9 Bale, tshə pâ kə əmə ə pa: «Ə̂rɔ̂tə̂ əmə lï də əbə gâ ye. Mbrə ə̂në awlra nə̂ əmə sə kə mbrə ərə alɔ ə̂në əzü sə sə də awlra ne kɔ.» Rəkɔ, mə sə kə da əkro əmə kʉ mbrə tə̂ ə̂në mə mɔ ə mɔ kɔ, kanika awlra nə̂ Kristə nə sə gâ pâ əmə.

10 Âdârə ə̂në tshelə əmə mɔ ə mɔ mbrə tə̂ ə̂në mə gbɔ gbɔ ne kɔ, lə aə̂gû ə̂në azü ə gu əmə də nə kɔ, lə əyo ə̂në ə mbrə əmə kɔ, lə əyo ə̂në azü ə gi tə̂ əmə kɔ, lə aəmbrʉ aərə ə̂në ə wutu gâ tə̂ əmə mbrə Kristə nə kɔ kə sə̂. Mbrə ə̂në, alɔ ə̂në mə mɔ ə mɔ kɔ də̂ mə sə kə sə də awlra.

7 Mbrə ə̂në ə də̂ Yîrə̂ awa də̂ Ndjapä nə zâ kə əzə̂ kɔ ne, bale Yîrə̂ awlra, də ənə̂ əpʉ kə yi tə̂ gâ ndə ənə̂ kə wusə̂ kə ru tshelə tə̂ ərə də̂ tshə zâ kə əzə̂ kɔ.

13 Mə lï də ərə nɔ̂ lə ətshə nə ə̂në tshə gbɔgbɔ əmə kɔ.

7 E kö aəpʉ aərə ə̂në ə lʉ e tə̂ lɔsu e kɔ nɔ̂ ə ko gâ lə kəna ye, mbrə ə̂në tshə sə kə ga ndə e.*

28 «E nä gâ tə̂ əmə, e-e ə̂në e mɔ̂ gâ ye â aərə sə kə lʉ e kɔ, mə sə kə za äwä kə e ndə kə pa e wu tə̂ e.

26 Äwä bale ndje, Âgbɔ̂ Yîrə̂ ndje sə kə na ə tɨ əzə̂ gâ lafɔ, mbrə ə̂në a mɔ ə mɔ. Ngâ, a wu wusə̂ kə yu Ndjapä də äwänə ne; bale, Âgbɔ̂ Yîrə̂ nə də ə̂tə̂ ye sə kə yu Ndjapä nə mbrə əzə̂ də əkɨ əyo ə̂në ə̈bə̈ əpʉ sə sə kə wutu də nə gashu ne kɔ.

15 Mbrə ə̂në a sə də ə̈bə̈ âgbɔ̂ awotokrɔ ə̂në tshə lï ndə kə pa tshə wu əyo əzə̂ lə kə mɔ əzə̂ ə̂në a mɔ ə mɔ kɔ. Lə aərə nɔ̂, ərə trâ ətshə gâ ye mata əzə̂, bale tshə mbrə̂ nyaka mbrə̂ bale ne.

41 E lö lö ne, e yü Ndjapä kanika ə te te lə afrɔ ərə ne. Yîrə̂ əzü sə də əgo ndə kə ma ə̂rɔ̂ ərə, bale, əndu əzü nə sə sə də awlra ne.»