Sinais do fim dos tempos
A Bíblia descreve sinais que precederão a volta de Jesus. Guerras, falsos mestres, sinais cósmicos e a pregação do evangelho a todas as nações — tudo aponta para o fim dos tempos.
Sinais proféticos
Este evangelho do Reino será pregado em todo o mundo e então virá o fim. Os sinais dos últimos tempos já se manifestam.
ଆଡଃ ପାର୍ମେଶ୍ୱାର୍ଆଃ ରାଇଜ୍ ବିଷାଏରେ ନେ ସୁକୁକାଜି ଏଟାଃ ଏଟାଃ ଜାଗାର୍ତାନ୍ ସବେନ୍ ହଡ଼କଆଃ ଗାୱା ନାଗେନ୍ତେ, ଗଟା ଅତେଦିଶୁମ୍ରେ ଉଦୁବଃଆ ଆଡଃ ଏନ୍ତେ ଟୁଣ୍ଡୁଃଆ ।
ମାନୱାହନ୍ଆଃ ହିଜୁଃରୁହାଡ଼୍
"ଏନ୍ ଦିପିଲିରେୟାଃ ଦୁକୁ ତାୟମ୍ତେ ଇମ୍ତାଗି ସିଙ୍ଗି ନୁବାଗଃଆ ଆଡଃ ଚାଣ୍ଡୁଃ ମାର୍ସାଲ୍ କାଏ ଏମେୟା ଆଡଃ ଇପିଲ୍କ ସିର୍ମାଏତେକ ଉୟୁଗଃଆ ଆଡଃ ସିର୍ମାରେୟାଃ ପେଡ଼େଃୟାନ୍ତେୟାଃକ ଏକ୍ଲାଅଃଆ । ଏନ୍ ଦିପିଲିରେ ମାନୱାହନ୍ଆଃ ଚିହ୍ନାଁ ସିର୍ମାରେ ନେଲଆଃ ଆଡଃ ଅତେରେନ୍ ସବେନ୍ ହଡ଼କ ଏୟମେଁୟା । ଇନ୍କୁ ମାନୱାହନ୍କେ ପୁରାଃ ପେଡ଼େଃତେ ଆଡଃ ମାନାରାଙ୍ଗ୍ଲଃ ସିର୍ମାରାଃ ରିମିଲ୍ରେ ହିଜୁଃତାନ୍କ ନେଲିୟା । ଆଡଃ ବିଙ୍ଗୁଲ୍ ବାଜା ସାଡ଼ିଆ, ଆଡଃ ଇନିଃ ଆୟାଃ ସିର୍ମାରେନ୍ ଦୁଁତ୍କକେ ଅତେଦିଶୁମ୍ରାଃ ନେ ଟୁଣ୍ଡୁଏତେ ହାନ୍ ଟୁଣ୍ଡୁ ଜାକେଦ୍ ଆୟାଃ ସାଲାକାନ୍କକେ ହୁଣ୍ଡି ନାଗେନ୍ତେ କୁଲ୍କଆ ।
"ଏନାମେନ୍ତେ ଏୟନାକାନ୍ତାଇନ୍ପେ, ଚିୟାଃଚି ଆପେଦ ଆପେୟାଃ ପ୍ରାଭୁଆଃ ହିଜୁଃ ଦିପିଲି କାପେ ସାରିୟା । ମେନ୍ଦ ନେଆଁଁ ଆଟ୍କାରେପେ, ଅଡ଼ାଃ ଗମ୍କେ କୁମ୍ବୁଡ଼ୁ ହିଜୁଃ ଦିପିଲିକେ ସାରିକାରେଦ ଏୟନାକାନ୍ ତାଇନ୍ତେୟାଃଏ ଆଡଃ ଆୟାଃ ଅଡ଼ାଃକେ ସିନ୍ଧି ତଡ଼ାଅକେଦ୍ତେ କାଏ ବଲରିକାକତେୟାଃ । ଏନା ନାଗେନ୍ତେ ଆପେୟ ସାପ୍ଡ଼ାଅକାନ୍ ତାଇନ୍ପେ, ଚିୟାଃଚି ଆପେ କାପେ ଉଡ଼ୁଃତାନ୍ ଦିପିଲିରେଗି ମାନୱାହନ୍ ହିଜୁଃଆଏ ।
ଆଡଃ ଆଇଙ୍ଗ୍ ଆଚୁକାଦ୍ ସବେନାଃ ମାନାତିଙ୍ଗ୍ ନାଗେନ୍ତେ ଇତୁକପେ ଆଡଃ ସାରିଜମେପେ, ଆଇଙ୍ଗ୍ ଅତେଦିଶୁମ୍ରେୟାଃ ଟୁଣ୍ଡୁ ଦିପିଲି ଜାକେଦ୍ ଆପେଲଃ ସବେନ୍ଇମ୍ତା ତାଇନାଇଙ୍ଗ୍ ।"
ୟୀଶୁଆଃ ହିଜୁଃ ଦିପିଲି ଜେତାଏ କାଏ ସାରିଆଃ
"ଏନ୍ ହୁଲାଙ୍ଗ୍ ଚାଏ ଏନ୍ ଦିପିଲି ଜେତାଏ କାକ ସାରିଆଃ, ସିର୍ମାରେନ୍ ଦୁଁତ୍କହ କା, ଆଇଙ୍ଗ୍ ପାର୍ମେଶ୍ୱାର୍ଆଃ ଦୁଲାଡ଼୍ ହନ୍ହ କା, ମେନ୍ଦ ଆଇଁୟାଃ ଆପୁ ଏସ୍କାର୍ଗି ସାରିଆଃଏ ।
Os últimos dias
Nos últimos dias virão tempos difíceis, homens amantes de si mesmos. Mas derramarei o meu Espírito sobre toda a carne.
ଟୁଣ୍ଡୁ ଦିପିଲି
ମେନ୍ଦ ନେୟାଁ ସାରିମେ, ଟୁଣ୍ଡୁ ହୁଲାଙ୍ଗ୍କରେ ପୁରାଃ ବରୱାନ୍ ଦିପିଲି ହିଜୁଃଆ । ଚିୟାଃଚି ହଡ଼କ ଆପ୍ନାଃ ନାଙ୍ଗ୍ ଏସ୍କାର୍ ଉଡ଼ୁଗାଃକ, ଟାକା ପାଏସାରାଃ ହାୟା, ଘାମାଣ୍ଡ୍, ହାଁକାର୍, ନିନ୍ଦା କାଜି, ଏଙ୍ଗା ଆପୁକେ କା ମାନାତିଙ୍ଗ୍, ମାଇନ୍ କା ଏମ୍, ସତ୍ରାକାନ୍କ, ଦୁଲାଡ଼୍ ବାନଃକ, ଦାୟା ବାନଃକ, ଏଟାଃନିୟାଃ ବିରୁଧ୍ରେ ନିନ୍ଦା କାଜିକ, ଆପାନ୍କେଗି ଥାବର୍ରେ କା ଦହ ଦାଡ଼ିକ, ପୁରାଃଗି ଢିଟ୍କ, ଇନ୍କୁ ବୁଗିନାଃତେୟାଃକ ହିଲାଙ୍ଗ୍ୟେଁଆ । ଇନ୍କୁ ବାଏମାନ୍କ, କା ଚେତ୍ଗାର୍କ ହବାଅଃଆ ଆଡଃ ପାର୍ମେଶ୍ୱାର୍କେ ଦୁଲାଡ଼୍ ବାଗିକେଦ୍ତେ ରିଜ୍ରାଙ୍ଗ୍ରେକ ତାଇନା । ଇନ୍କୁ ଧାରାମ୍ରେୟାଃ କାଜିକ ସାବେୟା, ମେନ୍ଦ ଧାରାମ୍ରେୟାଃ ସାର୍ତି ପେଡ଼େଃକେ କାକ ମାନାତିୟାଁଃ, ନେ ଲେକାନ୍ ହଡ଼କଏତେ ସାଙ୍ଗିନ୍ରେ ତାଇନ୍ମେ ।
"ପାର୍ମେଶ୍ୱାର୍ କାଜିତାନାଏ, ‘ତାୟମ୍ ହୁଲାଙ୍ଗ୍କରେ ଆଇଙ୍ଗ୍ ନେ ସବେନାଃ ରିକାଏୟାଇଙ୍ଗ୍,
ଆଇଙ୍ଗ୍ ସବେନ୍ ହଡ଼କ ଚେତାନ୍ରେ ଆଇଁୟାଃ ଆତ୍ମାକେଇଙ୍ଗ୍ ଦୁଲିୟା
ଆଡଃ ଆପେୟାଃ କଡ଼ାହନ୍ କୁଡ଼ିହନ୍କ ଆୟାର୍କାଜିକ କାଜିୟା,
ଆଡଃ ଆପେୟାଃ ସେପେଡ଼େଦ୍କ ଦାର୍ଶାନ୍କ ନେଲେୟା,
ଆଡଃ ଆପେୟାଃ ପ୍ରାଚିନ୍କ କୁମୁୟାଁ ।
ହେଗି, ଏନ୍ ହୁଲାଙ୍ଗ୍କରେ ଆଇଁୟାଃ ଦାସିକ ଆଡଃ କାମ୍ଡ଼ିକରେହଗି,
ଆଇଁୟାଃ ଆତ୍ମାକେଇଙ୍ଗ୍ ଦୁଲିୟା,
ଆଡଃ ଇନ୍କୁ ଆଇଁୟାଃ ଆୟାର୍କାଜିକ ଉଦୁବେୟା ।
ଆଇଙ୍ଗ୍ ଚେତାନ୍ ସିର୍ମାରେ ପେଡ଼େୟାନ୍ କାମିକ
ଆଡଃ ଅତେଦିଶୁମ୍ରେ ଆକ୍ଦାନ୍ଦାଅ ଚିହ୍ନାଁଁକଇଙ୍ଗ୍ ରିକାୟା ।
ଅତେଦିଶୁମ୍ ମାୟୋମ୍, ସେଙ୍ଗେଲ୍ ଆଡଃ ପୁରାଃ ସୁକୁଲ୍ତେ ପେରେଜଃଆ;
ପ୍ରାଭୁଆଃ ମାରାଙ୍ଗ୍ ଆଡଃ ମାନାରାଙ୍ଗ୍ ହୁଲାଙ୍ଗ୍ ହିଜୁଃ ସିଦାରେ
ସିଙ୍ଗି କୁଲ୍କୁଲ୍ ନୁବାଗଃଆ,
ଆଡଃ ଚାଣ୍ଡୁଃ ମାୟୋମ୍ ଲେକା ହବାଅଃଆ ।
ଆଡଃ ଏନ୍ ଦିପିଲିକରେ ଜେତାଏ ପ୍ରାଭୁଆଃ ନୁତୁମ୍ତେ ବିନ୍ତିୟାଏ, ଇନିଃ ଜୀଉ ବାଞ୍ଚାଅ ନାମେୟାଏ ।’
ଟୁଣ୍ଡୁ ଦିପିଲି
ଏନ୍ ଦିପିଲିରେ ଆମାଃ ହଡ଼କକେ ଦେଙ୍ଗାତାନ୍ ମାରାଙ୍ଗ୍ ଗମ୍କେ ମିଖାୟେଲ୍ ବିରିଦାଏ ଓଡ଼ୋଃ ହଡ଼କଆଃ ଜାନାମ୍ ହୁଲାଙ୍ଗ୍ଏତେ ନାହାଁଃ ଜାକେଦ୍ ଚିଉଲାଅ କା ହବାକାନ୍ ଲେକା ପୁରାଃ ମାରାଙ୍ଗ୍ ସାଙ୍କାଟ୍ ହିଜୁଃଆ। ମେନ୍ଦ ଏନ୍ ଦିପିଲିରେ ଆପେୟାଃ ହଡ଼କ ଥାଲାଏତେ ଅକନ୍କଆଃ ନୁତୁମ୍ ପୁଥିରେ ଅଲାକାନ୍ ତାଇନାଃ, ଇନ୍କୁ ସବେନ୍କ ବାଞ୍ଚାଅଃଆ। ଅତେଦିଶୁମ୍ରେୟାଃ ହାଁସାରେ ଅକ ପୁରାଃ ହଡ଼କ ଗୟାକାନା, ଇନ୍କୁ ବିରିଦାଃକ, ଚିମିନ୍କ ଜାନାଅ ଜୀଦାନ୍ ନାମେ ନାଗେନ୍ତେ ଓଡ଼ୋଃ ଚିମିନ୍କ ଜାନାଅ ଜାନାଅରେୟାଃ ଗିହୁଃ ଓଡ଼ୋଃ ଦୁକୁ ନାମେ ନାଗେନ୍ତେକ ବିରିଦାଃ। ଅକନ୍କ ସେଣାଁନ୍ତାନ୍କ, ଇନ୍କୁ ସିର୍ମାରେ ମାସ୍କାଲ୍ ଏମ୍ତାନ୍ ଲେକା ମାସ୍କାଲ୍ଗିକ ହବାଅଃଆ ଓଡ଼ୋଃ ଅକନ୍କ ପୁରାଃ ହଡ଼କକେ ଧାର୍ମାନ୍ ହରାରେ ସୁତୁଃ ଇଦିକଆକ, ଇନ୍କୁ ଇପିଲ୍ ଲେକା ଜାନାଅଗି ମାସ୍କାଲ୍ ଏମ୍ତାନ୍କ ହବାଅଃଆ।
Esperança e prontidão
O dia do Senhor virá como ladrão. Mas nós não somos das trevas — estejamos sóbrios, vigiliando e esperando.
ଆଲେ ନାହାଁଃ ଆପେକେ ଇତୁପେତାନ୍ତେୟାଃ ପ୍ରାଭୁଆଃ ଇନିତୁ ତାନାଃ । ଆବୁ ସବେନ୍କଏତେ ଅକନ୍କ ପ୍ରାଭୁଆଃ ହିନିଜୁଃ ଜାକେଦ୍ ଜୀହିଦ୍ଗିକ ତାଇନା, ଇନ୍କୁ ସିଦାରେ ଗଜାକାନ୍ ହଡ଼କତାଃଏତେ ଜେତାଲେକାତେ କାକ ଆୟାରଃଆ । ଚିୟାଃଚି ପ୍ରାଭୁଦ ଆଇଃକ୍ଗି ଆଚୁକେଦ୍ତେ ମାରାଙ୍ଗ୍ ଦୁଁତ୍କଆଃ ଲାବ୍ଜା ଆଡଃ ପାର୍ମେଶ୍ୱାର୍ଆଃ ବିଙ୍ଗୁଲ୍ ବାଜା ସାଡ଼ିତାନ୍ଲଃ ସିର୍ମାଏତେ ଆଡ଼୍ଗୁନାଃ ଆଡଃ ଖ୍ରୀଷ୍ଟ୍ତାଃରେ ବିଶ୍ୱାସ୍କେଦ୍ତେ ଗଜାକାନ୍କ ସିଦାକ ବିରିଦାଃ । ଏନ୍ତେ ଆବୁ ସବେନ୍କଏତେ ଅକନ୍କ ଜୀହିଦ୍ଗିବୁ ତାଇନା, ପ୍ରାଭୁଲଃ ନେପେଲ୍ ନାଗେନ୍ତେ ଆବୁକେ ଇଦିକେଦ୍ତେ ଇନ୍କୁଲଃ ମିସାତେ ରିମିଲ୍ ହୟରେ ହୁଣ୍ଡିବୁଆ । ଆଡଃ ଆବୁ ପ୍ରାଭୁଲଃ ସବେନ୍ ହୁଲାଙ୍ଗ୍ବୁ ତାଇନା । ଏନାମେନ୍ତେ ଆପେ ନେ ସବେନ୍ କାଜିତେଗି ମିହୁଡ଼୍ ଆଡଃମିହୁଡ଼୍କେ ଜୀଉରାଡ଼େଃ ଏମଃପେ ।
ଏନାମେନ୍ତେ ଆବୁ ଏଟାଃକ ଲେକା ଆଲକାବୁ ଦୁଡ଼ୁମ୍କା, ମେନ୍ଦ ଏୟନାକାନ୍ ଆଡଃ ଚିର୍ଗାଲାକାନ୍ବୁ ତାଇନ୍କା । ଚିୟାଃଚି ଦୁଡ଼ୁମ୍ତାନ୍କ ନିଦାରେକ ଦୁଡ଼ୁମାଃ, ଆଡଃ ଇଲିଆର୍ଖିରେ ବୁଲଃତାନ୍କ ନିଦାରେକ ବୁଲଃଆଃ । ମେନ୍ଦ ଆବୁ ସିଙ୍ଗିରେନ୍ ହଡ଼କ ହବାୟାନ୍ତେ, ମେଡ଼େଦ୍ରାଃ ତୁସିଙ୍ଗ୍ତେୟାଃ କୁଡ଼ାମ୍ରେ ତୁସିଙ୍ଗ୍କାନ୍ ଲେକା, ବିଶ୍ୱାସ୍ ଆଡଃ ଦୁଲାଡ଼୍ରେବୁ ତୁସିଙ୍ଗ୍କାନଃଆ । ଆଡଃ ବହଃରେ ଟୁପୁରି ତୁସିଙ୍ଗ୍କାନ୍ ଲେକା ଜୀଉବାଞ୍ଚାଅରେୟାଃ ଆସ୍ରାବୁ ତୁସିଙ୍ଗ୍କାନଃଆ । ଏନ୍ତେ ଆବୁ ଥାବର୍ରେବୁ ତାଇନ୍କା । ଚିୟାଃଚି ପାର୍ମେଶ୍ୱାର୍ ଆବୁକେ ଖିସ୍ ନାଗେନ୍ତେଦ କା ମେନ୍ଦ ଆବୁଆଃ ପ୍ରାଭୁ ୟୀଶୁ ଖ୍ରୀଷ୍ଟ୍ଆଃ ହରାତେ ଜୀଉବାଞ୍ଚାଅ ନାମେ ନାଗେନ୍ତେ ସାଲାକାଦ୍ବୁଆ ।
ଚିର୍ଗାଲାକାନ୍ପେ
"ଚିର୍ଗାଲାକାନ୍ପେ, କା’ରେଦ ନୁଁରେୟାଃ ବୁନୁଲ୍ତେ ଆଡଃ ନେ ଜୀଦାନ୍ରେୟାଃ ଉଡ଼ୁଃକେଦ୍ତେ ଆପେୟାଃ ମନ୍ ହାମ୍ବାଲଆଃ ଆଡଃ ଏନ୍ ହୁଲାଙ୍ଗ୍ ଆପେରେ ଆଚ୍କାତେ ଫାସ୍ରିଲେକା ହିଜୁଃଆ । ଏନାଦ ଏନ୍ ଫାଁସ୍ରି ଲେକାଗି ସବେନ୍ ଅତେରେନ୍କଆଃରେ ହିଜୁଃଆ । ଆପେ ନେ ସବେନ୍ ହିଜୁଃତେୟାଃକଏତେ ବାଞ୍ଚାଅ ଆଡଃ ମାନୱାହନ୍ଆଃ ଆୟାର୍ରେ ତିଙ୍ଗୁଃଦାଡ଼ିକାଲେ ମେନ୍ତେ ସବେନ୍ ଦିପିଲିରେ ଏୟନାକାନ୍ପେ ଆଡଃ ବିନ୍ତିପେ ।"
ମେନ୍ଦ ହେ ଦୁଲାଡ଼୍ ହାଗା ମିଶିକ, ମିଆଁଦ୍ କାଜି ଆଲ୍ପେ ରିଡ଼ିଙ୍ଗ୍ୟେଁଆ, ପାର୍ମେଶ୍ୱାର୍ଆଃ ଆୟାର୍ରେ ମୁସିଙ୍ଗ୍କେ, ମିଦ୍ ହାଜାର୍ ବାରାଷ୍ ମେନ୍ତେ ହିସାବଃଆ ଆଡଃ ମିଦ୍ ହାଜାର୍ ବାରାଷ୍କେ, ମୁସିଙ୍ଗ୍ ମେନ୍ତେ ହିସାବଃଆ । ନେ ବାରାନାଃ ସାମାନ୍ ତାନାଃ । ଚିମିନ୍ ହଡ଼କ ବିଲାମଃ ତାନାଃ ମେନ୍ତେକ ଉଡ଼ୁଃତାନ୍ ଲେକା, ପ୍ରାଭୁ ଆୟାଃ ବାନାର୍ସା କାଜିକେ ପୁରାଏ ନାଗେନ୍ତେ କାଏ ବିଲାମେ ତାନା, ମେନ୍ଦ ଜେତା ହଡ଼ ଆଲକାକ ଜିୟନଃକା ଆଡଃ ପାପ୍ହେତେ ମନ୍ ରୁହାଡ଼େକାକ ମେନ୍ତେ ଇନିୟାଃ ସାନାଙ୍ଗ୍ ।
ମେନ୍ଦ ପ୍ରାଭୁଆଃ ହିନିଜୁଃ ହୁଲାଙ୍ଗ୍ କୁମ୍ୱୁଡ଼ୁଲେକା ହିଜୁଃଆ । ଏନ୍ ହୁଲାଙ୍ଗ୍ ସିର୍ମାକ ପୁରାଃ ସାଡ଼ିତେ ଜିୟନଃଆ, ଆଡଃ ନେ ଅତେଦିଶୁମ୍ ଅକ୍ନାଃତେ ବାଇକାନା, ଏନ୍ ଏନେଟେଦ୍ ବିଷାଏକ ସବେନ୍ ସେଙ୍ଗେଲ୍ତେ ସେରଃଆ, ଅତେରେ ବାଇୟାକାନ୍ ସବେନାଃ ଜିୟନଃଆ । ନେ ସବେନାଃ ନେ’ଲେକା ଜିୟନଃରେଦ, ଆପେୟାଃ ଚିଲ୍କାନ୍ ଜୀୱାନ୍ ହବାଅଃ ଲାଗାତିଙ୍ଗ୍ୟାଁଃ, ଏନା କାଟିଃ ଉଡ଼ୁଃଲେପେ । ଆପେକେ ପାବିତାର୍ ଆଡଃ ପାର୍ମେଶ୍ୱାର୍ତାଃରେ ଜିମାକାନ୍ ଜୀୱାନ୍ ଲେକା ହବାଅଃ ଲାଗାତିଙ୍ଗ୍ୟାଁଃ । ଆପେ ପାର୍ମେଶ୍ୱାର୍ଆଃ ହିନିଜୁଃ ହୁଲାଙ୍ଗ୍କେ ନେଲ୍ ହରାତାନ୍ରେଦ, ଏନା ଜାଲ୍ଦି ହିଜୁଃ ନାଗେନ୍ତେ ସେକାଡ଼ାକାନ୍ପେ । ଏନ୍ ହୁଲାଙ୍ଗ୍ ସିର୍ମାରେୟାଃ ଏନେଟେଦ୍ ବିଷାଏ ସବେନ୍ ଜୁଲ୍କେଦ୍ତେ ଜିୟନଃଆ ଆଡଃ ସିର୍ମାରେନ୍ ଇପିଲ୍ ଚାଣ୍ଡୁଃ ପୁରାଃ ଜୁନୁଲ୍ରାଃ ଏଲାଙ୍ଗ୍ତେ ଲେୟାଙ୍ଗ୍ଅଁଃଆ । ମେନ୍ଦ ପାର୍ମେଶ୍ୱାର୍ ଆବୁକେ ଏମାକାଦ୍ବୁ ବାନାର୍ସା କାଜିଲେକାତେ, ମିଆଁଦ୍ ନାୱା ସିର୍ମା ଆଡଃ ନାୱା ଅତେବୁ ନେଲ୍ହରାତାନା, ଅକ୍ନାଃଚି ଧାର୍ମାନ୍କଆଃ ତାଇନଃ ଠାୟାଦ୍ ହବାଅଃଆ ।
ଆଇଙ୍ଗ୍ ଆପେକେ ମିଆଁଦ୍ ଉକୁଆକାନ୍ ସାର୍ତି କାଜିଙ୍ଗ୍ କାଜିପେତାନା, ଆବୁ ସବେନ୍ କାବୁ ଗଜଃଆ । ମେନ୍ଦ ଟୁଣ୍ଡୁ ବିଙ୍ଗୁଲ୍ବାଜା ସାଡ଼ିୟାନ୍ ଇମ୍ତାଲଃଗି ବାଦ୍ଲାୱାଃବୁ । ନେଆଁଁ ଇମ୍ତାଗି ମେଦ୍ ରାପିଦଃଲେକା ହବାଅଃଆ । ବିଙ୍ଗୁଲ୍ ବାଜା ସାଡ଼ି ଇମ୍ତା ଗଜାକାନ୍ ବିଶ୍ୱାସୀକ କା ଜିୟନଃ ନାଗେନ୍ତେକ ବିରିଦା, ଆଡଃ ଆବୁ ସବେନ୍କ ବାଦ୍ଲାୱାଃବୁ ।
ମିଆଦ୍ ନାୱା ବାବାଇ
ନେଲେପେ, ଆଇଙ୍ଗ୍ ନାୱା ସିର୍ମାରେୟାଃ ସବେନାଃକେ ଓଡ଼ୋଃ ଅତେକେ ବାଇୟା। ଓଡ଼ୋଃ ସିଦା ଦିପିଲିରେୟାଃ ବିଷାଏକ କା ପାହାମ୍ ରିକାନାଃ ଚାଏ ମନ୍ସୁରୁଦ୍ରେ ପାହାମ୍ କା ହିଜୁଆଃ। ମେନ୍ଦ ଆଇଙ୍ଗ୍ ଅକ ସବେନାଃ ବାଇୟାଇଙ୍ଗ୍, ଏନାରେ ଆପେ ଜାନାଅଗି ଲାନ୍ଦା ଓଡ଼ୋଃ ରାସ୍କା ରିକାଏପେ। ଚିୟାଃଚି ନେଲେପେ, ଆଇଙ୍ଗ୍ ଯୀରୁଶାଲେମ୍କେ ପୁରାଃ ରାସ୍କାତେ ପେରେଜେୟା ଓଡ଼ୋଃ ଏନାରେନ୍ ହଡ଼କକେ ଲାନ୍ଦାତାନ୍ ହଡ଼କ ଲେକା ବାଇକଆ। ଯୀରୁଶାଲେମ୍ ନାଗେନ୍ତେ ଆଇଙ୍ଗ୍ ପୁରାଃ ରାସ୍କା କାନା ଓଡ଼ୋଃ ଆଇଁୟାଃ ହଡ଼କ ନାଗେନ୍ତେ ରାସ୍କା ରିକାୟା। ଓଡ଼ୋଃ ଏନାରାଃ ଥାଲାରେ ଜେତାନ୍ ରାନାଃ ଚାଏ ଏୟମ୍ ରେୟାଃ ସାଡ଼ି କା ଆୟୁମଃଆ।
ନାୱା ସିର୍ମା ଆଡଃ ନାୱା ଅତେ
ଏନ୍ତେ ଟୁଣ୍ଡୁରେ ଆଇଙ୍ଗ୍ ନାୱା ସିର୍ମା ଆଡଃ ନାୱା ଅତେ ନେଲ୍କେଦାଇଙ୍ଗ୍ । ପାହିଲାରେୟାଃ ଅତେ, ସିର୍ମା ଆଡଃ ଦରେୟା କା ନେଲଃୟାନା । ଏନ୍ତେ ଆଇଙ୍ଗ୍ ସିର୍ମାରେନ୍ ପାର୍ମେଶ୍ୱାର୍ତାଃଏତେ ପାବିତାର୍ ନାଗାର୍ ଲାତାର୍ତେ ଆଡ଼୍ଗୁଃତାନ୍ ନେଲ୍କେଦାଇଙ୍ଗ୍ । ନେ ପାବିତାର୍ ନାଗାର୍ଗି ନାୱା ଯୀରୁଶାଲେମ୍ ତାନାଃ । କଡ଼ା ନାଗେନ୍ତେ କୁଡ଼ି ଜେ’ଲେକା ସିଙ୍ଗ୍ରାଅକାନ୍ଗି ତାଇନାଃ, ଏନ୍ଲେକାଗି ନେଆଁ ସାପ୍ଡ଼ାଅକାନ୍ ତାଇକେନା । ଆଡଃ ସିର୍ମାରେୟାଃ ରାଜ୍ଗାଦିଏତେ ମିଆଁଦ୍ ଲାବ୍ଜା ଆୟୁମ୍କେଦାଇଙ୍ଗ୍, "ନାହାଃଁଦ ପାର୍ମେଶ୍ୱାର୍ଆଃ ତାଇନଃ ଠାୟାଦ୍ ହଡ଼କ ଥାଲାରେ ମେନାଃ, ଇନିଃ ଇନ୍କୁଆଃ ଥାଲାରେ ତାଇନା ଆଡଃ ଇନ୍କୁ ଆୟାଃ ହଡ଼କ ହବାଅଆଃକ । ପାର୍ମେଶ୍ୱାର୍ ଇନ୍କୁଲଃ ତାଇନାଏ ଆଡଃ ଇନ୍କୁଆଃ ପାର୍ମେଶ୍ୱାର୍ ହବାଅଆଃଏ । ଇନିଃ ଇନ୍କୁଆଃ ମେଦ୍ ଦାଆଃ ଜଦେୟାଏ । ଗନଏଃ, ଏୟମ୍, ରାନାଃ, ଆଡଃ ହାସୁ ଜେତ୍ନାଃ କା ହବାଅଃଆ । ସବେନ୍ ମାରିତେୟାଃକ କା ନେଲଃତାନା ।"