Sinais do fim dos tempos
A Bíblia descreve sinais que precederão a volta de Jesus. Guerras, falsos mestres, sinais cósmicos e a pregação do evangelho a todas as nações — tudo aponta para o fim dos tempos.
Sinais proféticos
Este evangelho do Reino será pregado em todo o mundo e então virá o fim. Os sinais dos últimos tempos já se manifestam.
यो परमेस्वर को राज को साजरो बारता सारो संसार मा लोकगीन जवर मुनादी करयो जाहेत। तबा सारो, संसार मा गवाही भय जाहेत तबा आखीर आ जाहेत।"
मानूस को टूरा को दुबारा लक आवनो
" वोना दिवस मा अचरज दुख को मघा दिन इन्धार भई जाहेत। अना चन्दा को उजार खतम भई जाहेत। अना बादल मा जोन नक्सतर सेत, उ सब हिलायो जाहेत। तबा तारा चान्दनी बादल लक पड़ जाहेत। तबा मानूस को टूरा को हिदान बादल मा चोहेत, अना सब धरती को लोकगीन आपरो, सीना ला पिटेहेत। अना मोठयो, ताकत अना महिमा को संग बादल मा मानूस को टूरा ला आवता दिसेत। अना उ तुर्रा का मोठयो आवाज को संग, आपरो, सरगदूत गीन ला धाड़ेत अना सप्पा दुनिया पासुन आपरो निवाड़ो लोकगीन ला जमा करयेत"।
यो काजी तुमी जगत रव्हो अना पिराथना करत जावो, काहेका तुमीला यो मालुम नाहत का, खेत का मालिक मजे पिरभु कबा आवनवारो सेत। पर तुमी यो जान लेव का घर को मालिक ला मालुम होवतो का चोर कबा धसन वारा सेत। मंग उ जागत रव्हतो अना घर मा चोरी होवतो। यो कारन लक तुमी तैय्यार रव्हो जोन बेरा मा तुम्ही नही सोचा सेव वोच बेरा मानूस को टूरा आजाहेत।"
अना मीना जोन-जोन हुकूम देइसेव। सब उनला माननो सिकावो, चोवो संसार को आखीर तकन, मी तुमरो संग सेव।"
ओनो बेरा को कोनीला पता नहात
"वा बेरा कब आहे कोनीला पता नहात? न सरग को दूत अना ना टूरा, पर सीरप परमेस्वर बाबूजी।"
Os últimos dias
Nos últimos dias virão tempos difíceis, homens amantes de si mesmos. Mas derramarei o meu Espírito sobre toda a carne.
पर यो हेत राखो का आखरी दिवस गीन मा कठीन बेरा आहे। काहेकी मानूस सुवारथी, धन दौलत लक माया करनवारा डींगमार, गरबिला, बिरोध करनवारा, माय-बाप को हुकूम नही मानन वालो बिरोधी, अपवीतर। दया रहित, छमारहित लान-छान लगावन वालो असंयमी कठोर साजरो को बैयरी। बिसवासघाती ढीठ घंमडी अना परमेस्वर लक पिरेम नही, तरी सूक सुबिता का चाव्हवन वारा होहेत। वय भक्ती को हुलीया त धरेहेत पर वोकी ताकत ला नही मानहेत असा गीन लक दुहुर रव्हना।
परमेस्वर कव्होसे, "का आखीर को दिवस मा असो होयेत
का मी सबा मानूसगिन पर आपरो आतमा उबड़ा देहू,
मग तुमरो टूरा अना टूरी भविस्यवानी सागेत।
अना तुमरा जवान दरसन देखेत,
अखीन तुमरा सायनो सपना देखेत।
हव, ओना दिवसगिन मा,
मी अपरा चाकर अना दासी गीन पर अपरी आतमा उबडाहूँ,
अना वय भविस्यवानी करेहेत।
मी ओरिया बादर को खाल्या धरती पर हिदान,
अना बादल मा रकत स्तो,
आना धुंगा की बादर देखाऊ।
पिरभू को महान अना महीमा को दिवस आवन
को पयले सूरज इंधारो अना
चांदा रक्त जसो लाली मा बदल जाहेत।
अना जोन कोनी पिरभु लक मद मागेत, वोला पिरभू बचाहेत।"
अखट्ट को बेरा
वोना बेरा मोठो सरगदूत मीकाएल, जोन तोरो रास्ट को रक्सक दुत से। रक्सा को लाय आहेत। वा संकट को बेरा होहे। रास्ट को पयदा लेवन को पहेले असो सकंट कभ्भू नही आयो। पर योच सकंट को बेरा मा तोरो रास्ट को सूटकारा होहे, जोन लोग को नाव परमेस्वर को गिरंथ मा लिख्यो हुयो से, वय सूड़ायो जाहेत। जोन धरती को खाल्या माटी मा गड़ायो गयो सेत, उनमा लक लगत सा जग जाहेतिन, अना वोमा लक काहि हरामेसा को लाय काहि को बेईज्जती अना हमेसा को गुस्सा को लई बनया रहेत। तबा जोन अक्कलवर अगुवा होहे वय बादल को चान्दनी को जसो टिमटिमाहेत। जोन लगत लोगहुन ला सही रास्ता मा आनयो से, वा चन्देनी को जसो चमकहेत।
Esperança e prontidão
O dia do Senhor virá como ladrão. Mas nós não somos das trevas — estejamos sóbrios, vigiliando e esperando.
एना कारन हमी पिरभू को गोस्टी को लक तुमरो लक कव्हवसू का हमी जोन जित्तो सेजन अना पिरभू को आवन तकन बचया रहबोन अना सोया हुया लक कबच नही पुड़ा बढबोन। काहेकी पिरभू खुदच ललकार अना मुखिया सरगदुत ला हाकलके अखीन परमेस्वर की तुर्रा की आवाज को संग मा सरग लक उतरेत अखीन जोन मसीह मा मर गई सेत, वय पुड़ा जित्तो होयेती। तबा हमी जोन जित्तो सेजन अना बचयो रहेति उनको संग मा वारा मा पिरभू लक मिलन को लाई बादर पर उचाल लियो जावबिन। एना रिती लक हमी सदा पिरभू को संग रहबिन। एकोलाय एना गोस्टी गीन लक एक दुसरो ला सान्ती देवो।
अना हमी दुसरो को जसो नोको सोवनो पर जागतो अना चालु रव्हना। काहेकि जोन सोवासेत वय रात मा सोवासेत अना जोन नसा मा रहवसेत वय रात मा नसा मा होवासेत। पर एकोलाय का हमी दिवस का सेजन आव हमी भरोसा अना पिरेम को कवच अना सूटकारा की आस को टोप पहेर के तैय्यार रव्हबिन। काहेकि परमेस्वर न हमला कोप लाई नही पर हमरो पिरभू यीसु मसीह को कन लक सूटकारा पावन लाई ठहराईसेस।
जागली करो
" एकोलाय होसियार रव्हने, असो ना होहेत एने जीवन को, भोग-विलास, नसा-पानी अना संसार को, चिन्ता मा तुमारो मन लग जाहेत, अना एकदम वोना दिवस जाल जसो आ जाहेत। काहेका धरती मा रव्हन वालो, सबा पर असोच एकदम लक आफत आ जाहेत। एकोलाय जागतो रव्हो अखीन, पिराथना करो का आवन वालो घटना लक, बचके न असो ताकत लक भर जावो का मानूस को टूरा पुढा उभो रह सको।"
अगो चहेतो भाऊहुनएना गोस्टी कदी विसरो नोको, परमेस्वर को एक दिवस हजार साल को बरोबर सेत अना एक हजार साल एका दिवसा इतरोच सेत। काही लोक समजासेत। परमेस्वर आपरो करार पूरन करन्यास उसीर करन लाय नाही, पर आपरो साठी लोकां बद्दल सहनसील सेत। अना वोको इक्सा सेत का उतानी सर्वनास नका होय। परंतु हरेकाला पस्तावा करन लाय साठी बेरा मिल्हे।
परंतु परमेस्वर को दिवस चोर जसो आवन वालो सेत। वोना दिवसी बादल मा मोठ्या गरजन होहेत अना नास भयी जाहेत। अना सब चीज पिघल जाहेत अना धरती अना वोका वरी काम को नियाव होयेत। जब ऐना सप्पा गोस्टी नास भयी जाहेत। तर तुमी लोकगिन ला पाहिजे का पवीतर चाल-चलन अखीन भगती को जिंदगी बिताव। परमेस्वर को आवन वारो दिवसा को वाट जोहो अना लवकर च लावन को कोसीस करा। बादल जरत पिघलेत अना बादल को तारागिन तपके टपक जाहेत। परंतु आपरो परमेस्वर को परन मा आधारित नवीन सरग अना नवीन धरती को वाट जोहासेत। उतानी साजरापन वास करेत।
चोवो मी तुमी ला एक लुको गोस्टी सांगासू, आमी सब ला जपनी लगेत, पर आमी सब को सब बदल जाबिन। यो एक जरा देर मा मिन्दी मारतच, आखरी तुर्रा को बाजन को बेरा होहेत। काहेका तुर्रा बजेत, अना मरो हुया मानुसगिन अमर दसा मा जित्तो भई जाहेती।
नयो सरग अना नयो धरती
तबा मीना एक नयो सरग अना एक नयी धरती देखियो, अबा पहलो सरग अना पहलो धरती को नाव निसान नही रहयो। तबा मीना पवीतर नगरी, नयो यरुसलेम ला सरग लक, परमेस्वर को कन लक उतरतो हुयो चोयो। उ आपरो नौरा को लाई खबसुरती लक सजायो गयी नौरी को जसो होती। तबा मीना सिघासन लक एक उचो सबद मा यो कव्हतो आयकियो, "चोवो! मानूसगिन को बीच मा परमेस्वर को रव्हनो!" अब परमेस्वर उनको बीच रव्हे। वय उनको जनता होहेत अना खुदच परमेस्वर उनको बीच अमर निवास करहेत। परमेस्वर उनको डोरा लक हरेक आँसू पोछ देहे। अता लक मिरतू पायो न जाहे। अता ना कलपनो, ना रोवनो अना नाच कोनी दरद रहेत। काहेकि जो पहली गोस्टी होतीन, अता वय नही रहीन।