Generosidade: o que a Bíblia ensina sobre partilha

7 Buli omu akola nga bw’asazeewo mu mutima gwe, si lwa nnaku, newaakubadde olw’okuwalirizibwa, kubanga Katonda ayagala oyo agaba n’essanyu.(2 Abakkolinso 9:7)

6 Naye mujjukire nti, "Asiga ekitono alikungula kitono, naye asiga ekinene alikungula kinene." 7 Buli omu akola nga bw’asazeewo mu mutima gwe, si lwa nnaku, newaakubadde olw’okuwalirizibwa, kubanga Katonda ayagala oyo agaba n’essanyu. 8 Katonda ayinza okwaza ekisa kyonna gye muli, bulijjo mubeerenga n’ebibamala byonna mu buli kintu nga musukkirira mu mulimu gwonna omulungi, 9 nga bwe kyawandiikibwa nti,

"Yasaasaanya, yagabira abaavu.

Obutuukirivu bwe bubeerera emirembe gyonna."

10 Kubanga oyo awa omulimi ensigo okusiga, ate n’amuwa n’emmere ey’okulya, anaayazanga ensigo yammwe era n’agyongerako, era anaayongeranga ebibala eby’obutuukirivu. 11 Anaabagaggawazanga mu buli kintu, ekyebazisa Katonda mu ffe.

12 Kubanga omulimu gw’obuweereza buno tegukoma ku kuyamba batukuvu abali mu kwetaaga kyokka, kusukkirira mu kwebaza okungi eri Katonda.(2 Abakkolinso 9:6-12)

12 Kuba obanga mulina obumalirivu nga buli muntu bw’alina, buli muntu aweeyo okusinziira ku ekyo ky’alina so si ky’atalina.(2 Abakkolinso 8:12)

11 Olwokubanga mu nsi temuubulengamu baavu abali mu kwetaaga, kyenva nkulagira nti muganda wo omwavu era ali mu kwetaaga omwanjululizanga engalo zo bulijjo mu nsi yo.(Ekyamateeka Olwokubiri 15:11)

24 Omuntu agaba obuteerekereza, yeeyongera bweyongezi kugaggawala;

naye akwatirira kye yandigabye, yeeyongera kwavuwala.

25 Omuntu agaba anagaggawalanga,

n’oyo ayamba talibulako amuyamba.(Engero 11:24,25)

27 Tommanga birungi abo be bisaanira

bwe kibeera mu buyinza bwo okukikola.(Engero 3:27)

13 Oyo aziba amatu ge eri okulaajana kw’omwavu,

naye alikoowoola nga talina amwanukula.(Engero 21:13)

9 Mukama mugulumizenga n’eby’obugagga byo; n’ebibala ebisooka eby’ebintu byo byonna eby’omu nnimiro yo,

10 olwo amaterekero go lwe ganajjulanga ebintu enkumu,

era n’amasenero go ne gajjula ne gabooga omwenge omusu.(Engero 3:9,10)

10 Muleete ekimu eky’ekkumi ekijjuvu mu nnyumba yange, ennyumba yange ebeeremu emmere, era mungezese," bw’ayogera Mukama ow’Eggye, "obanga siribaggulirawo ebituli eby’omu ggulu, ne mbawa omukisa ne gutabaako ne we guligya.(Malaki 3:10)

5 Omuntu oyo agabira abeetaaga, era tawolera magoba,

era akola emirimu gye gyonna n’obwenkanya, alifuna ebirungi.(Zabbuli 112:5)

2 "Bw’obanga ogabira omwavu ekintu teweeraganga nga bannanfuusi bwe bakola ne basooka okufuuwa eŋŋombe mu makuŋŋaaniro ne mu nguudo, nga bagenda okugabira abaavu, abantu babalabe babawe ekitiibwa. Ddala ddala mbagamba nti Abo, eyo y’empeera yaabwe. 3 Naye ggwe bw’obanga ogabira omuntu yenna ekintu omukono gwo ogwa kkono guleme kumanya ogwa ddyo kye gukola. 4 Kale Kitaawo amanyi ebyama byonna alikuwa empeera."(Matayo 6:2-4)

38 Mugabenga nammwe muliweebwa. Ekigera ekirungi ekikattiddwa, ekisuukundiddwa, eky’omuyiika kiribakwasibwa. Kubanga ekigera kye mugereramu nammwe mwe muligererwa."(Lukka 6:38)

42 Akusaba omuwanga, n’oyo ayagala okukwewolako tomukubanga mabega."(Matayo 5:42)

30 Omuntu yenna akusabanga omuwanga; era n’oyo akuggyangako ebintu byo tobimusabanga kubikuddizza.(Lukka 6:30)

40 "Kabaka, alibaddamu nti, ‘Ddala ddala mbagamba nti bwe mwabikolera baganda bange bano abasembayo wansi kye kimu mwabikolera nze!’(Matayo 25:40)

5 Naye obanga omuntu yenna ku mmwe aweebuka mu magezi, asabenga Katonda agabira bonna atakayuka, galimuweebwa.(Yakobo 1:5)

15 Singa muganda wo oba mwannyoko takyalina kyakwambala wadde ekyokulya, 16 naye omu ku mmwe n’amugamba nti, "Genda mirembe, obugume, era olye bulungi", naye nga tamuwaddeeyo byetaago bya mubiri, olwo kimugasa ki? 17 Noolwekyo n’okukkiriza bwe kutyo; bwe kutabaako bikolwa kuba kufu.(Yakobo 2:15-17)

13 Kale obanga mmwe ababi muwa abaana bammwe ebirungi, Kitammwe ali mu ggulu talisinga nnyo okubawa Mwoyo Mutukuvu abo abamusaba?"(Lukka 11:13)

29 Awa amaanyi abazirika,

n’oyo atalina buyinza amwongerako amaanyi.(Isaaya 40:29)