Fim do mundo
A Bíblia fala sobre o fim do mundo como evento certo e definitivo. Céus e terra passarão, mas as palavras de Jesus jamais passarão. A questão não é se, mas quando.
Os céus passarão
Os céus e a terra passarão, mas as palavras de Jesus permanecerão para sempre. O mundo presente é temporário.
Bambae skae mo graon, tufala i lus, be tok blong mi bambae i no save lus samtaem.
Mo Jisas i gohed i talem se, "Taem trabol ya i finis, wantaem nomo, san bambae i kam tudak, mo mun bambae i no moa saen. Ol sta bambae oli folfoldaon, mo ol narafala samting blong skae we oli strong we i strong, God bambae i muvum olgeta.
Be dei blong samting ya, mo taem blong hem, i no gat man i save. Ol enjel blong heven, mo mi tu we mi Pikinini blong God, be mifala i no save. Papa blong mi, hem nomo i save.
Be dei blong samting ya, mo taem blong hem, i no gat man i save. Ol enjel long heven mo mi tu we mi Pikinini blong God, be mifala i no save. Papa blong mi, hem nomo i save."
O dia do Senhor
O dia do Senhor virá como ladrão. Os céus passarão com grande estrondo, e os elementos se dissolverão no fogo.
Be Dei blong Masta blong yumi bambae i kam olsem we man blong stil i kam, we i kam long taem we man i no save. Mo long Dei ya, bambae i gat bigfala noes, nao skae bambae i lus. Bigfala faea we i hot we i hot bambae i bonem ol sta gogo oli ronaot, mo wol tu, wetem evri samting blong hem bambae i lus.
Be skae mo graon we i stap naoia, tok blong God i blokem tufala, tufala i stap wet blong bambae faea i kasem tufala. Tok ya bambae i stap holem tufala, gogo i kasem bigfala Dei ya we God bambae i jajem ol man we oli no obei long hem, nao bambae oli lus.
Nao from we olgeta samting ya bambae oli lus olsem, yufala i mas luklukgud long laef blong yufala. Taem yufala i stap wet long Dei ya blong God blong i kamtru, yufala i mas tabu, yufala i man blong God, mo yufala i mas mekem ol fasin we hem i wantem. Mo yufala i mas gohed blong wok blong mekem Dei ya i kamtru kwik. Long Dei ya, bambae faea i kakae skae we i finisim olgeta, mo ol sta bambae oli ronaot long faea ya we i hot we i hot.
Ol brata mo sista. Long saed blong stret dei mo stret taem blong ol samting ya, i no gat nid blong mi raetem tok i kam long yufala, from we yufala i save finis we Dei ya blong Masta* blong yumi bambae i mekem ol man oli sek, olsem wan man blong stil, we i kamtru long naet. Taem ol man oli stap talem se, "Olgeta samting i kwaet, i gud nomo," long taem ya nao bambae bigfala trabol i save kasem olgeta, i spolem olgeta. Bambae trabol ya i kasem olgeta wantaem nomo, olsem we woman i harem we bak blong hem i soa blong i bonem pikinini. Mo olgeta bambae oli no save ronwe.
Be yufala i no olsem. Naoia yufala i no moa stap long tudak, mo i no stret blong Dei ya bambae i kam kasem yufala olsem we man blong stil i mekem yufala i sek. Yufala evriwan i man blong delaet, mo yufala i stap mekem ol fasin blong delaet. Yumi no man blong naet, no man blong tudak.
Be yufala i no olsem. Naoia yufala i no moa stap long tudak, mo i no stret blong Dei ya bambae i kam kasem yufala olsem we man blong stil i mekem yufala i sek. Yufala evriwan i man blong delaet, mo yufala i stap mekem ol fasin blong delaet. Yumi no man blong naet, no man blong tudak. I no stret blong yumi stap slip olsem ol narafala man. I stret blong yumi wekap, we hed blong yumi i klia gud. Naet, hem i taem we man blong slip i save slip, mo we man blong dring i save drong. Be yumi ya i man blong delaet, mo hed blong yumi i mas klia gud. Yumi mas holem fasin blong bilif mo blong lavem narafala man. Hemia i olsem klos blong faet we oli wokem long aean, blong ara i no save kasem yumi. Mo yumi mas putum tingting blong yumi long God blong hem i sevem yumi. Hemia i olsem hat blong faet blong yumi. God i no jusumaot yumi blong bambae i kros long yumi bakegen, be blong hem bambae i sevem yumi, from we yumi joen long Jisas Kraes*, Masta blong yumi.
Destruição e renovação
O Dia do Senhor trará juízo sobre os ímpios, mas também novos céus e nova terra onde habita a justiça.
Nao profet i talem se, "Bigfala Dei ya blong Hae God i kam klosap finis. I no longtaem, bambae i kamtru. Dei ya i nogud we i nogud. Nating we i gat ol soldia we oli save faet, be long dei ya, bambae oli krae, from we tingting blong olgeta bambae i foldaon olgeta. Dei ya, bambae i dei blong kros blong Hae God, mo i dei blong man i trabol, i harem nogud. Long dei ya, Hae God bambae i spolem olgeta samting. Long taem ya, bambae long dei nomo, be ples bambae i kam tudak olgeta, mo klaod we i blak we i blak bambae i kavremap olgeta ples. Long dei ya, bambae i gat noes blong ol pupu blong talemaot we faet i stap kam, mo noes blong ol soldia, we oli stap singsingaot blong kam faet agens long ol man blong ol bigfala taon we ol stonwol i goraon long olgeta, mo agens long ol man long ol wajhaos* we oli hae we i hae."
Mo profet i talemaot we Hae God i talem se, "Bambae mi mi letem bigfala trabol i kam kasem olgeta man, mo trabol ya bambae i mekem olgeta oli stap wokbaot olsem man we i blaen. Naoia bambae mi kilim olgeta, from we oli stap mekem sin agens long mi. Bambae blad blong olgeta i ron bigwan olsem wota. Ol dedbodi blong olgeta bambae i stap roten olbaot long evri ples."
Nao profet i talem se, "Long dei ya we Hae God bambae i soemaot kros blong hem, ol silva mo ol gol blong ol man, bambae i no save sevem olgeta. Mo from we ol man oli no ona long Hae God, kros ya blong hem we i olsem faea, bambae i kakae olgeta ples long wol ya. Olgeta man we oli stap long wol ya, bambae oli ded wantaem nomo, we bambae i no gat wan i stap."
Taem ya bambae i wan hadtaem, from we mi mi kros we mi kros, mo mi rere blong jajem olgeta man. Bambae mi jajem olgeta we oli stap mekem sin, mi spolemgud olgeta, mo bambae mi spolem ples blong olgeta tu, mi mekem i stap nating.
Nao mi luk we Smol Sipsip ya i brekemaot namba sikis gris ya blong kandel we i stap holemtaet buk ya. Nao graon i seksek tumas, mo san i kam tudak we i blak we i blak. Mo mun i kam red olgeta olsem blad. Ol sta long skae, oli stap folfoldaon i kam long graon, olsem we bigfala win i blu long tri, nao ol frut blong hem oli stap folfoldaon.
Bigfala algita ya, hem i snek ya blong bifo we nem blong hem "Setan*" no "Man we i agensem man", we i stap giaman long olgeta man long wol, i lidim olgeta oli go krangke. Nao olgeta long heven oli sakemaot hem wetem olgeta enjel blong hem oli aot long heven, oli kamdaon long wol.
Mo Jisas i gohed i talem se, "Bambae i gat saen long san, mo long mun, mo long ol sta. Mo long wol ya, ol man blong plante kantri bambae oli harem nogud, oli fraet long bigfala noes blong solwota we i brok long rif, mo long ol wef blong hem. Bambae ol man oli save ded from fraet, mo from we oli stap harem nogud long ol samting we bambae oli save kam kasem wol ya, from we ol samting blong skae we oli strong we i strong, God bambae i muvum olgeta.
Be oltaem, yufala i mas rere, mo yufala i mas prea. Sipos yufala i mekem olsem, bambae yufala i gat paoa blong ronwe long olgeta trabol ya, mo bambae yufala i save stanap long fes blong mi, mi Pikinini* blong Man we yufala i no sem."
Nao mi luk niufala heven wetem niufala wol, tufala i stap. Heven mo wol we tufala i stap fastaem, tufala i lus finis, mo i no moa gat solwota i stap. Nao mi luk bigfala taon ya we i tabu, we hemia niufala Jerusalem ya. Hem i kamaot long God, i aot long heven i kam, mo hem i flas gud, i olsem woman we bambae i mared, we oli flasemgud hem blong i go mitim man blong hem. Nao mi harem wan tok we i kamaot long bigfala jea blong God, we i singaot bigwan, i talem se, "!Yu luk! Naoia God i mekem ples blong hem wetem ol man. Hem bambae i stap oltaem wetem olgeta, mo olgeta bambae oli man blong hem. God bambae i kampani wetem olgeta, mo hem bambae i God blong olgeta. Hem bambae i ravemaot wota blong ae blong olgeta. Nao bambae i no moa gat man i ded, mo bambae man i no moa krae from man we i ded. Bambae i no moa gat man i krae, mo bambae man i no moa harem nogud long bodi blong hem. Ol samting ya blong bifo oli lus olgeta."
Nao Man ya we i stap sidaon long bigfala jea blong hem i talem se, "!Yu luk! Mi mi stap mekem olgeta samting oli kam niuwan bakegen." Nao hem i talem long mi bakegen se, "Yu raetem tok ya, from we tok blong mi i tru, mo ol man oli save bilif long hem."