Sinais do fim dos tempos
A Bíblia descreve sinais que precederão a volta de Jesus. Guerras, falsos mestres, sinais cósmicos e a pregação do evangelho a todas as nações — tudo aponta para o fim dos tempos.
Sinais proféticos
Este evangelho do Reino será pregado em todo o mundo e então virá o fim. Os sinais dos últimos tempos já se manifestam.
भगवानेन राजेन ज्य खुस-खबर आखी कळी मां माणसे परचार करसे, ने सामळावसे, काहाकी चे आखी जाती मां गवा बण जाय, तत्यार कळजुग सरनेन टेम आय जासे।
तीनु दाहड़ा मां गरा आवणेन तत्यारुत पछेन दाहड़ु उलवाय जासे ने चांदेन वीजाळो खत्तम हय जासे, ने तारा छे चे सरग सी भुयमां हीट पड़से ने सरगेन आखो ताकुतेन काम सी हाल जासे। तत्यार माणसेन पुर्यान सहलाणी सरग मां देखाय जासे ने तत्यार कळीन आखी जातीन माणसे छाती ठुकीन रड़से; ने माणसेन पुर्या काजे मट्ली ताकत ने सेक-सींगार साते वादळा मां आवतेलु देखसे। चु फेप्यान मट्ली आवाज भेळु आपणा सरग वाळा काहवाळ्या काजे मकलसे, ने चे कळीन उपर एक खुणा सी दीसरा खुणा लग, चारे-मेर सी तेरा नेवाड़ला काजे भेळा करसे।
तेरेमां जागला रवु, काहाकी तुहुंं नी जाणु की तुंद्रु मालीक काहने दाहड़े आवसे। बाकुन ज्य वारु रीती सी जाण लेवु, की कदी घरेन मालीक जाणतु की चुट्टु कतरी टेमे आवसे ती चु जागतु रवतु ने आपणा घर मां सी काय बी चुरी नी हवणी देतु। तेरेमां तुहुंं बी तीयार रवु, काहाकी तीनी टेमे तुहुंं वीच्यार बी नी करसु ने, तीनी टेमे मां माणसेन पुर्यु आय जासे।
ने तीनुक आखी वात जी मे तुहुंंक हुकुम आपो, मान्ने सीकाड़। ने देखु, मे कळीन खत्तम हवणे लग जलम मे तुंद्रे साते रवीस।"
"दाहड़ा नीते टेम कत्यार आवसे तेरे बारामां कुय काजे मालुम, नी हय, नीते सरग वाळा काहवाळ्या काजे नीते; पुर्या काजे, बाकुन भगवान बास अतरुत जाणे।
Os últimos dias
Nos últimos dias virão tempos difíceis, homens amantes de si mesmos. Mas derramarei o meu Espírito sobre toda a carne.
जी वात वारु हेर राख्जु की आकरी दाहड़ा मां काठली टेम आवसे। काहाकी तीने टेमे माणसेन पाप बेसकु बड़ जासे। तत्यार माणसे, पयस्यान हायाळ्ळा, ने आपसान भलो हवणे चाहजे असी हेर करन्या, ने सोवकारला बणीन मटाय करन्या, ने भगवानेन नाव-बद्दी करन्या ने आस्या ने बासेन हुकुम नी मान्या बण जासे। तीनु माणसेन हीया मन मां भक्तीन वीच्यार ने भलाय करन्याक वारु कर्यु कवणेन वीच्यार नी रवे; ने परमेन वीच्यार, ने माफ करनेन वीच्यार बी नी रवे। चुरी-चुगली करन्या, जसों पटे तसों करन्या, बीन दयाळा, जो बी भलो छे, तेरी वीरुद करन्या, धुकु देण्या अनड़ाय करन्या ने आपसुन बड़ाय करन्या बण जासे। ने चे भगवानेक पुजण्या नी बाकुन मजा लेणेन हेर करन्या बण जासे। भगवानेन भक्ती करनेन ढंगड़ा ते करसे, बाकुन भगवानेन भक्ती करने सी जी ताकत जड़े, तीनी ताकत कदी हात नी करे। असला माणसे सी छेटा रवजु।
आकरी दाहड़ा मां काय हवसे तेरे बारामां भगवान कवे,
की मे मारी चुखली-आत्मा आखा माणसेन डीलेम मकलीस
ने तुंद्रा पुर्या ने पुरे भगवानेन अघली वात बताड़ने वाळा बणसे
ने तुंद्रा जुवान माणसेक अघो काय करनु च जड़से
ने तुंद्रा डाहला माणसे सपनाम वात करसे।
अतरात नी बाकुन अळी बी छे जे मारी सेवा करन्या ने सेवा करने वाळी पर बी तींद्रे मां बी
मे मारी चुखली-आत्मा मकलीस,
ने चे बी हवणे वाळी अघली वात बताड़से।
ने मे उपर सरगे मां बेसको वारु काम देखाड़ीस,
ने नेचु धरती पर सहलाणी देखाड़ीस,
मतलब लुही, आकठी, ने उड़तेला कुळान वादळो देखाड़ीस।
मालीकेन मटा-भारी
ने सेक-सींगार भर्या दाहड़ा आवणेन
पेहले दाहड़ु आंदारो हवणे बाजी जासे, ने चांद लुहीन तसु हय जासे।
ने तीनु दाहड़ाम जु मालीकेन नाव लीन दुवा करसे, तेरुत छुटकारु हवसे।
तीनी टेमे मीकायेल नावेन मटलु मुख्यु, जु तारा माणसेन सात देणे मां उबु हवसे, चु आवसे। तत्यार असी गरान टेम आवसे, जसा काहनोक राज्य हवसे तीनी टेमे ती हय तक कदी नी हयो, ने नी हवसे; बाकुन तीनी टेमे तारा माणसे मां सी जतरान नाव भगवानेन किताप मां लिखायलो छे, चे बची जासे। जे धरतीन हेटा मसाण मां सुय रवसे, तींद्रे मां सी बेसका माणसे उबा हय जासे, कतरा ते जलम जीवतेला रवसे, ने कतरा ते आपसान बदनामी ने जलमका वाटे भगवानेन नींगा मां कुहराय करने वाटे। तत्यार सीकाड़ने वाळा सरगेन तारा मंडळीन तसा भबळसे, ने जे बेसका माणसे काजे धरमी बणावसे, चे जलमकात तारान तसा भबळसे।
Esperança e prontidão
O dia do Senhor virá como ladrão. Mas nós não somos das trevas — estejamos sóbrios, vigiliando e esperando.
काहाकी हामु मालीकेन बुलेन अनसारे ज कह्जे जत्यार ईसु कळीम पछु आवसे, तत्यार ईसु पर भुरसु करन्या मरला भाय-बहणस्या जीवता हय्न ईसुक भेटणे पेहेल जासे। अळतेन आपणु जे जीवतेला छे, ने ईसुक आवता लग जीवतेला रवसु, तींद्रे पछळ ईसुक भेळा हवणे जासु। काहाकी तीने दाहड़े, पेहेल मालीक ईसु खुद सरगे सी उतेरतु जाय्न कुर्रु दीन बुलावसे। तीने टेमे एक मटला सरग वाळा खबर लावण्यान अवाज सामळायसे। एक सरग वाळु खबर लावण्यु, भगवान अगे सी फेप्या वाजाड़से। तत्यार जे ईसु मसी पर भुरसु करता जाय्न मर गुया, चे पछा जीवता हवसे। तत्यार आपणु बी जे जीवतेला रवसु, ने बचला रवसु, ईसुक भेळा हवणे करीन वादळा मां हाकलायन जासु। ईसुक मान्या आपणु आखा, सरगेम ईसु साते भेळा हवसु, ने असा करीन चां आपणु जलम मालीक ईसु पुठ्ये रवसुन। हेरे वजे सी तुहुंं जी वात कहीन एक दीसरा काजे हिम्मत आप्या करु।
तेरेमां हामु दीसरान तसा सुवता नी रवजे, पर जागता ने समळीन रवजे। काहाकी जे सुवे चे रातेत सुवे, ने जे दारु पीन छाके चे रात मात छाके। आपणु ते दीसुन छे, तेरेमां भुरसान ने परमेन झीलम पेहरीन, ने छुटकारु हात करनेन आस काजे टुपान तसा पेहरीन, समळीन रहणु चाहजे। काहाकी भगवान आपणु काजे डंड आपणे करीन नी नेवाड़्यु, बाकुन आपणा मालीक ईसु मसीन पापेन डंडेम सी छुटकारु जड़े करीन नेवाड़लु छे।
तेरेसी चेतीन रवु, की कांखुर मायन असु नी हवे, की नाचणे कुदणेन मन मां, ने नस्या मां ने ईनी कळीन जीवाय्न फीकुर मां तुहुंं नीसरा हय जावु ने चे गरान दाहड़ा तुंद्रे पर उचकाणुन आय पड़े। काहाकी चे गरान दाहड़ा आखी धरती पर रवणेवाळा आखा माणसे पर ईनी फांदेन तसा आय जासे। तेरेसी जागता रवु ने आखी टेम मां दुवा करता रवु, काहाकी तुहुंं ईनी आवणे वाळी आखी गरा सी बची सकु ने भुरसा भेळा माणसेन पुर्या अगळ उबा रय सकु असा बण जावु।
ए मारा लाटेक्ला, जी वात तुंद्रे सी सातायली नी रवे, की मालीकेन चां एक दाहड़ु हजार साल बराबर छे, ने हजार साल एक दाहड़ा बराबर छे। मालीक आपणा वायदान बारामां वार नी करे, जसी वार थुड़ाक माणसे समजे; बाकुन तुंद्रे बारामां दम धरी रयु, ने नी चाहे की कुय खत्तम हवे; बाकुन गुयो की आखा काजे मन फीरावणेन मुखु जड़े।
बाकुन मालीकेन दाहड़ु चुट्टान तसु आय जासे, हीनु दाहड़े सरग हुहेड़तो गाजतो अंछाप हय जासे, ने सरगेन चीज तातु हयन पीगळी जासे, ने धरती ने हेरे पर आखो काम धपी जासे। जसों की जो आखी चीजे, हीनी रीत सी खत्तम हवणे वाळी छे, ती तुहुंं चुखली चाल चलन ने भक्ती मां कसा माणसे हवणु चाहजे, ने भगवान हीना दाहड़ान वाट काहाली रीत सी देखणु चाहजे ने हेरो छाटु आवणे वाटे कसा कुसीस करनु चाहजे, जेरे वजे सी सरग आकठा सी पीगळी जासे, ने सरगेन चीज बेसको तातो हयन गळी जासे। बाकुन हेरी वायदान अनसारे हामु एक नवलु सरग ने नवली धरतीन आस देखजे जां आखा धरमी रवसे।
सामळु, मे तुंद्रे सी सातायली वात कय सके, हामु आखा नी मरजे, बाकुन आखा बदली जासुन, ने जे पापण्या पटकारता वार मां, आकरी फेप्यो फुक्से ती हवसे। काहाकी फेप्यो फुक्से ने मरलाम सी जीवता जलमेन तसा उठाय जासे, ने हामु बदली जासुन।
तत्यार मे नवली सरग ने नवली धरती काजे देख्यु, काहाकी पेहली सरग ने पेहली धरती जाती रहतेली, ने दरीया बी नी रवी। अळी मे चुखला सहर नवला यरुसलेम काजे सरग सी भगवानेन धड़े सी उतरतेला देख्यु, ने हयु तीनी लाडीन तसी हतलु, जी आपसा अदमी वाटे सींगारु करली छे। अळी मे राजगादी काहनाक मां सी काहनाक काजे उची अवाज सी असो कवता सामळ्यु, देखु, भगवानेन माणसेन ईचमां छे; हयु तींद्रे साते डेरा करसे, ने चे तेरा माणसे बणसे, ने भगवान आपसु तींद्रे साते रवसे; ने तींद्रु भगवान रवसे। ने हयु तींद्रा डुळा सी आखा आसा नुछी देसे, ने तेरे पछेन मरण नी रवसे, ने नी दुख, नी आयड़्नु, नी पीड़ा रवसे; पेहली वाते जाती रय।