Fofoca

28 Girdi’ ni kireb e yad ma nonnon i yan; yad ma k’aring e oloboch ma yad ma wereg e pi tafger.

9 Rayag ni nge kireb nigem e thin rok e girdi’ ni denang Got, machane gonop ko pi’in mat’aw e rayag ni aywegem.

13 Dariy be’ nib ta’ gun’gun’ nrayag ni nge pagan’uy ngak u ban’en nib mith, machane be’ nib yul’yul’ e ra pagan’uy ngaki.

18 Cha’ nma mithag e fananikan rok e ba fel’fel’ l’ugun. Ma en ni be fekthin ngi i yog i yan e bbalyang.

29 Dab umogned e thin nib kireb ku be’. Kemus ni thin nra ayuweg be’ e ngu u mogned, ni fa mit nem e thin nma fonownag e girdi’ me yib fan ngorad, fan e tin ni ngmogned e nge rin’ e tin ni bfel’ ban’en ngak e pi’in kar motoyilgad ngomed.

2 Pi’in yad ma folwok rok Got u fithik’ urngin ban’en,

ma gubin ngiyal’ ni yad ma rin’ e tin ni bfel’,

ma thin ni yul’yul’ e yad ma yog,

3 ma darir t’ared e thin nga daken e girdi’.

Pichaney e darir rin’ed ban’en ni ba kireb ko pi fager rorad,

ma darir thibthib niged e pi’in yad bbuguliyoror.

11 "Ngam felan’gad ko ngiyal’ nra yog e girdi’ e thin nib tagan ngomed miyad ngongliy e tin nib kireb ngomed ma yad be tunguy urngin mit e thin nib kireb nib togopluw ngomed ni bochan e gimed girdi’eg.