidebunt eam.