Fim do mundo
A Bíblia fala sobre o fim do mundo como evento certo e definitivo. Céus e terra passarão, mas as palavras de Jesus jamais passarão. A questão não é se, mas quando.
Os céus passarão
Os céus e a terra passarão, mas as palavras de Jesus permanecerão para sempre. O mundo presente é temporário.
Samaasewa daase aatana; sinuntano kaamnaasikito isanne aafa aatana wuza.»
Kiristoosni Hepsa Wolle Yoo
«Es shanani wonaasikito aatnanneen orfo geregere awaas talmona; assaas dey chaarefbaason kalana; baakuraasikito dey samastan kere woottona; samaastaki hugnaasikito shorkona.
Daamiis Yoona Wonaasewa Sa’atiise Oonu Aane Arife
Dey Yesus: «Es wonaasewa es sa’atiise asin Abaasteno samaki wosiyaasnu sinun Naaso sino oonu arifer aafe.
Daamiis Wolle Yoona Wonaas Aane Artefa
«Sinuntano es wonaasi chowanon wedey es sa’atiisi chowanon Abaasteno samaki Ha’oosi wosiyaas wedey Naas aane arife.
O dia do Senhor
O dia do Senhor virá como ladrão. Os céus passarão com grande estrondo, e os elementos se dissolverão no fogo.
Sinuntano Daamiisa wona diinqone wiisnimatotu yoona. Es wono han samaasikito akama kaamaktu tishusona. Testo zuuttambaase geyak kiichchera tishuna. Han daasewa barista faase wuzaasikitone zuuttera kiichchona.
Ha’ooson shiipho beyefe asuni meya; hashti fa samaasewa daase tishuna mangsuni kar’ni wonaasta es kaamaasik geyak hooreratu fawa.
Ese es wuzaasikito zuuttambaase esiisimato tishunir sinnanneen eekin nittok korto foosewa Ha’ooson shiiphet foone aakkak sholsu beynirinso? Ese Ha’oosi wonni yoonon kaltanak oodet feernawa tai’nin dey yoonak wostet feerna sintiwa. Es wono samaas geyak kiichchera tishuna; testoos dey geyaasi kiichuk faalana.
Ayni meyane! Es bar sinana neyaasewa sa’atiise asin isa wuzane nittok tichunak aane sholsifawa. Daamiisa wona yoonaas wiis waalak yeefenaysimato sinbaason nitto teetnitiisik mai’sira arsefetiwa. Asuni meya: «Zuuttambaase naga dey ma’ar» yisefeen naaner asuson keekto ephfanasimato tishuni wonaas diinqone baassosta yoonawa. Isanne aafa aatte kesone wuza. Sinuntano ayni meyane! Nitto faasetiis talmaassitawa. Es bari boor’a es wonaas wiisnimato aafa nittoosta yoonawuza. Nitto zuuttamnitiise chaarefaassi fe asuwa; dey wonni asuwa. Inno waalaassi wedey talmaassi fe asutewa.
Sinuntano ayni meyane! Nitto faasetiis talmaassitawa. Es bari boor’a es wonaas wiisnimato aafa nittoosta yoonawuza. Nitto zuuttamnitiise chaarefaassi fe asuwa; dey wonni asuwa. Inno waalaassi wedey talmaassi fe asutewa. Es bari boor’a guzuniwa, Teetniison ha’suk innok fayiis hoorona uuk foonistano oom asuni meenimato afay’toni wuza aafawa. Afay’tesefe baasso waalintu afay’tesefe. Zayesefe baasso dey waalintu zayesefe. Sinuntano inno chaarefaassi fe asu sinni boor’a teetniison ha’suk innok fayiis hoorona uuk fooni; amantoosonnawa keeshtanaasonna Xirurinimato zagira mayani; faruni abdiison teetaastaki bittani guftaasimato zagira guufoni. Ha’oos innotin teegenaas bari gi’aasik tishunik sinnoynaron Daamni Yesus Kiristoosniki kamo inno faru dananikwa.
Destruição e renovação
O Dia do Senhor trará juízo sobre os ímpios, mas também novos céus e nova terra onde habita a justiça.
Esseen orfo fantuus issunsa maatamaason gachfena kabaasik barki biin; dey akama daani shorko sini; awaas suumoni maamnimato karaye; dey assaas harinnimato she’i. Yeeshuni assak chima siru belesini i’ooson shorkin gaanbaas i’oostan woottefanaasimato samaastaki baakuraas wootte.
Arki darboos dey yeet ha’te; bar daa zuuttambaase asin daagsifa Daabulos wedey Sexana yistera teegtefa zeemoti zawaaswa. Bar yeet daasta ha’te; bari wosiyaasikito barneen ane ha’te.
Asuni Naani Hepsa Wolle Yoo
Tusire dey Yesus ekka yi: «Awaasta, assaastanawa baakuraastana diinqi beso sinana. Baariisewa akaasi guubone asi deessu kaamaasikna daa zuuttambaase asiista fe daraasin tiir’o ephana. Samaastaki testoni shorkotan kabi chowa asuni meya han daasta yooni wuzason oodak digak shorkosone.
Es bari boor’a yooni mangu wuzaassin aatatiknawa Asuni Naani sina dey yerok chimatikna wonna wonna chimma shiiphotiwa.»
Gaddo Samaasewa Gaddo Daase
Esseen orfo gaddo samaasewa gaddo daase asin biin; tesuni daasewa tesuni samaase aati; baariis dey hanneen ekalo aafa foona wuza. Korto katamaas; gaddo Yerusalem teegobaasik ge’istera fa mariyanimato hoorera samaki Ha’ooskin kerefeen biin. Dey ekka yifa tega kaama zigimooskin kesfeen oden: «Ese! Ha’oos foona dimaas asuni meeni ganesiwa; bar dey baassoneen ane foonir; baasso dey bari dara sinone; Ha’oos teetbaasik baassoneen ane foona; Ha’obesi dey sinana. Harafaason zuutira aafbesiissin ku’ana; sinati sitiriis aatna boor’a kitu wedey suumo wedey waasa wedey shana hanneen ekalo aafa foona wuza.»
Zigimobaasta di bar dey: «Ese! Ta zuuttambaase aisn gaddo zaguna!» yi. Estan dey: «Han kaamaas amanamto dey futo sinna boor’a tichuwa» yi.