Filhos
Os filhos são herança do Senhor — bênção e responsabilidade sagrada. A Bíblia orienta sobre a criação dos filhos com amor, disciplina e instrução nos caminhos de Deus.
Herança do Senhor
Os filhos são herança do Senhor e o fruto do ventre é seu galardão. Bem-aventurado o homem que enche deles a sua aljava.
Ccaaw hae tuh Bawipaw kyate
ccoupaw rho ccaccing thua hae zah,
lasung nynh thua hae.
Lukhakheit nynh a no lyaze
a saahkupaw ccaaw hae tuh
rhawkaw kuih kya umpaw
the te nynh a loku hae.
Tuhcihawpaw the te phe abeihpaw
the bawng a hoipaw tuh
lungtuapaw nynh thua.
A rhaw hae ryte koikua kya
bya a hoku hae ze,
maethyanaw mue lan khyh.
Bawipaw rawrih zah
a laanpi a zuipaw miakaw tuh
lungtuapaw nynh thua.
Na kuih te rya na lah zah
na muepaw looh kha na ae cih;
na lungtua cih zah
na laan na sui a ua cih.
Na zu tuh na inn lungkhu kya
patae a thaepaw misu ku hawte athua cih;
na ccaaw hae nynh oliv thingtoi hawte
na ccaboi kha a koihlu cih hae.
Bawipaw rawrihpaw ccungccaw tuh
tuhcite hythuanaw a ccou cih.
Bawipaw rawrih zah
a laanpi a zuipaw miakaw tuh
lungtuapaw nynh thua.
Na kuih te rya na lah zah
na muepaw looh kha na ae cih;
na lungtua cih zah
na laan na sui a ua cih.
Na zu tuh na inn lungkhu kya
patae a thaepaw misu ku hawte athua cih;
na ccaaw hae nynh oliv thingtoi hawte
na ccaboi kha a koihlu cih hae.
Kae ccapaw hae tuh
mino athua lya hae khe,
myarya hoy lan alepaw
thingku hawte thua hae sah lah,
kae ccanung hae tuh
siapharan inn sak nawlan
a aw hae paw apaki lang e
tungpi hawte thua vae hae sah.
Mih ciihan hae tuh ram lungkhu kya
mih thawsaepaw athua cih hae;
miding hae ciihan tuh
hythuapya athua cih hae.
Pachia nynh minmin kha, "Pungzae oh lah lungthung oh, laephi kha phe beih oh lah laephi kha uk oh; te tui kya-e ngasaw hae, vaawlang e pavaw hae te laephi vawlan hiin zah apiathyapaw miakaw kha uk oh," cite hythua a pya hae.
Ccaaw hae te thuasah, nae laephi athae te thuasah, nae sahiin-awvaw ataw hae te thuasah, nae vaetua te nae tuutaw hae pungzaenaw te thuasah hythuapya na thua cih oh.
Nanning tuh minphuin hae kyaze hythua a mue huaccepaw na thua cih oh zah, nanning laku kya thuasah, nae sahiin-awvaw kya thuasah atinpaw um lan khyh.
Instruir e disciplinar
Instrui a criança no caminho em que deve andar, e quando envelhecer não se desviará dele. Disciplina é amor em ação.
Imua nynh a zui lanpaw
laan dingpaw kha ccangpah lah,
he yn piccan te, tuin kyate
cceihsei vae lan khyh.
Imuapaw thinlung kyakhe
ngaeenaw tuh phang a um,
thuasalama thuiheinawpaw
ccungngue nynh
tuh-e ngaeenaw kha ccaring a dee.
Ccungngue a mang leipaw tuh
a ccaaw a huapaw nynh thua,
thuasalama a ccaaw
a sungsahpaw tuh a ccaaw
a di lya maw te hoyte a thuihei.
Ccungngue te zianaw nynh thuasah,
bya te thuiheinaw nynh thuasah
hawnaw kha a pya,
thuasalama a rythyte umsahpaw
imua nynh tuh a nung kha
maethya a law.
Imua kha ccangpya leite um nan,
ccungngue te na bua ze,
chih lan khyh.
Ccaaw hae, nae paaw
thuiheinaw kha ngae oh lah,
nythyanaw na hoi kho nawlan oh,
hoyte ngae oh;
Solomon phungtangbya hae:
Ahawpaw ccaaw nynh
a paaw lung kha a tuasah,
thuasalama angaeepaw ccaaw nynh tuh
a nung kha a ngaethyasah.
Atunin kaw kae pyapaw hynh-e bya hae hynh na thinlung kya ccykekuh. Hynh-e bya hae hynh na ccaaw hae kya hopah bua hae lah, innvaw na um ze thuasah, laansaw lang na um ze thuasah, na ih ze thuasah, na thoku ze thuasah hynh-e bya hae kong hynh hopah hae.
O amor de Deus por crianças
Deixai vir a mim as crianças. Jesus acolheu, abençoou e honrou as crianças como modelo de fé e humildade.
Jesu nynh tuh-e tuh he a muih te, a thinria zah minmin kha, "Imua taraw hae kha ka kalan oun cceih hae sah, kang nan oh; pawccecize Pachia peenaw tuh hynhcihawpaw hae elang nynh thua.
Ccungccaw hoy leipaw mang na thua oh pite nae ccaaw hae kha lasung hoypaw pya lan na ny oh ze, vaawlang umpaw nae Paaw nynh amaw kalan a ngiakuh hae paw kha uccaw hoypaw tuh houh a pya cih hae!
Jesu tuh pyn lante thuasah, hawnaw lante thuasah yn lethung zah, Pachia malang te ccungccaw malang maehoynaw a mue.
Paaw nynh a ccaaw tungvaw
thawccinaw a hoi hawte,
Bawipaw nynh amaw
rawrih hae paw tungvaw
thawccinaw a hoi vae.
Aening tuh Pachia ccaaw hae cite ko ah thua nawlan oh, pawcihawpaw sungsahnaw mou Paaw Pachia nynh oun pya cipaw kha tuatua oh; aening tuh Pachia ccaaw hae nynh ah thua ccaccing oh. Laephi ccungccaw hae nynh Pachia kha a ny khyh hae keiccuze aening kha mah oun nyh khyh hae.
Bênção e promessa
O Senhor te abençoe e te guarde. Os filhos dos justos serão abençoados e suas gerações caminharão na retidão.
Bawipaw nynh hythua ae pya oh sah lah, ae do-oih vae oh sah;
Bawipaw nynh nae tungvaw a mitmae awsah sah lah, thaw ae ccih vae oh sah;
Bawipaw nynh nae tungvaw maehoynaw ae pya oh sah lah, daenaw ae pya vae oh sah.
Pachia nynh vaawlang e
vuiraw kha thuasah,
laephi kya-e lae hoy kha thuasah,
looh patae te misutui patae kha
thuasah ae pya vae sah.
Ccungccaw hae nynh
na rya ae lawpah hae sah lah,
minphuin hae nynh na malang
bakhung hae sah.
Na uno hae kya bawi lang tang lah,
na nung ccapaw hae nynh
na malang bakhung hae sah.
Nang kha thya ae lawpaw miakaw tuh
thyalaw thua sah lah,
nang kha hythua ae pyapaw miakaw tuh
hythuapya thua sah," a ci.
Pawccecize tui ahawpaw ram kha
tui ka bu cih zah,
aroupaw laephi kyakhe
vaw ka luasah cih;
na ciihan hae tungvaw kya
ka muisaw kha ka bu cih zah,
na ccaaw na no hae tungvaw kya
ka hythuanaw kha ka bu cih.
Minmin tuh hinlalyhpaw lonua hawte
a toih cih hae zah,
vawkhu kin e su ku hawte
a toih cih hae.
Na ccaaw hae balyn kha Bawipaw nynh
a ccangpah cih hae zah,
na ccaaw hae tuh myarya a hoirum cih hae.
"Na nung vue lungkhu
kae rae mawze nang kha kae ny vae;
na pui mawze nang kha
kae thyaasah vae;
minphuin hae hanlan nang kha
profeh lang kae khang vae," a ci.
Minmin tuh ka ccungccaw hae athua cih hae zah, kae tuh mih Pachia ka thua cih. Mimaw hoynaw hanlan te minmin nukhu e mih ccaaw hae hoynaw hanlan, kae kha zungzae yn rithya nawlan hae, lunglokunaw te laanpi ccangkheit zuinaw kha ka pya cih hae.
Ka lungkhu e miakaw yn raetupaw tuh
nang nynh na thua;
ka nung vue lungkhu khe nae rae,
Ngaeangthua lante ri lan a um lante
nae rae keiccuze kae thehoysah.
Na ryalaw balyn tuh ngaeangthua lan
a um cipaw hoyte ka ny.
Kae kha alangku leinaw khe nae rae zah,
laephi akhunaw kyakhe
ccynmamyh lante he nae rae tuh,
ka pyn tuh namaw kyate thuruh thua khyh.
Accing loh leipaw
ka pyn kha phe na muih.
Tuh-e hae ccangkheit san a um mawkhe,
ka hanlan na raepaw nin hae balyn kha
na ccauh kya zei athua vae.
Ka pui takaw te nang kha
kae doliaku;
ka pui takaw te nang tuh
ka Pachia nynh na thua.
Atu tuh ka taw vae zah ka no vae khyh,
tuhzemah miding kha
vua athuapaw ka muih boi khyh,
a ccaaw hae nynh looh
a ngiaku hae paw kha mah
ka muih boi khyh.
Aning nynh lung-uate
leih pya zungzae hae zah,
a koiisaku zungzae hae,
te a ccaaw hae tuh hythuanaw
a ccou hae paw lang a tang hae.
Tuh-e bya hae tuh ah ccaaw hae kha
thuruhpya lei lan hae;
Bawipaw kya-e alesaepaw
ryalaw hae,
a thawzung te a la cyipaw
ngaeangnaw hae kha
yn thua cih paw she e
ccungccaw hae kya hopya lan hae.
Mintaw hae tuh
ataw hae paw kya-e
bawilukhung nynh athua hae,
ccaaw hae phu-enaw tuh
mih nung mih paaw hae kha nynh thua.
Miding nynh dingnaw laanpi kya zui zah,
a ccaaw a no hae tuh
hythuanaw a ccou hae!
Criação e obediência
Pais, criai vossos filhos na disciplina e instrução do Senhor. Filhos, obedecei a vossos pais — isto é justo e agradável a Deus.
Imua hae, Bawipaw kya nae nung nae paaw hae bya kha ngae oh, pawccecize tuh-e tuh ahmepaw nynh thua. "Na nung te na paaw kha sawtua"—hynh-e hynh byakinpyakupaw te asekuhpaw masaty kawbya nynh thua, tuh-e byakinpyakunaw tuh, "tuhteze nynh hiinhoy te na um cih zah laephi vawlan na hiinshe sae cih," acikuh.
Paaw hae, nae ccaaw hae kha thinriasah nan oh, thuasalama Bawipaw kya-e ccangpyanaw te thuiheinaw khate minmin kha cciakhae thung oh.
Ccaaw hae, pawpaw kya balyn nae nung nae paaw hae kaw la ngae oh, pawccecize tuh-e tuh Bawipaw lungrypaw nynh thua.
Paaw hae, nae ccaaw hae kha thinriasah nan oh, mih lung oun rohsei cih.
Bawipaw na Pachia nynh ae pyapaw ram kya na hiinshe a sae nawlan, na nung te na paaw kha sawtua hae.
Thuiheinaw kha na ngaesang oh ze, Pachia nynh ccaaw hae hawte ae ccuepe cih oh; pawccecize paaw nynh a thuihei leipaw ccaaw a um zawtou? Thuasalama ccungccaw miakaw nynh a mue hae paw thuiheinaw kha na muebua khyh oh ze, ccaaw ccaccing na thua khyh oh, ccalah nynh na thua oh.
Thuasalama nomae lukhakheit nynh ccaaw hae tuhkhyhze mintaw hae a hoi lanze, tuh-e ccaaw hae te mintaw hae nynh mih innbyn elang cyi lanpaw mih beiknaw rya kha masaty ccangkuh hae sah lah, mih nung mih paaw hae te mih minnung mih minpaaw hae kha do-oihru hae sah; pawccecize tuh-e tuh Pachia lungrypaw nynh thua.
Nopinung tuh a ccyh zaw zah neitangia a cci keiccuze a ngaethah, thuasalama imua ccahe yn pui vae tetuh a vawsawnaw kha liathui vae khyh, pawccecize laephi vawlan ccungccaw lu kheit yn pui zah a lungtua keiccu nynh thua.
Rhaw nynh a kyng hae paw lang a tang cih hae cite na tua oh paw nae imua hae, atunin athya ahoy a nyh loh lei hae paw nae ccaaw hae tuh ram lungkhu lang a tee cih hae; ram tuh minmin ka pya cih hae zah minmin nynh ram kha a ccou cih hae.