Sinais do fim dos tempos
A Bíblia descreve sinais que precederão a volta de Jesus. Guerras, falsos mestres, sinais cósmicos e a pregação do evangelho a todas as nações — tudo aponta para o fim dos tempos.
Sinais proféticos
Este evangelho do Reino será pregado em todo o mundo e então virá o fim. Os sinais dos últimos tempos já se manifestam.
अदिक राज्य इन ईद खुशखबरी पुरा दुनिया दा प्रचार माळकु आदीत, कि सप्पा जातीगोळ मा गवाही आगुल, आग अन्त होट्ट बंदीत.
अचानक आ दिनगोळ दा क्लेश इन तुरन्त बाद्दा सुर्य अन्धकारमय आगेदीत, अदिक चन्द्रमा अन्द प्रकाश होगतेला ईत्तीत, अदिक तारा आकाश टु बीळतेला ईत्तव अदिक आकाश इन शक्तिगोळी हालुस्कु आदीत. आग ना मंळसा अन पार उन चिन्ह आकाश दा कांळ्सीत, अदिक आग पृथ्वी इन सप्पा कुलगोळ लॉकुर याद्दा पीटस्यार; अदिक मंळसा अन पार उक धोळ्द सामर्थ्य अदिक महिमा अन सांगुळ आकाश इन बादलगोळ मा बरतेला नोळ्यार. आव तुरही इन धोळ्द आवाज इन सांगुळ तान स्वर्गदूतगोळी कळ्यान, अदिक आंदुर आकाश इन ईद छोर टु आ छोर ताका, नाकु क्वाना टु आऊन निवळुस्द लॉकुरी जमा माळ्यार.
"इदुरसाटी जाग्सतेला ईरी, यतिकी नीव जान्सालीर कि नीम प्रभु याता दिशी बंदान. लेकीन ईद जान्स कोमी कि अगर मान्ना अन्द स्वामी जान्स कोमायदुन कि चोर यास मुरा बंदान रा च्याता ईरायदुन, अदिक तान मान्ना अन काळ्लपनी ईला आग गोळायदुन. इदुरसाटी नीव भी तयार ईरी, यतिकी याता घळी आऊन बरोद बारा दा नीव सोच भी सकालीर, अदा घळी मंळसा अन पार होट बंदान."
अदिक जो आग्यागोळ ना नीमी कोट्टीन अदुर्द पालन ह्यांग माळतार अद कल्सी. अदिक नोळी, ना युग इन अन्त ताका सदा नीम सांगुळ आईन."
"आ दिन या आ घळी अन्द बारा दा यारू जान्सालुर, ना स्वर्ग ईनव स्वर्गदूत अदिक ना मंळसा अन पार; लेकीन सिर्फ आप्प जान्सतान.
Os últimos dias
Nos últimos dias virão tempos difíceis, homens amantes de si mesmos. Mas derramarei o meu Espírito sobre toda a carne.
लेकीन ईद याद ईट कि आखरी दिनगोळ दा कठिन समय बंदव. यतिकी मंळसा मतलबी, धन इन लालची, घमण्ड माळावाळेर, अभिमानी, अपमान माळावाळेर, मोय-आप्पुर्द आग्या कडावाळेर, एहसान मारावाळेर, अपवित्र, प्यार ईला माळावाळेर, माफ ईला माळावाळेर, अपमान माळावाळेर, असंयमी, कठोर, भलाई इन दुश्मन, विश्वासघात माळावाळेर, लापरवाह, घमण्ड माळावाळेर, अदिक परमेश्वर उन ईला उलटा सुखविलास इक चाहासावाळेर ईत्तार. आंदुर भक्ति इन भेष रा माळ्यार, लेकीन अदुर्द ताकत इक मान्सतिदिल; हिंग लॉकुर से दुर ईरेत.
परमेश्वर अनतान:
कि आखरी इन दिनगोळ दा हिंग आदीत कि
ना तान आत्मा सप्पा मंळसा जाती मा हाक्काईन.
अदिक नीम पारगोळ अदिक पोरगोळ
परमेश्वर उन दी टु बातणी कोट्टार, अदिक नीम हारोदोर मंळसागोळ दर्शन नोळ्यार,
अदिक नीम स्याणागोळ कान्सा नोळ्यार.
ना तान दासगोळ अदिक तान दासीगोळ मा भी
आ दिनगोळ दा तान आत्मा दा टु हाक्काईन,
अदिक आंदुर परमेश्वर उन दी टु बातणी कोट्टार.
अदिक ना म्याकुच आकाश मा अदभुत क्याल्सा
अदिक ल्यालमा पृथ्वी मा चमत्कारगोळी तोर्साईन,
मतलब खुन अदिक बेक्की अदिक धुंगा अन्द बादल तोरसाईन.
प्रभु उन महान अदिक तेजस्वी दिन इन बरोर
से पयले सुर्य करीद अदिक चंद्र खुन घाई क्याचांद
आगेदीत.
अदिक जो यावारा परमेश्वर उन हेसुर देल प्रार्थना माळ्यान, आऊन उद्धार आदीत.
"आ समय महा स्वर्गदूत मीखाएल, जो नीन लॉकुर्द रक्षक-दूत आन, रक्षा अन्द साटी बंदान. अद संकट इन समय ईत्तीत. राष्ट्र इन उत्पत्ति टु हुळकु ईग ताका हिंग संकट यागलु आगीदील. लेकीन ईदा संकट-काल दा नीन लॉकुर्द उद्धार भी माळकु आदीत. या लॉकुर्द हेसुर परमेश्वर उन किताब दा लिख्सकु आव, आंदुर मुक्त माळकु आदार. भूमी इन ल्यालमा कबर दा मिंगकु आर, आंदुर दा टु हापाळ येद्दार: थ्वाळासा मुंदुर इक शाश्वत जीवन प्राप्त आदीत, थ्वाळासा अक अपमान अदिक स्थायी घृणा अन्द पात्र बनसोद बिद्दीत. जो ग्यानी लॉकुर आर, आंदुर आकाश इन ज्योति इन घाई चमकुस्यार, अदिक जो हापाळ मुंदरी धर्म इन हादी दी ओयतार आंदुर तारा अन घाई हमेशा चमकुस्तेला ईत्तार.
Esperança e prontidão
O dia do Senhor virá como ladrão. Mas nós não somos das trevas — estejamos sóbrios, vigiliando e esperando.
यतिकी जो प्रभु नामी कलस्यान नाव प्रभु उन वचन इन अनुसार नीम से ईद अनतेव कि नाव जो जित्ता आयेव अदिक प्रभु उन बरासताका ताका उळ्दकु ईत्तेव, सोत्तुर देल मुंद वाळुसतीदिल. यतिकी प्रभु खुद अच स्वर्ग टु ईळदान; आ समय ललकार, अदिक प्रधान स्वर्गदूत उन शब्द केळ बंदीत, अदिक परमेश्वर उन तुरही उदकु आदीत; अदिक जो मसीह दा विश्वास माळतेला सोतार, आंदुर पयले जित्ता माळकु आदार. आग नाव जो जित्ता अदिक उळ्दकु ईत्तेव आंदुर सांगुळ बादलगोळ मा नेगुकु आदेव कि हवा दा प्रभु उन सांगुळ सिकुल; अदिक ईद रीति देल नाव हमेशा प्रभु उन सांगुळ ईत्तेव. ईद प्रकार इव मातगोळ देल आबुर दाबुरी प्रोत्साहित माळतोगी.
इदुरसाटी नाव दुसरा अन घाई मिंगकु ईरतीदील, लेकीन जागस्तेला अदिक सावधान ईत्तेव. यतिकी जो मींगतार आंदुर ईळ्लकी इच मींगतार, अदिक जो मतवाला ईरतार आंदुर ईळ्लकी इच मतवाला ईरतार. लेकीन नाव जो हागुल इनोर हुयेव, विश्वास अदिक प्यार इन कवच हाक्कु अदिक उद्धार इन आशा अन टोप हाक्कु सावधान ईत्तेव. यतिकी परमेश्वर नामी सिट्ट इन साटी ईला, लेकीन इदुरसाटी ठहरूस्यान कि नाव तान प्रभु यीशु मसीह अन द्वारा उद्धार प्राप्त माळेव.
"इदुरसाटी सावधान ईरी, हिंग आगबाळुल कि नीम मन दुराचार, पियक्कळपन अदिक जीवन इन चिन्तागोळ्द भार देल वत्तेगुल, अदिक अद दिन अचानक नीम मा फंदा अन्द घाई होट्ट बरूल. यतिकी अद सप्पा पृथ्वी अन सब ईरावाळेर मा ईदा प्रकार देल बंदकु बिद्दीत. इदुरसाटी जाग्सतेला ईरी अदिक हर घळी विनती माळ्त ईरी कि नीव ई सप्पा बरावाळा घटनागोळ देल वुळुली अदिक मंळसा अन पार उन मुंद निदरोद लायक आगी."
हे प्रिय संगीगोळा, ईद ऊंद मात इक मारूबाळी कि प्रभु उन नजर दा ऊंद दिन अदिक ऊंद हजार साल दा येनु फरक हैलेच; आऊन साटी ईव येढ्ढु बराबर आव. प्रभु तान प्रतिग्या अन बारा दा समय माळालुन, ह्यांग समय थ्वाळासा लॉकुर सम्सतार; लेकीन नीम्द बारा दा संयम हुडुतान, अदिक चाहासालुन कि यावारा नाश आगुल, बल्की ईद कि सप्पा मुंदरी मन फिराव इन मवका सिकुल.
लेकीन प्रभु उन दिन काळ्ल उन घाई होट बंदीत, आ दिशी आकाश हापाळ गर्जना अन सांगुळ अदृश्य आगेदीत, अदिक आकाश इन पुरा चिजगोळ होतकु नाश आगेदव अदिक पृथ्वी अदिक अदुर दाकळव सप्पा मातगोळ गायब आगेदव. जब कि ईव सप्पा वस्तुगोळ ई रीति देल नाश आगावाळा आव, रा नीमी याता प्रकार इन लॉकुर आग पायजे? नीम्द जीवन पवित्र अदिक परमेश्वर उन दी समर्पित आगली पायजे, अदिक परमेश्वर उन आ दिशी इन हादी याता रीति देल काय पायजे अदिक आऊन जल्दी बरोद साटी ह्यांग कोशिश माळ पायजे, यदुर कारण आकाश बेक्की देल नाश माळकु आदीत, अदिक आकाश इन पुरा वस्तुगोळ गरमी देल पिघलुसेव. लेकीन आऊन वादा अन अनुसार नाव ऊंद व्हाशोद आकाश अदिक व्हाशोद पृथ्वी इन आस नोळतेव यदुर दा न्याय वास माळीत.
नोळी, ना नीम से भेद इन मात अनतीन: नाव सप्पा मुंदुर सायालेव, लेकीन सब बदलुसेव, अदिक ईद क्षण भर दा, पतनी होडुतेला अच आखरी तुरही ऊएतेला अच ईतीदान. यतिकी तुरही ऊयकु आदीत अदिक मुर्दा अविनाशी दशा दा नेगुकु आदाव, अदिक नाव बदलुसेदव.
बाक ना व्हाशोद आकाश अदिक व्हाशोद पृथ्वी इक नोळदीन, यतिकी पयला आकाश अदिक पयला पृथ्वी होगतेला ईरोद, अदिक समुद्र भी ईतीदील. बाक ना पवित्र नगर व्हाशोद यरूशलेम इक स्वर्ग टु परमेश्वर उन हात्ती टु ईळुतेला नोळदीन. अद आ मंळगीत इन घाई ईरोद जो तान गांड्ड उन साटी सिंगार माळकु आर. बाक ना सिंहासन दा टु यावारा अक धोळ शब्द देल ईद अनतेला केळदीन, "नोळ, परमेश्वर उन ड्यारा मंळसागोळ्द न्याड्या दा आद. आव आंदुर सांगुळ ड्यारा माळ्यान, अदिक आंदुर आऊन लॉकुर आदार, अदिक परमेश्वर खुद आंदुर सांगुळ ईत्तान अदिक आंदुर परमेश्वर आदान. आव आंदुर कण्णगोळ देल सप्पा नीर सिट्ट कोंडान; अदिक इदुर बाद्दा मृत्यु ईला ईत्तीत, अदिक न शोक, न विलाप, न पीळा ईत्तीत; पयला मातगोळ होगतेला ईत्तव."