Generosidade: o que a Bíblia ensina sobre partilha

7 Wotəmiyɔŋ nɔ kie ndə məkɔ́ fɔkə ndə ɔ nɔʼ shʉ̀tə mu fyii-ɔ, təmə kə́ gwía fɛ byuunɔ fi nə bə kwɛ̀ŋhə ɔŋ kwɛ̀ŋhə fɛ, bʉʼka Nyii nɔ kʉ̀ʉ w̃o ndə ɔ kɔ́ nə tʉʉjyu.(2 Kɔlɛŋ 9:7)

6 B̈ii kə́ kwɛ́nə mbɔ wo ndə ɔ shùɔ shʉ̀əŋtə ghɔkə-i, ɔ bu lʉ̀ haʼ i shʉ̀əŋtə. Bɔŋ wo ndə ɔ shùɔ yɔ̀ʼ ghɔkə-i, ɔ bu lʉ̀ haʼ nə ghɔkə iyɔ̀ʼnə. 7 Wotəmiyɔŋ nɔ kie ndə məkɔ́ fɔkə ndə ɔ nɔʼ shʉ̀tə mu fyii-ɔ, təmə kə́ gwía fɛ byuunɔ fi nə bə kwɛ̀ŋhə ɔŋ kwɛ̀ŋhə fɛ, bʉʼka Nyii nɔ kʉ̀ʉ w̃o ndə ɔ kɔ́ nə tʉʉjyu. 8 Bəkɔ Nyii dʉ̀ʼ buuŋjyu yɔ́ŋyɔ́ŋ tʉ a ndə məkɔ́ nchəŋnchəŋ bəfɔ tʉ a ndə a tʉʼ byúu, mbɔ a chʉʼ kie nchəŋnchəŋ bəfɔ ndə a tʉʼ byúu tə buŋ kie yi-yɔ́ŋyɔ́ŋ-yə ndə i bu káa kəghɔ-a ndə məgyʉ̀ə bii bəbɛʼbʉə. 9 Haʼ ndə ŋwɔʼnə-Nyii ghɔ̀ŋ mbɔ,

"Bɔ̂ŋ nɔʼ kɔ́ yɔ̀ʼ ghɔkə-ʉə, bɔ̂ŋ nɔʼ kɔ́ tʉ bʉə-kəbyuu,

fɔʼ-jyujyu-tə-ʉə kʉʉnə kie liʼ-i fɛ."*

10 Nduɔ, Ñyii ndə ɔ kɔ́ ŋgwie tʉ bʉə shùɔ ŋgwie, ghɔŋbə baakə ndə məyú, bu kɔ́ ŋgwie tʉ bii tə bìʼ kɔ́ ndə məshùɔ, ndə məchìi bii kʉ́ʉnə ntɔŋ-fɔ̀ʼ-jyujyu-mə i bìʼ yɔ́ŋ gɛ̀ nə shʉbə.

11 Bii bu fʉ̀ʼ ndə fiatə inchəŋ mbɔ bəkɔ bii kɔ́ yɔ̀ʼ ghɔkə-ii yɔ́ŋyɔ́ŋ. Ndʉʉ ndə baʼa bu lʉ̀ kɔkə-ii gɛ̀ nə yɔŋ tʉ bʉə ndə bɔ̂ŋ byúu nɔ, bʉə buŋmbi bu kə́ kɔ́ ndɔ tʉ Nyii. 12 Bʉʼka fɔʼɔ-ɔ̄, kaa bə haʼ bʉə-Nyii ndə bɔ̂ŋ bɛ Jɛlosalɛŋ ndə bɔ̂ŋ bu kie fɔbə ndə bɔ̂ŋ kə́ byúu fɛ, bɔŋ tʉʉ-yʉə bu leʼ bʉ̀ʉ bɔ̂ŋ kɔ́ ndɔ tʉ Nyii yɔ́ŋyɔ́ŋ.(2 Kɔlɛŋ 9:6-12)

12 Kaʼ wo kie mbʉ fyii ndə məkɔ́, Ñyii bɛ́ŋ kɔkə-i bʉʼka mbʉ kəfɔ ndə ɔ kie ndə məkɔ́, kaa bʉʼka fɔkə ndə ɔ gòʼ təmə kie ndə məkɔ́ fɛ.(2 Kɔlɛŋ 8:12)

2 Nɔ, ndʉʉ ndə a tʉʼ kɔ́ tʉ bʉə-mbʉʼ, a kie ndə mə-kə́-lɔ̀ʼ fɛ, ndə bʉə làhə shʉ chìi mu njaagháaNyii ghɔŋbə tɔʼnə fiatə, mbɔ bəbɛʼbʉə chʉʼ kə́ chʉ̀ʉ bɔŋ. Nɔʼ m̈ɔ shyíi bii nə shʉəŋ mbɔ bɔ̂ŋ nɔʼ kie kɛŋbə-ʉə. 3 Bɔŋ ndʉʉ ndə a tʉʼ kɔ́ tʉ bʉə-mbʉʼ, kə a mə chìi kwiiŋkwie-a kínə nukə ndə kwiimɔʼnə-aŋ tʉʼ fɔ̀ʼ fɛ, 4 mbɔ kɔkə-a chʉʼ bɛ mu bəliinə. Tie-a ndə ɔ tʉʼ nyíɛ mu bəliinə bu kɛ̀ŋ aŋ.(Matia 6:2-4)

38 B̈ii kɔ́, bə bu kɔ́ tʉ bii, yʉʼ fʉʼ jyujyu ndə bə nɔʼ jìehə bɔŋleʼ yʉ́ʼnə tə i kə́ tyunə, bə bu vɛʼ bəbe-bii. Bʉʼka fʉʼ ndə bii kɔ́ nɔ bɛ haʼ yɔŋ ndə bə bu kɔ́ tʉ bii."(Luk 6:38)

42 Kaʼ wo gháa fɔkə kəghɔ-a, ä kɔ́ tʉ ɔŋ, kə a mə tɛ́ŋ ndə məchɔ́ʼhə fɔkə tʉ wo ndə ɔ chɔ́ʼhə fɔkə kəghɔ-a fɛ.(Matia 5:42)

30 Kaʼ wo gháa fɔkə kəghɔ-a, ä kɔ́ tʉ ɔŋ. Kaʼ wo lʉ̀ fɔkə-a, kə a məfì nə ghʉəʼkə fɛ.(Luk 6:30)

40 Mbʉ Fɔŋ bu bə̀ŋhə tʉ bɔŋ mbɔ, ‘Nɔʼ m̈ɔ shyíi bii nə shʉəŋ, ndə bii kə fɔ̀ʼ tʉ ndyiʼtə-wo-kə mu bəliŋ-bɔŋ-bɔ̄ŋ, bii nɔ nə kə́ fɔ̀ʼ tʉ mɔ.’(Matia 25:40)

5 Kaʼ wo mu bii byúu mukətʉ-súunə, ɔ̈ bíʼtə tʉ Nyii ndə ɔ̃ kɔ́ yɔ̀ʼ ghɔkə-i təmə kə́ sɔ́ʼ wo ndə ɔ bíʼtə fɛ, bə bu kɔ́ tʉ ɔŋ.(Jɛŋ 1:5)

15 Kaʼ liŋ-aŋ woləŋ byuunɔ woke mu Nyii, byúu ndyi ndə məmɔ̀ʼ byuunɔ təmə kie fɔyubə bəchibəchi ndə məyú fɛ, 16 bɔŋ mbyu wo mu bii gìe tʉ ɔŋ mbɔ, "Tòʼ jyu, gɛ̀ mbʉə-a ghɔʼ, bɔŋleʼ yú yuo," təmə bɔŋ kɔ́ fɔkə tʉ ɔŋ ndə ɔ tʉʼ byúu fɛ, bɛ yɔ̂ŋ-yə nu-jyujyu-kə ndə bii fɔ̀ʼ nə nɔŋ?

17 Nɔ bɛ haʼ nɔ ndə məmɔ̀ʼfyii bɛ nə mbəŋ-ɛŋ, kaʼ məmɔ̀ʼfyii gòʼ təmə dʉ̀ʼ ndə fɔ̀ʼ fɛ, təmə i nɔʼ kwú.(Jɛŋ 2:15-17)

13 Kaʼ mbəŋ-yii ndʉʉmɛ, ndə bii bɛ bʉə-bʉ̂ʼʉ, kínə məkɔ́ yʉʼ kəkɔ tʉ vâa-bii, ndʉʉmɛ i kɛŋ dʉ̀ʼ mbɔ Tie-yii ndə ɔ bɛ yuo bu kɔ́ LyʉʉhəNyiikə tʉ bʉə ndə bɔ̂ŋ bíʼtə tʉ ɔŋ!"(Luk 11:13)