Sinais do fim dos tempos
A Bíblia descreve sinais que precederão a volta de Jesus. Guerras, falsos mestres, sinais cósmicos e a pregação do evangelho a todas as nações — tudo aponta para o fim dos tempos.
Sinais proféticos
Este evangelho do Reino será pregado em todo o mundo e então virá o fim. Os sinais dos últimos tempos já se manifestam.
ମାପୁରୁଦି ରାଜିଦି ବିସୟ୍ତାନ୍ ନେଗିକାବୁର୍ ୱିଜୁ ଲୋକାଦି ଲାକ୍ତୁ ସାକି ସିଦେଙ୍ଗ୍ ଇୟା କାବୁର୍ ସାରାଦୁନିଆଦି ୱିଜୁ ତରିନ୍ ପ୍ରଚାର୍ ଆନାତ୍ । ତାନେୱେନ୍କା ଜୁଗ୍ସେସ୍ ଆନାତ୍ ।
"ଆୟା ଦୁଃକ୍କାସ୍ଟୁଦି ବେଡ଼ା ୱିଜିନି ବେଡ଼ାଦୁ ୱେଡ଼ା ସିକାଟି ଆନାତ୍ ମାରି ଲେଜୁ ମାରି ଜାୟ୍ ସିଏନ୍, ମାରି ସୁକେଙ୍ଗ୍ୱିଜୁ ବାଦଡ଼ତାନ୍ ଆର୍ନେ ମାରି ବାଦଡ଼ତି ସାକ୍ତିୱିଜୁ ଇନିଙ୍ଗାଁଆନିଆ ଆନେ । ତାନେୱେନ୍କା ମନୁସ୍ୟପୁତ୍ରଦି ସିନେଙ୍ଗ୍ ବାଦଡ଼ତୁ ତର୍ନେ ମାରି ମନୁସ୍ୟପୁତ୍ର ମେଗେମାଳାଦାନ୍ ପେରି ସାକ୍ତିଦାନ୍ ମାରି ଗୌରବ୍ଦାନ୍ ୱାଜିମାନିକା ସୁଡ଼ୁଜି ଦୁନିଆଦି ୱିଜୁ ବାସାଦି ଲୋକୁ ଆଡ଼ାବାନାର୍ । ବାଜାମରି ଆନାତ୍ ମାରି ପୃତିବିଦି ଉନ୍ଡ୍ରି କନାଦାନ୍ ଆଇ କନା ସାନ୍ଦି ସାରିବେଡ଼ିତିଦାନ୍ ୱାନି ଆସ୍କିତିମାନି ଲୋକାଙ୍ଗ୍ ଉଣ୍ତା କିଜ ତାନି ଉଣ୍ତିଙ୍ଗ୍ ମନୁସ୍ୟପୁତ୍ର ୱାନି ଦୁତ୍କାଙ୍ଗ୍ ପୋକ୍ନାନ୍ ।"
ମାରି, ଜାଗାର୍ତା ମାନ୍ଡ୍ରୁ, ଇରିଙ୍ଗ୍ ମି ପ୍ରବୁ ଆମା ନାଣ୍ତିଙ୍ଗ୍ ୱାନାନ୍, ଆକା ମିର୍ ନେସ୍ଇଦେର୍ । ମାତର୍ ଇକା ନେସ୍ସୋ ମାନ୍ଡ୍ରୁ, ଏସିୱାଲେ ଡଙ୍ଗାଁର୍ଏନ୍ ଡ଼ୁଗୁନାନ୍ ନେସ୍ତିମାରିଙ୍ଗ୍, ଇଲୁମାଲିକ୍ ଜାଗାର୍ତାଦାନ୍ ମାନ୍ଞ୍ଜି ଡଙ୍ଗାଁର୍ଏନ୍ତିଙ୍ଗ୍ ଇନ୍ଡ୍ର ଡ଼ୁଗିସିତେଙ୍ଗ୍ ସିଏନ୍ । ମିର୍ ବା ୱିଜୁଦିନ୍ ଜାଗାର୍ତା ଆଜମାନ୍ଡ୍ରୁ, ଇରିଙ୍ଗ୍ ଆମା ବେଡ଼ାଦୁ ମିର୍ ୱାନିଙ୍ଗ୍ କାପ୍କିଇ ମାନିଦେର୍ ଆୟା ବେଡ଼ାଦୁ ମନୁସ୍ୟପୁତ୍ର ୱାନାନ୍ ।
ମାରି ନାନ୍ ଆମା ୱିଜୁ ଆଦେସ୍ ସିତାମାନା, ଆୟାୱିଜୁ କିଦେଙ୍ଗ୍ ୱାରିଙ୍ଗ୍ ସିକିୟା ସିଦୁ । ମାରି ମନେଇଡ଼୍ଦୁ, ଜୁଗ୍ସେସ୍ ଆନିସାନ୍ଦି ୱିଜୁୱାଲେ ନାନ୍ ମି ୱାଲେମାନା ।"
"ମାତର୍ ଆୟା ଦିନ୍ ବା ଆୟା ଦଣ୍ଡ୍ ବିସୟ୍ ଏନ୍ବା ନେସ୍ଏନ୍, ମୁସ୍କୁପୁର୍ତି ଦୁତ୍କୁବା ନେସେଉ ମାରି ନାନ୍ ମନୁସ୍ୟପୁତ୍ର ବା ନେସେଏ, ଅରେନ୍ ନା ବୁବା ନେସ୍ନାନ୍ ।
Os últimos dias
Nos últimos dias virão tempos difíceis, homens amantes de si mesmos. Mas derramarei o meu Espírito sobre toda a carne.
ମନେ ଇଡ୍ଦୁ, ସାରାସାରି ଦିନ୍ତୁ ଗାଦି ରାଓକୁ ୱାଜି ଇନେ । ଲୋକୁ ନିଜେଦିଙ୍ଗ୍ ତରାନିକା, ଦନ୍ଲୋବ୍, ଗର୍ବ, ନିନ୍ଦା; ୱାର୍ ବୁବାୟାୟାଙ୍ଗେ ମାନାଏଣ୍ଗା ୱାରିଙ୍ଗ୍ ଅପ୍ମାନ୍ କିନାର୍; ୱାରି ମୋନ୍ତାନ୍ ଦୟା ମାରି ଦାର୍ମୁ ମାରାଗ୍ନାତ୍, ୱାର୍ ଆନାର୍ ଆଇ ଲୋକା ସୁରି କିନିକାର୍, ରିସାଆନିକା ମାରି ବୟଙ୍କାକାର୍ତିକାର୍; ୱିଜୁ ନେଗି ବିସୟ୍ତିଙ୍ଗ୍ କାଡ଼ାନାନ୍ । ୱାର୍ ଗର୍ବଦାନ୍ କେଇନିକା ଆଜି ବିସ୍ବାସ୍ ଆରାକିଜି ମାରି ବିଚାର୍ସିଲିକାର୍ ଆନାର୍; ୱାର୍ ମାପୁରୁଦି ବକ୍ତିମାଣାନ୍ ଉଣିତିନିମାନୁ ନାଣ୍ତ୍ ସୁକ୍ କିନାର୍ । ଦାର୍ମୁଦି ସତ୍ତି ସାକ୍ତିଦିଙ୍ଗ୍ ମାନାଏଣ୍ଗା ୱାର୍ ଆତ୍ରେରି ଦାର୍ମୁପାଣିଦିଙ୍ଗ୍ ୱିଜୁ ଅଡ଼୍ବିନାର୍ । ଇୟାୱାରିମାଣୁକୁ ମିର୍ ଆକ ମାନ୍ଡ୍ରୁ ।
ମାପୁରୁ ଇନାନ୍; ୱିଜ୍ନି ଦିନ୍କାଙ୍ଗ୍ଁ ଇକା ୱିଜୁ ଗଟାନାତ୍,
ନାନ୍ ୱିଜେରି ମୁସ୍କୁ ନା ଆତ୍ମା ୱାକ୍ନା ସିନା ।
ମି କଡ଼ର୍ ନି ଆଇଲିକ୍ ବାବବାଦି କିନାର୍ ।
ମି ମୁରୁଲିର୍ ଦର୍ସନ ସୁଣାର୍,
ମାରି ନେତାର୍ ଲବେର୍ ସୁଣାର୍ ।
ହୁଁ ନା ଦାସ୍କୁ ଅର୍ସେ ମେମାରି ନି ଆଇମେକା ମୁସ୍କୁ,
ଆୟା ଦିନ୍ତୁ ନା ଆତ୍ମା ୱାକ୍ନା ସିନା,
ମାରି ୱାର୍ ନା ବାକ୍ୟ ୱେର୍ନାର୍ ।
ନାନ୍ ବାଦଡ଼୍ ମୁସ୍କୁ କାବାଆନି ପାଣି
ମାରି ଆଡ୍ଗିରି ଦୁନିଆଦୁ କାବାଆନି ପାଣିତର୍ନା ।
ନେତେର୍, ସିସୁ ମାରି ନାଣ୍ତ ଗଇଦାନ୍ ଦୁନିଆ ବର୍ତି ଆନାତ୍;
ପ୍ରବୁଦି ପେରି ଗୌରବ୍ ଦିନ୍ତି ୱାନି ଆଗ୍ଡ଼ି
ୱେଡ଼ା ସିକାଟି ଆନାତ୍
ମାରି ଲେଞ୍ଜୁ ନେତେର୍ ୱାଜା ଆନାତ୍ ।
ନାସ୍ତିୱାଲେ ଏନ୍ ପ୍ରବୁଦି ଦର୍ତାନ୍ ପାର୍ତନା କିନାନ୍, ୱାନ୍ ରକିୟା ପୟ୍ନାନ୍ ।
ଆୟା ସମୟତୁ ମି ଲୋକାଙ୍ଗ୍ ସାକା କିନିକାନ୍ ମିକାୟେଲ ପେରିକାନ୍ ନିଲ୍ନାନ୍ ମାରି ଲୋକା ଜାତିଦି ଆଗିଡ଼ିରାନ୍ ଆୟା ବେଡ଼ାଦି ସାନ୍ଦି ଆୟା ରକମ୍ଦି କାସ୍ଟୁଦି ବେଡ଼ା ଏସେଙ୍ଗ୍ ଆଏତ୍ନେ, ଇୟାୱାଜା କାସ୍ଟୁଦି ଦିନ୍ ୱାନାତ୍, ମାରି, ମି କୁଟୁମ୍ଦି ଆମା ୱିଜୁ ଲୋକା ଦରୁ ମାପୁରୁଦି ବଇଦୁ ରାସାତାମାନାତ୍, ୱାର୍ ୱିଜେରେ ଆୟା ସମୟତୁ ରକିୟା ପୋଇନାର୍ । ମାରି, ଦୁନିଆଦି ଦୁଡ଼ିଦୁ ଆମାକାର୍ ଗୁରିତାମାନାର୍, ୱାରିମାଣାନ୍ ଏସୋଲୋକୁ ନିଙ୍ଗ୍ନାର୍; ଏସୋଲୋକୁ ଏସେଙ୍ଗ୍ ୱିଜ୍ଇ ଜିବନ୍ ମାରି ଏସୋ ସେମାର୍ ମାରି ଏସେଙ୍ଗ୍ ୱିଜ୍ଇ ଦଣ୍ତ୍ ପୋଇଦେଙ୍ଗ୍ ନିଙ୍ଗ୍ନାର୍ । ମାରି, ଆମାକାର୍ ଜ୍ଞାନ୍ତିକାର୍, ୱାର୍ ବାଦଡ଼୍ଦି ଜାୟ୍ଦି ୱାଜା ମାରି ଆମାକାର୍ ନାଣ୍ତ ଲୋକାଙ୍ଗ୍ ଦାର୍ମୁଦି ତରିନ୍ ତାନାର୍, ୱାର୍ ସୁକେଙ୍ଗା ୱାଜା ୱିଜୁଦିନ୍ ସାନ୍ଦି ଜାୟ୍ ଆନାର୍ ।
Esperança e prontidão
O dia do Senhor virá como ladrão. Mas nós não somos das trevas — estejamos sóbrios, vigiliando e esperando.
ମାପ୍ ଇଲେଇ ମିଙ୍ଗିଁ ଆମା ସିକିୟା ସିଜିନାପ୍, ଆକା ପ୍ରବୁଦି ସିକିୟା । ପ୍ରବୁଦି ୱାନିଦିନ୍ତୁ ମାଡ୍ ଆମାକାର୍ ଜିବନ୍ମାନିକା, ପୁର୍ବେଦାନ୍ ସାତିମାନି ଲୋକାମାଣ୍କୁ ଆଗ୍ଡ଼ି ଆଜି ସଲ୍ଇକା । ନାସ୍ତିୱାଲେ ପେରି ବଲ୍ତାନ୍ ଉନ୍ଡ୍ରି ଆଦେସ୍ ଆନାତ୍, ପେରି ମୁସ୍କୁପୁର୍ତି ଦୁତ୍ତି ବଲୁ ୱେନିଦେର୍, ମାପୁରୁଦି ମରିବାଜା ଆଉଲି ୱେନିଦେର୍ ମାରି ପ୍ରବୁ ମୁସ୍କୁପୁର୍ତାନ୍ ରେସିୱାନାନ୍ । କ୍ରିସ୍ତମାନୁ ବିସ୍ବାସ୍ କିଜି ଆମାକାର୍ ସାତାମାନାର୍, ୱାର୍ ଆଗ୍ଡ଼ି ଜିବନ୍ଆଜି ନିଙ୍ଗିଁନାର୍; ତାନେୱେନ୍କା ମାଡ୍ ଆମାକାର୍ ଆୟା ସମୟ୍ତୁ ଜିବନ୍ ତେବାନାମାନାପ୍, ବାଦ୍ଡ଼ତୁ ୱାରି ୱାଲେ ନିଙ୍ଗିଁଜି ୱାର୍ ବାଦଡ଼୍ତି ଦୁରିଦୁ ପ୍ରବୁଦି ୱାଲେ ବେଟ୍ଆନାର୍, ତାନେୱେନ୍କା ମାଡ୍ ୱିଜୁଦିନ୍ତିଙ୍ଗ୍ ପ୍ରବୁଦି ୱାଲେ ମାନିକା । ମାରି, ଇୟାୱିଜୁ ମାଟା ୱେର୍ସି ମିର୍ ନିଜେନିଜେଦିଙ୍ଗ୍ ୱେଡ଼ିକା କିଦୁ ।
ମାରି ରାଦୁ, ମାଡ୍ ଆଇ ଲୋକା ୱାଜା ସୁଜ୍ଏଣ୍ଗା, ଜାଗାର୍ତା ଆଜି ସେତା ତେବାନାଟ୍ । ଲୋକୁ ନାଡ଼ା ବେଡ଼ାଦୁ ସୁଜ୍ନାମାନାର୍, ନାଡ଼ା ୱାର୍ ଅଙ୍ଗୁର୍ରସ୍ ଉଣୁଜି ସୋସ୍ନାର୍ । ମାତର୍ ମାଡ୍ ୱେଡ଼େରି କଡ଼ର୍ ମାରି ୱିଜୁଦିନ୍ ଜାଗ୍ରାତା ମାନ୍ଜି । ରାଦୁ, ବିସ୍ବାସ୍ ମାରି ଜିବନ୍ନୋନି ନାନି ବକାଦିସାଜୁ ଆରାଜି ମାରି ରକିୟାଦି ଆସା ଇଡ୍ଜି ଟପି ତାଲାଦୁ ଆରାନାଟ୍ । ଇରିଙ୍ଗ୍ ମାପୁରୁ ମାଙ୍ଗିଁ ୱାନି ରିସାଦି ଲୋକ୍ ଆଦେଙ୍ଗ୍ ଆସ୍କିଏନ୍, ପ୍ରବୁ ଜିସୁ କ୍ରିସ୍ତଦି ମାଣ୍କୁ ମାଙ୍ଗିଁ ରକିୟା କିନି ଉଣ୍ତିଙ୍ଗ୍ ତିର୍ କିତାମାନାନ୍ ।
"ମାତର୍ ମିର୍ ନିଜେ ନିଜେଦି ବିସୟ୍ତାନ୍ ଜାଗାର୍ତା ମାଡ୍ରୁ, ଏସ୍ତିୱାଲେ ମି ଜିବନ୍ ନାଣ୍ତ ୱେଡ଼ିକାଦୁ ପୁରା ତେବାନାତ୍ ମାରି କାଡ଼ୁଉଣ୍ଜିସସ୍ତେଙ୍ଗ୍, ମାରି ଜିନି ବିସୟ୍ତାନ୍ ସିନ୍ତାଦାନ୍ ଦୁଃକ୍ ୱାନାତ୍, ମାରି ଆୟାନାଣ୍ତିଙ୍ଗ୍ ଦାପ୍ରେ ମି ମୁସ୍କୁ ୱାନା ଆର୍ନାତ୍; ଇରିଙ୍ଗ୍ ଆକା ଜାଡ଼ିଦି ୱାଜା ୱିଜୁ ଦେସ୍ଦୁନିଆଦି ୱିଜୁ ଲୋକା ମୁସ୍କୁ ୱାନାତ୍ । ମାତର୍ ମିର୍ ଏଣ୍ତେସ୍କି ଇୟାୱିଜୁ ୱାଜିନିଆଗ୍ଡ଼ି ଗଟ୍ନାଦାନ୍ ରକିୟା ପୟ୍ଦେଙ୍ଗ୍ ମାରି ମନୁସ୍ୟପୁତ୍ରଦି ଲାକ୍ତୁ ନିନ୍ଡ୍ରେଙ୍ଗ୍ ଡାଟ୍ ଆଦୁ, ଇୟାଉଣ୍ତିଙ୍ଗ୍ ଦିନାମି ପାର୍ତନା କିଜି ଜାଗାର୍ତା ମାଡ୍ରୁ ।"
ମାତର୍ ଏ ନା ତଡ଼୍କୁ, ପ୍ରବୁଦି ଲାକ୍ତୁ ଉଣ୍ତ୍ରି ଦିନ୍ ଜେ ଅଜାର୍ଅଜାର୍ ବାର୍ସେକ୍ ୱାଜା ମାରି ଅଜାର୍ଅଜାର୍ ବାର୍ସେକ୍ ଜେ ଉଣ୍ତ୍ରି ଦିନ୍ ୱାଜା, ଇୟା ଉଣ୍ତ୍ରି ବିସୟ୍ ମିରୁ ବାଣାମାଟ୍ । ୱେଡ଼ାଆନାତ୍ ଇଜି ଏଣ୍ତେସ୍ ଏସଲୋକ୍ ଅଡ଼୍ବିନାର୍, ପ୍ରବୁ ନିଜେଦି ପାର୍ମାଣ୍ ପୁରା କିଦେଙ୍ଗ୍ ୱେଡ଼ା କିଏନ୍, ମାତର୍ ଏଣ୍ତେସ୍ ଏନ୍ ନାସ୍ଟୁ ଆଏର୍, ୱିଜେରେ ମୋନ୍ତିଙ୍ଗ୍ ବାଦ୍ଲେ କିନାର୍, ଇକା ବଦା କିଜି ୱାନ୍ ମି ଉଣ୍ତିଙ୍ଗ୍ ୱିଜୁଦିନ୍ ସାସ୍ ଆସ୍ସି ତେବାତାମାନାନ୍ ।
ମାତର୍ ପ୍ରବୁଦି ଦିନ୍ ଡଙ୍ଗାଁର୍ଏନ୍ ୱାଜା ୱାନାତ୍ । ଆୟା ନାଣ୍ତିଙ୍ଗ୍ ବାଦଡ଼ୱିଜୁ ଉନ୍ଡ୍ରି ନାଣ୍ତ ଆଉଲିଦାନ୍ ୱିଜୁ ମାର୍ଗାନାତ୍, ମାରି ବାଦଡ଼ତି ଗ୍ରହ ସୁକେଙ୍ଗ୍ୱିଜୁ ୱେଜି କାସ୍ସି ଦଂସ ଆନେ ମାରି ଦୁନିଆ ସିକିୟାଦାନ୍ ତାନି ୱିଜୁ ଜିନିସ୍କା ୱାଲେ ଦଂସ ଆନାତ୍ । ଜଦି ଇୟାୱାଜା ୱିଜୁ ବିସୟ୍ ଦଂସ ଆନାତ୍, ଆର୍ତିଙ୍ଗ୍ ଅଡ଼୍ବିଜ ସୁଡ଼ୁଦୁ, ମି ଜିବନ୍ ଏଣ୍ତେସ୍ନାନିକା ଆନିକା ମାନାତ୍ । ଆକା ପବିତ୍ର ମାରି ମାପୁରୁଦିମାନୁ ସିଆୟ୍ ଆନିକା ଅରେନ୍ ଦର୍କାର୍ । ମିରୁ ପ୍ରବୁଦି ଦିନ୍ତିଙ୍ଗ୍ କାପ୍କିଜି ତେବାନି ୱାଲେ, ଆକା ଏଣ୍ତେସ୍ ବେଗି ୱାନାତ୍, ଇୟାଉଣ୍ତିଙ୍ଗ୍ ନିଜେଦିଙ୍ଗ୍ ତିଆର୍ ଆଦୁ । ଆୟା ନାଣ୍ତିଙ୍ଗ୍ ବାଦଡ଼ୱିଜୁ କାସ୍ସି ଦଂସ ଆନାତ୍ । ବାଦଡ଼ତି ଗ୍ରହ ସୁକେଙ୍ଗ୍ୱିଜୁ ପୁରାନାଣ୍ତ ତାତିଦାନ୍ ତର୍ଲେଆନେ ସନେ । ମାତର୍ ମାପ୍ ମାପୁରୁ ପାର୍ମାଣ୍ କିତିମାନି ଉଣ୍ତ୍ରି ପୁନି ବାଦଡ଼ ମାରି ପୁନି ଦୁନିଆଦିଙ୍ଗ୍ କାପ୍କିଜି ମାନାପ୍, ଆବେନୁ ଦାର୍ମୁଦିଲୋକୁ ତିଆର୍ ଆନାତ୍ ।
ୱେନ୍ଡ୍ରୁ, ନାନ୍ ମିଙ୍ଗିଁ ଉନ୍ଡ୍ରି ସତ୍ତି ମାଟା ୱେର୍ସିନା, ମାଡୁ ୱିଜୁଲୋକୁ ସାଇକା, ମାତର୍ ସାରାସାରି ମରି ଆଉଲି ଆନି ୱାଲେ, ଉନ୍ଡ୍ରେ ଦେବାନେ, କାଣ୍ଗା ନାପ୍ନେଣ୍ଗା ମାଡୁ ୱିଜୁଲୋକ୍ ବାଦ୍ଲେଆନିକା; ନାସ୍ତିୱାଲେ ମରି ଅଡ଼ନାତ୍, ମାରି ବିସ୍ବାସ୍ତି ସାତିକାର୍ ଜିବନ୍ଆଜି ନିଙ୍ଗିଁନାର୍, ମାରି ମାଡୁ ୱିଜୁଲୋକ୍ ବାଦ୍ଲେଆନିକା ।
ଇର୍ରିଙ୍ଗ୍ ସୁଡ଼ୁଦୁ, ନାନ୍ ପୁନି ବାଦଡ଼୍ୱିଜୁ ମାରି ପୁନି ଦୁନିଆ ତିଆର୍ କିନା ମାରି ପୁର୍ବେ କାଡ଼ାଦି ବିସୟ୍ୱିଜୁ ଏତ୍ କିଆୟ୍ ଆଏତ୍, କି ମନ୍ତୁ ରେଏତ୍ । ମାତର୍ ନାନ୍ ଆମାକା ତିଆର୍ କିନା, ମିର୍ ୱିଜୁୱେଡ଼ାଦୁ ଆବେନୁ ୱେଡ଼ିକା ଆଜି ୱେଡ଼ିକା କିଦୁ; ଇର୍ରିଙ୍ଗ୍ ସୁଡ଼ୁଦୁ, ନାନ୍ ଜିରୁସାଲମତିଙ୍ଗ୍ ୱେଡ଼ିକା ୱାଜା ମାରି ଆବେଣି ଲୋକାଙ୍ଗ୍ ୱେଡ଼ିକାଦି ଲୋକୁ କିଜି ତିଆର୍ କିନା । ମାରି, ନାନ୍ ଜିରୁସାଲମତୁ ୱେଡ଼ିକା କିନାଟ୍ ମାରି ନା ଲୋକା ଲାକ୍ତୁ ୱେଡ଼ିକା କିନାଟ୍; ମାରି, ଆୟା ଲୋଇ କତାଜି ଆଡ଼୍ବାନି ଆଉଲି, କି ଆଡ଼୍ବାନିକା ୱେନାଇଆଏତ୍ନି ।
ତେନି ୱେନେକା ନାନୁ ଉଣ୍ତ୍ରି ପୁନି ବାଦଡ଼୍ ମାରି ପୁନି ଦୁନିଆ ସୁଡୁତା । ପାଡ଼ିଇ ବାଦଡ଼୍, ପାଡ଼ିଇ ଦୁନିଆ ମାରି ସାମ୍ଦୁରୁ ସିଲେତାତ୍ । ମାରି ଉଣ୍ତ୍ରି ପବିତ୍ର ଗାଡ଼୍, ପୁନି ଜିରୁସାଲାମ୍, କାନ୍ୟା ରୁପ୍ତାନ୍ ତିଆର୍ଆଜି ମୁସ୍କୁପୁର୍ଦାନ୍ ମାପୁରୁଦି ଲାକୁତୁ ଦେସ୍ ମୁସୁକୁ ରେତାନିକା ସୁଡ଼ୁତା । ମାରି ମୁସ୍କୁପୁର୍ ସିଂହାସନ୍ତାନ୍ ଉନ୍ଣ୍ତ୍ରି ମାଟା ଆତାତ୍, "ଇଲେଇ ମାପୁରୁଦି ଆସା ଲୋକା ମାଡ଼ାନ୍; ୱାନ୍ ୱାରି ସଙ୍ଗତାନ୍ ବାସା କିନାର୍ ମାରି ୱାର୍ ୱାନି ନିଜେଦି ଲୋକୁ ଆନାର୍ । ମାପୁରୁ ୱାରିୱାଲେ ବାସାକିନାର୍ ମାରି ୱାରି ମାପୁରୁ ଆନାର୍ । ୱାର୍ ୱାରି କାଣ୍ଗାଦି କାଡ଼େର୍ଙ୍ଗୁ ୱିଜୁ ତେଲ୍ଜି ସିନାନ୍ । ସାନିକା, ସିନ୍ତା, ଆଡ଼୍ବାନିକା ଇରିଙ୍ଗ୍ ନୋପି, ମାରି ଇନିକା ତେବାଏତେନି । ୱିଜୁ ପାଡ଼ିଇ ବିସୟ୍ ମାର୍ଗିତାତ୍ ସରାତ୍ ।"