Sinais do fim dos tempos
A Bíblia descreve sinais que precederão a volta de Jesus. Guerras, falsos mestres, sinais cósmicos e a pregação do evangelho a todas as nações — tudo aponta para o fim dos tempos.
Sinais proféticos
Este evangelho do Reino será pregado em todo o mundo e então virá o fim. Os sinais dos últimos tempos já se manifestam.
ಅಕ್ಲುಜ಼ ನೈಸೊ ಪರಲೊಕ ರಾಜ್ಯನಿ ಎ ಸುವಾರ್ತೆ ಕ್ಹಾರಿಜ಼ ದುನಿಯಾಮಾ ಕ್ಹಾರಾ ಮನಕ್ಹೊನೆ ಸಾಕ್ಷಿನಾಹುತಿ ಫೈಲಾವಸ; ತೆಳಾಮಾ ಅಂತ್ಯಕಾಲ ಆವಸ.
ತೆ ತ್ರಾಸನಾ ದಿನೊ ಮುಗ್ದಲ್ಪರ ಸುರ್ಯೊ ಅಂದಾರು ಥಾವಸ, ಚ಼ಂದಪ್ಪಾ ಉಜಾಲು ದಿದ್ಯಾವಾಚಿ ರ್ಹವಸ, ಚಿಕ್ಕಿಯೊ ಹಬಾಳಮಾತಿಯೊ ಪಡಸ, ಹಬಾಳಮಾ ರ್ಹಯಲ ತಾಕತೊ ಹಲ್ಲಸ.
ತೆಳಾಮಾ ಮನಕ್ಹೊನೊ ದಿಕ್ರೊ ಕದಲ ವಳಕ ಹಬಾಳಮಾ ದಿಕ್ಹಿನ ಆವಸ. ತೆಳಾಮಾ ಭುಲೊಕ್ಪರ ರ್ಹಯಲ ಕ್ಹಾರಾ ಮನಕ್ಹೊ ಛಾತಿ ಬಡೈಲಿವಸ, ವರಿ ಮನಕ್ಹನೊ ದಿಕ್ರೊ ತಿನಿ ತಾಕತಕ್ಹು, ಘನ್ನಿ ಮಹಿಮಾಕ್ಹು ಹಬಾಳನಾ ಮ್ಹಾಡಪರ ಆವಾನು ದಿಕ್ಹಸ.
ತೆ ತಿನಾ ದುತೊನೆ ಪೊಂಗಾವೊನಿ ಮ್ಹೊಟಿ ಅವಾಜ಼ನಾ ಕ್ಹಾತೆ ಮೊಕ್ಲಸ. ತ್ಯುನೆ ತೆ ಇನಿಲಿದಲವಾಲಾವೊನೆ ಹಬಾಳನಾ ಯಕ್ಕ ಬಗಲ್ತೊ ಚಾ಼ರೆ ದಿಕ್ಕ ಲಕ್ಕಾ ಮಳಾವಸ.
ಇಮ್ಮ ರ್ಹತಾಮಾ ಕರ್ತಾ ಆವಾನೊ ದಿನ್ನ ನೈ ಗ್ವತ್ತ ರ್ಹಯಲಕ್ಹು ಹುಶಾರಮಾ ರ್ಹವೊ. ಚ಼್ವಟ್ಟೊ ಕೆಳಾಮಾ ಆವಸ ಕವಾನು ಗ್ವತ್ತ ರ್ಹವತ್ತೊ ತೆ ತಿನಾ ಘರಮಾ ಚೊ಼ರಿ ಕರಾನೆ ಆವಾಲಾನೆ ಕೈತ್ತೊ ರ್ಹತೊತೊ ಕೈನ ತಿಳ್ದಿಲಿವೊ.
ತಿನಾಹುತಿ ತುಮೆಬಿ ತಯ್ಯಾರ ರ್ಹವೊ; ತುಮೆ ವಿಚಾರಬಿ ಕರಲ ರ್ಹತಾ ನೈ ತೆವಾ ಟೈಮಮಾ ಮನಕ್ಹೊನೊ ದಿಕ್ರೊ ಆವಸ.
ಮಿ ತುಮೊನೆ ಆಗನ್ಯಾ ದಿದ್ಯಲ ಕ್ಹಾರಾವೊನೆ ವಿದೆಲ ಥಾಯೆಲಿಂಗತ ಮನಕ್ಹೊನೆ ಉಪದೆಶ ಕರೊ, ಜಗತ್ತನು ಅಂತ್ಯ ಥಯೆಲಕ್ಕಾ ಹಮೆಶಾಬಿ ಮಿ ತುಮಾರಾ ಕ್ಹಾತೆ ರ್ಹೌಸ" ಕೈನ ಕದ್ಯೊ.
ತೆ ದಿನೊನಾ ಹುತಿ ವರಿ ತೆ ಟೈಮನಾ ಹುತಿ ಕೆಳಾಮಾ ಆವಸ ಕೈನ ಸ್ವರ್ಗಲೊಕಮಾ ರ್ಹಯಲ ದುತೊನೆಬಿ ಗೊತ್ತನತ್ತಿ ದಿಕ್ರಾನೆಬಿ ಗೊತ್ತನತ್ತಿ ಮಾರಾ ಬಾನೆ ಯಕ್ಕಜ಼ ಗ್ವತ್ತ ಛೆ.
Os últimos dias
Nos últimos dias virão tempos difíceis, homens amantes de si mesmos. Mas derramarei o meu Espírito sobre toda a carne.
ಶೆಮಾ ಮ್ಹೆಲಿಲಿವೊ! ಲಾಸ್ಟನಾ ದಿನೊಮಾ ಘನ್ನಾ ಕೆಟ್ಟ ದಿನೊ ಆವಸ. ತೆ ಟೈಮಮಾ ಮನಕ್ಹೊ ಸ್ವಾರಥಿಯೊ ಥಾವಸ, ದೊಕಡಾನಿ ಆಸ ರ್ಹಯಲವಾಲಾ ರ್ಹವಸ; ಖುದ್ದನಿ ತಾರಿಫ ಕರಿಲಿವಾಲಾ; ಸಿಟ್ಟ ರ್ಹಯಲವಾಲಾ; ಚಾಡಿಯೊ ಕವಾಲಾ ರ್ಹವಸ; ಮಾ ಬಾಪ್ನಿ ವಾತ ನೈ ಐಕಾಲಾ; ಮರಗಾ ನೈಸೊವಾಲಾ ರ್ಹವಸ; ಪವಿತ್ರ ನೈ ರ್ಹಯಲವಾಲಾ ರ್ಹವಸ;
ಬಿಜಾ಼ವೊನೆ ಮಯಾ ನೈ ಕರಾಲಾ ರ್ಹವಸ; ಮಾಫ ನೈ ಕರಾಲಾ ರ್ಹವಸ; ದೊಶ ಕರಾಲಾ ರ್ಹವಸ. ತ್ಯುನಾ ಉಪ್ಪರ ತ್ಯುನೊನೆ ಬರಕ್ಹೊ ನೈಸೊವಾಲಾ ರ್ಹವಸ; ಚೊ಼ಕು ರ್ಹಯಲನೆ ನೈ ಶೆರಾಲಾ ರ್ಹವಸ; ಅಹಂಕಾರಿಯೊ ರ್ಹವಸ. ಲಾಸ್ಟನಾ ದಿನೊಮಾ ಮನಕ್ಹೊ ದೊಸ್ತೊನೆ ಮೊಸ ಕರಾಲಾ ರ್ಹವಸ; ದುಡಕಿನ ಪಿಸಾಳಾವೊಲಿಂಗತ ಕಾಮೊ ಕರಾಲಾ ರ್ಹವಸ; ಅಹಂಕಾರಕ್ಹು ಫುಗ್ಗಾಲಾ ರ್ಹವಸ; ಕ್ಹುದಾನೆ ಮಯಾ ಕರ್ಯಾವಾಚಿ ವ್ಯಭಿಚಾರನೆ ಮಯಾ ಕರಾಲಾ ರ್ಹವಸ;
ತೆ ಮನಕ್ಹೊ ತ್ಯುನೆ ಕ್ಹುದಾನಿ ಸೆವಾ ಕರಾಲಾ ವ್ಹೈ ಕೈನ ನಾಟಕ ಕರತಾ ರ್ಹವಸ. ತೆನೈಸೊ ತ್ಯುನೆ ಕ್ಹರಿಮಾಜ಼ ತಿನಿ ಕ್ಹರಿನಿ ತಾಕತನೆ ಇನ್ಕಾರ್ಯಾಸ. ತು, ತ್ಯವಾ ಮನಕ್ಹೊಕ್ಹು ದುರ ರ್ಹೆ.
ಕ್ಹುದಾ ಅಮ್ಮ ಕವಸ; ಲಾಸ್ಟನಾ ದಿನೊಮಾ ಮಾರಿ ಆತ್ಮಾ ಖಾರಾವೊಪರ ಆವಸ
ತೆನೈಸೊ ತುಮಾರಾ ಕ್ಹಾತೆ ರ್ಹಯಲ
ದಾಣ್ಗಾ ವರಿ ಬಾಕ್ಡಿಯೊ ಪ್ರವಾದನೆ ಕರಸ ವರಿ ಜಾಂಜಿಮಾನೊನೆ ದರ್ಶನ ಥಾವಸ ತುಮಾರಾ ಮ್ಹೊಟಾ ಮನಕ್ಹೊನೆ ಕ್ಹಪನೊ ಪಡಸ
ತೆನೈಸೊ ತೆ ದಿನೊಮಾ ಮಿ ಮಾರಾ ದಾಸ ದಾಸಿಯೊನಾ ಉಪ್ಪರ ಮಾರಿ ಆತ್ಮಾ ಘಾಲುಸ. ತ್ಯುನೆ ಪ್ರವಾದನೆ ಕರಸ.
ಮಿ ಹಬಾಳಪರ ಅದ್ಭುತ ಕಾಮೊ ಕರಿನ ದೆಕಾಡುಸ, ಜಿಮಿನಪರ ಮ್ಹೊಟಾ ಕಾಮೊ ದೆಕೊಶಿ, ರಗತ ಆಗನು ವಾಪನಿಂಗತ ಧವಾಂಡೊ ದೆಕೊಸಿ
ಸುರ್ಯೊ ಅಂದಾರೊ ಥಾವಸ,ಚಂದಪ್ಪಾ ರಗತನಾ ರಂಗನೊ ಥಾವಸ
ತೆನೈಸೊ ಕರ್ತಾನು ನಾಮ ಕೈಲಿವಾಲಾವೊನೆ ರಕ್ಷಣೆ ಥಾವಸ.
ತಾರಾ ಮನಕ್ಹೊನೊ ಪಕ್ಷ ಧರಿಲಿದಲ ಮಹಾಪಾಲಕ ಥಯಲ ಮಿಕಾಯೆಲ ತೆ ಕಾಲಮಾ ಉಟಸ ಪೈಲಾತಿ ಪೈಲಾ ಜನಾಂಗ ಹುಟ್ಟಲ ದಿನತಾಬಿ ತಯಾಲಕ್ಕಾ ಥಾವಾನಿ ತ್ರಾಸ ಥಾವಸ; ತೆಳಾಮಾ ತಾರಾ ಮನಕ್ಹೊಮಾ ಕಯಾ ನಾಮೊ ಸುರಳಿಮಾ ರ್ಹವಸತೊ ತ್ಯುನೆ ಕ್ಹಾರಾಜ಼ ವಾಚ಼ಸ. ಧುಳನಿ ಜಿಮಿನ್ಮಾ ಘನ್ನಿ ನಿಂದರ ಕರಾಲಾವೊಮಾ ಘನ್ನಾ ಜ಼ನಾ ಉಟಿನ ದಕ್ಹಾಜ಼ನಾ ಹಮೆಶಾನೊ ಜ಼ಲಮ ಹೊಂದಿನ ದಕ್ಹಾಜ಼ನಾ ಹಮೆಶಾ ಠುಕ್ರಾವಾನು ಅನುಭವಿಸಸ. ಗ್ಯಾನಿಯೊ ಘನ್ನು ಉಜಾಲು ರ್ಹಯಲ ಹಬಾಳನಿಂಗತ ಮಿಂಚ಼ಸ ಘನಾ ಜ಼ನಾವೊನೆ ನಿತಿವಂತವಾಲಾ ಕರಸ. ಹಮೆಶಾಬಿ ಚಿಕ್ಕಿಯೊನಾ ನಿಂಗತ ಮಿಂಚ಼ಸ.
Esperança e prontidão
O dia do Senhor virá como ladrão. Mas nós não somos das trevas — estejamos sóbrios, vigiliando e esperando.
ಹಮ್ನಾ ಹಮೆ ತುಮೊನೆ ಕವಾನು ಪ್ರಭುನು ಸಂದೆಶಜ಼ ವ್ಹೈ. ಪ್ರಭು ವರಿ ಆತಾಮಾ ಹಮ್ನಾ ಜಿವ್ತಾ ರ್ಹಯಲವಾಲಾ ಅಪೆ ಹಜು಼ನಬಿ ಜಿವ್ತಾ ರ್ಹಯಾಮ ಅಪೆ ಪ್ರಭುನಾ ಕ್ಹಾತೆ ರ್ಹಯೆಸ. ವರಿಬಿ ಪೈಲಾ ಮರಲವಾಲಾವೊತಿಬಿ ಅಪೆ ಪಾಚಾ಼ ರ್ಹಯೆಸ. ಕ್ಹುದಾ ಸ್ವರಗತೊ ಉತ್ರಿನ ಆವಸ. ಖಾಸ ದೆವದುತ ಕ್ಹುದಾನಿ ತುತ್ತುರಿನಾ ಕ್ಹಾತೆ ಆಗನ್ಯಾ ಕರಸ. ತೆಳಾಮಾಜ಼ ಕ್ರಿಸ್ತಮಾ ರ್ಹೈನ ಮರಲವಾಲಾ ಪೈಲಾ ಉಟಿನ ಆವಸ. ಪಾಚಾ಼ತಾ, ಜಿವ್ತಾ ರ್ಹಯಲವಾಲಾ ಅಪೆ ಮರಲ ವಾಲಾವೊನಾ ಕ್ಹಾತೆ ಯಕ್ಕ ಥೈನ ರ್ಹಯೆಸ. ಪ್ರಭುನೆ ಮ್ಹಾಡಮಾ ತಿನಾ ಕ್ಹಾಮಾ ರ್ಹವಾನೆ ಅಪೊನೆ ಮೆಘಮಾ ಉಚೈಲಿಂಜಾ಼ವಸ. ಇಮ್ಮ ಅಪೆ ಹಮೆಶಾಬಿ ಪ್ರಭುನಾ ಕ್ಹಾತೆ ರ್ಹಯೆಸ. ತಿನಾಹುತಿ ಎ ವಾತೊಕ್ಹು ಯಕ್ಲಾನೆ ಯಕ್ಲೊ ಪ್ರೊತ್ಸಾಹ ಕರೊ.
ತಿನಾಹುತಿ. ನಿಂದರ ಕರಾಲಾ ಮನಕ್ಹೊ ರಾತ್ಮಾ ನಿಂದರ ಕರಸ. ದಾರು ಪಿನ ನಿಷಾ ಕರಾಲಾ ರಾತ್ಮಾ ನಿಷಾಮಾ ರ್ಹವಸ. ತಿನಾಹುತಿ ಕ್ಹಾರಾ ತೆನೈಸೊ ಅಪೆ ದಿನ್ಮಾ ರ್ಹಯವಾಲಾ ಹುತಿ ಅಪೊನೆ ಹತೊಟಿಮಾ ಮುಕ್ಕಿ ಲಿದೆಲ ರ್ಹೌ. ಅಪ್ನಾಕ್ಹು ಅಪ್ನೊನೆ ವಚಾ಼ಡಿಲಿವಾನೆ ಮಯಾ ಬರೊಕ್ಹೊ ಮ್ಹೆಲ್ಲಿದಲ ರ್ಹೌ. ರಕ್ಷಣೆನೆ ಆಸ ಅಪೊನೆ ಕಿರಿಟ ನಿಂಗತ ರ್ಹೌ. ಕ್ಹುದಾ ಅಪೊನೆ ಇನಿಲಿದಲ ತಿನಿ ಶಿಟ್ಟನೆ ಗುರಿ ಥೌ ಕೈನ ನ್ಹವೈ. ಪ್ರಭು ಥಯಲ ಯೆಸು ಕ್ರಿಸ್ತನಾ ಮುಲಕ ಅಪೊನೆ ರಕ್ಷಣೆ ಥೌ ಕೈನ ಕ್ಹುದಾ ಅಪೊನೆ ಇನಿಲಿದ್ಯೊ.
"ತುಮೆ ಹುಶಾರ ರ್ಹವೊ! ಖಾವಾಮಾ ಪಿನ ನಶಾಮಾ ದುನಿಯಾನಿ ಚಿಂತಾಮಾ ಡುಬಿಜಾ಼ವೊನಕೊ ತುಮೆ ತುಮಾರು ಮನಸ ಘಟ್ಟ ಕರಲಿದಲ ಟೈಮಾಜ಼ ಲಾಸ್ಟನೊ ದಿನ್ನ ಭೆಗಿನ ಐ ಜಾ಼ವಸ. ತೆ ದಿನ್ನ ಜಿಮಿನಪರ ರ್ಹಯಲ ಮನಕ್ಹೊನೆ ಘಾಬ್ರೊ ಕರಿ ಪಾಡ್ಸ. ತಿನಾ ಹುತಿ ಕ್ಹಾರಾಜ಼ ಟೈಮ್ಮಾ ತಯ್ಯಾರ ಥೈನ ರಹೊ. ಹಮ್ನಾ ಥಾವಾನಿ ವಿಚಾರೊಕ್ಹು ವಾಚಿನ ವರಿ ಮನಕ್ಹನಾ ದಿಕ್ರಾನಾ ಕ್ಹಾಮಾ ಹುಬ್ರವಾನೆ ತಯ್ಯಾರ ರಹೊ. ವರಿ ಪ್ರಾಥನಾ ಕರೊ.
ತೆನೈಸೊ ಮಯಾನಾ ಭಾಯೊ, ಆಂ ಯಕ್ಕ ತುಮೆ ಇಕ್ಹರೊ ನಕೊ. ಪ್ರಭುನೆ ಯಕ್ಕ ದಿನ್ನಬಿ ಹಜಾ಼ರ ವರಕ್ಹ ರ್ಹಯಲನಿಂಗತ ವ್ಹೈ ವರಿ ಹಜಾ಼ರ ವರಕ್ಹು ಯಕ್ಕದಿನ್ನ ರ್ಹಯಲ ನಿಂಗತ ವ್ಹೈ. ದಕ್ಹಾ ಮನಕ್ಹೊ ತಿಳ್ದಲ ತಿಮ್ಮ, ಪ್ರಭು ತೆ ವಾತ ದಿದಲ ತಿಮ್ಮ ಕರಾನು ತಡಾಕರಿನ ಪುರಾ ಕರತೊ ನೈ. ಕ್ಹುದಾ ತುಮಾರಾಹುತಿ ತಡ್ದಿಲಿನೆ ಛೆ ಕಯುಜ಼ ಮನಕ್ಹ ಜ಼ವೈಜೌನೈ ಕೈನ ಕ್ಹುದಾನು ಮನಸ ಛೆ. ಹರಿ ಯಕ್ಲೊ ತಿನು ಮನಸ ಬದ್ಲಿಕರಲಿನ, ಪಾಪ ಕರಾನು ಹುಬ್ರಾಡಿಪಾಡು ಕೈನ ಕ್ಹುದಾನಿ ಆಸ ಛೆ.
ತೆನೈಸೊ ಕ್ಹುದಾ ದಿಕ್ಹಾನೊ ಟೈಮ ಚ್ವಟ್ಟೊ ಕಿಮ್ಮ ಆವಸ ತಿಮ್ಮ ಆವಸ. ಹಬಾಳಮಾ ಮ್ಹೊಟಿ ಅವಾಜ಼ಕ್ಹು ಮಾಯಾ ಥಯಲನಿಂಗತ ಹಬಾಳಮಾ ರ್ಹಯಲ ಕ್ಹಾರಿ ಸೃಶ್ಟಿಯೊ ಆಗಕ್ಹು ಹಾಳ ಥೈ ಜಾ಼ವಸ. ಆಂ ಜಗತ ವರಿ ತಿಮಾ ರ್ಹಯಲ ಕ್ಹಾರುಜ಼ ಆಗಕ್ಹು ಹಾಳ ಥೈಜಾ಼ವಸ. ಮಿ ತುಮೊನೆ ಕದಲ ತಿಮ್ಮ ತರಿಕಾಕ್ಹು ಕ್ಹಾರು ಹಾಳ ಥೈಜಾ಼ವಸ. ತಿನಾಹುತಿ ತುಮೆ ಕೆವಾ ಮನಕ್ಹೊ ಥೌ? ತುಮೆ ಪರಿಶುದ್ಧ ಥೈನ ರ್ಹೌ ವರಿ ಭಕ್ತಿವಾಲಾ ರ್ಹೌ. ತುಮೆ ಕ್ಹುದಾ ಆವಾನೊ ದಿನ್ನ ದೆಕ್ತಾ ರ್ಹೌ. ತೆ ದಿನ್ನ ಆತಾಮಾ, ಹಬಾಳ ಆಗಕ್ಹು ಹಾಳ ಥೈ ಜಾ಼ವಸ. ವರಿ ಹಬಾಳಮಾ ರ್ಹಯಲ ಕ್ಹಾರುಜ಼ ಆಗಕ್ಹು ಬಳಿನ ಕರಗೈ ಜಾ಼ವಸ. ಅಪೆತೊ ಕ್ಹುದಾ ವಾತದಿದಲ ಹಬಾಳ ವರಿ ಜಿಮಿನ ದೆಕಾಡಾಸ. ಕ್ಹರಿಬಿ ನಿತಿ ತಿಮಾ ಛೆ.
ದೆಕೊ! ಯೆಳಕ್ಕಾ ದಡಿ ರ್ಹಯಲ ಸಂಗತಿ ಮಿ ತುಮೊನೆ ಕೌಸ, ಅಪೆ ಕ್ಹಾರಾ ಮರ್ತಾ ನೈ, ಬದಲಾವಣೆ ಥೈಯೆಸ. ಲಾಸ್ಟ ತುತ್ತುರಿನು ಆವಾಜ಼ ಡುಬ್ತಾಮಾ, ದಕ್ಹಿ ಯೆಳಮಾ, ಡೊಳಾ ಝಾಕೆ ಲಕ್ಕಾ ಬದಲಾವಣೆ ಅಪೆ ಕ್ಹಾರಾ ಥೈಯೆಸ. ಹೊ, ತುತ್ತುರಿ ಮೊಳಗಿ ಮರಲವಾಲಾ ನಿರ್ಣಯ ಥೈನ ಉಟಸ, ಅಪೆ ರುಪಾಂತರ ಥಯೆಸ.
ತೆ ಥಯಲ್ಪರ ನೌ ಸ್ವರಗಲೊಕ ವರಿ ನೈ ಜಿಮಿನ ಮಿ ದೆಕ್ಯೊ. ಪೈಲಾನು ಸ್ವರಗಲೊಕ ವರಿ ಪೈಲಾನಿ ಜಿಮಿನ ದಡಿ ರ್ಹೈ ಗಯುತು ತ್ಯಾ ಸಮುಂದರ ನ್ಹೊತು. ಪರಿಶುದ್ಧ ಗಾಮ ಸ್ವರಗತು ಕ್ಹುದಾಕಂತು ಉತ್ರಿನ ಅವಾನು ಮಿ ದೆಕ್ಯೊ. ತೆ ಪರಿಶುದ್ಧ ಗಾಮಜ಼ ನೌ ಯೆರುಸೆಲೆಮ ವ್ಹೈ. ನೌರಿ ತಿನಿ ನೌರಾನಾ ಹುತಿ ತೆ ತಯ್ಯಾರ ಥಯಲ ಲಿಂಗತ ತಿನೆ ತಯ್ಯಾರ ಕರ್ಯಾತಾ.
ಸಿಂಹಾಸನಕಂತು ಯಕ್ಕ ಝೊರ ಅವಾಜ಼ ಮಿ ಐಕ್ಯೊ. ತೆ ಅವಾಜ಼ ಕ್ಹುದಾನು ಘರ ಮನಕ್ಹೊನಾ ಕ್ಹಾತೆ ಛೆ. ತೆ ತ್ಯುನಾ ಕ್ಹಾತೆ ರ್ಹವಸ. ತ್ಯುನೆ ತಿನಾ ಥೈನ ರ್ಹವಸ. ಕ್ಹುದಾಜ಼ ತ್ಯುನಾ ಕ್ಹಾತೆ ರ್ಹವಸ. ವರಿ ತ್ಯುನೊ ಕ್ಹುದಾ ಥೈನ ರ್ಹವಸ. ಕ್ಹುದಾ ತ್ಯುನಾ ಡೊಳಾಮಾನು ಪಾನಿ ನುಚ್ಚಿ ಪಾಡಸ. ತ್ಯಾ ಮರಣ ಕವಾನುಜ಼ ರ್ಹತು ನೈ, ದುಖ ರ್ಹತು ನೈ, ರವಾನು ರ್ಹತು ನೈ ವರಿ ಜುನ್ನಿಯೊ ವಾಟೊಜ಼ ಗೈಪಡಿಯೊ "ಕೈನ ಕದ್ಯು.