8 አያዉ ጎፐ፥ ህንተ ጾሳ አ ኬካተን፥ አማኑዋን አቴድታ፤ ሀዌ ጾሳ እሙዋፐ አትን፥ ህንተ ኦሱዋና ግደና። 9 ህንተ ዳቡራን ቤትቤና ድራዉ፥ ህንተ ጬቀትያባይ አያይነ ባዋ።

4 ሽን ጾሳ ማሮተይ ዳራ ግድያ ድራዉ፥ ባረ ሲቁዋ ዳሩዋዳን፥ 5 ኑን አዉ አዛዘተናን እጺደ፥ ሀራይ አቶ አያናን ሀይቄዳዋንታ ግድናካ፥ እ ክርስቶሳና ኑዉ ደኡዋ እሜዳ። ጾሳ አ ኬካተን ህንተ አቴድታ።

23 አያዉ ጎፐ፥ አሳይ ኡባይ ናጋራ ኦዳ፤ ጾሳ ቦንቹካ ኡንቱንቶ ጉጼዳ። 24 ሽን ኡንቱንቱ ጾሳይ እምያ አ አ ኬካተን፥ ባረንታ ዎዝያ ክርስቶስ የሱሳ ባጋና ጮ ጽሌድኖ።

15 ሽን ጾሳ እሞታይ አዳማ ናጋራ ኬና ግደና ድራዉ፥ ኡንቱንቱ እት ማላ ግድክኖ፤ እት ብታንያ ናጋራ ድራዉ፥ ጮራ አሳይ ሀይቄዳዌ ቱማ፤ ሽን ጾሳ አ ኬካተይነ አ እሞታይ እት አሳ አ ኬካተ ባጋና፥ የሱስ ክርስቶሳ አ ኬካተ ባጋና ጮራ አሳዉ ዳሬዳ።

21 ናጋራይ ሀይቁዋ ዎልቃን ካዉቴዳዋዳን፥ ሀዋዳንካ ቃይ ጾሳ አ ኬካተይ ጽሎተ ዎልቃን ካዉቲደ፥ ኑ ጎዳ የሱስ ክርስቶሳ ባጋና፥ ኑና መና ደኦ ካለ።

14 አያዉ ጎፐ፥ ናጋራይ ህንተንታ ሞዳናዉ ዳንዳየና፤ ህንተ ጾሳ አ ኬካተ ጋርሳና ደኢታፐ አትን፥ ህግያፐ ጋርሳና ደእክታ።

15 ያትና፥ ዋናኔ? ጾሳ አ ኬካተ ጋርሳና ደኢኖፐ አትን፥ ህግያፐ ጋርሳና ደኤና ድራዉ፥ ናጋራ ኦኔ? ግደና፤

9 ጾሳይ ባረ ቆፋንነ ባረ አ ኬካተን ኑና አሺደ፥ ባረ አሳ ኦናዉ ጼሶዋፐ አትን፥ ኑን ኦዳ ኦሱዋ ድራዉ ግደና። እ ሀ አ ኬካተ ክርስቶስ የሱሳ ባጋና ዎዲ ዶመታናፐ ካሰ ኑዉ እሜዳ።

11 አያዉ ጎፐ፥ ጾሳይ አሳ ኡባ አሽያ ባረ አ ኬካተ ቆንጭሴዳ። 12 ሄ አ ኬካተይ ናጋራ ኦሱዋነ ሀ አላምያ አሙዋ ኑን አጋናዳንነ ኑ ሁጲያ ናጊደ፥ ጾሳ ማላቲደ፥ ጽሎተን ደአናዳን፥ ኑና ታማርሴ።

13 ሄዋ ድራዉ፥ ኦሱዋ ኦናዉ ህንተ ዎዛናን ቆፋ ጊግሲደ ህንተ ሁጲያ ናግተ። የሱስ ክርስቶስ ቆንጭያ ዎደ አ ኬካተ ህንተ አክያ ድራዉ፥ ኩመን ህዶታን ናግተ።

10 አ ኬካተ ኡባ ጾሳይ፥ ባረ መና ቦንቾ ክርስቶስ የሱሳ ባጋና ህንተና ጼሴዳዌ፥ አማሬዳ ዎድያ ህንተ ዋየቴዳዋፐ ጉይያን፥ እ ባረ ሁጰዉ ህንተና ሽር ኦራናነ ምንሳና። ቃይ እ ህንተና ማዳናነ ባስ ኤሳና።

8 መና ጎዳይ ቃረትያዋነ ማርያዋ፤✝

እ ሀንቀታናዉ ኤሌለናዋነ

አገና ሲቁ ዳሩዋ።

6 ነ ኬካተይነ ማሮተይ

ታ ደኡዋ ላይ ኡባን ቱሙዋፐ ታና ካላና።

ታን መና ጎዳ ጎልያን መናዉ ደአና።

17 ጎዳ ኑ ጾሳ ኬካተይ ኑ ቦላን ግዶ፤

ኑ ኩሽያ ኦሱዋ ኑዉ ሱርሳ።

ኤ፥ ኑ ኩሽያ ኦሱዋ ሱርሳ።

1 አቤት መና ጎዳዉ፥ ታን መቱዋ ጪማን ደኣደ፥

ኔኮ ዋሳይ።

2 አቤት ጎዳዉ፥ ታ ኮሻ ስሳ፤

ታን ዋትዋትያ ዋትዋቱዋ ነ ሀይይ ሀይዞ።

24 "መና ጎዳይ ህንተና አንጆነ

ህንተና ናጎ፤

25 መና ጎዳይ ህንተንቶ ባረ ሶምኡዋ

ፖእሶነ ህንተንቶ ቃረቶ፤

26 መና ጎዳይ ህንተና ባረ ኬካ አይፍያን

ጼሎነ ህንተንቶ ሳሮተ እሞ"

ያጊደ አንጅተ’ ያጋ።

18 ሽን መና ጎዳይ ህንተንቶ ኬካናዉ ናጌ፤ እ ህንተንቶ ቃረትያዋ በሳናዉ ደንዴ። አያዉ ጎፐ፥ መና ጎዳይ ጽሎ ፕርድያ ጾሳ፤ አ ናግያዋንቱ ኡባቱ አንጀቴዳዋንታ።

21 ጎዳ የሱስ ክርስቶሳ አ ኬካተይ ህንተናና* ኡባና ግዶ። አመንእ።

25 ጎዳ የሱስ ክርስቶሳ አ ኬካተይ ህንተንቱ አያናና ግዶ።

16 ስም ኑና ኮሽያ ዎደ ማድያ ማሮተ አካናዉነ አ ኬካተ ደማናዉ፥ አ ኬካተይ ደእያ ሳኣ ጾሳ አራታኮ፥ ያየናን ሺቆይተ።

24 ሽን ታ ዎ ፖላናዉነ ጎዳ የሱስ ክርስቶሳፐ ታን አኬዳ ኦሱዋ ጾሳ አ ኬካተ ዎንጋላ ምሽራቹዋ ማርካትያዋ ፖላናዉ፥ ታ ሸምፑዋ ማደናዋዳን ፓይዳይ።

16 "ጾሳ ናኣ አማንያ ኡባይ መና ደኡዋ አካናፐ አትን፥ የና ማላ፥ ጾሳይ ሀ አላምያ አሳ ሎይ ሲቄዳ ድራዉ፥ ባረ መጽ እት ናኣ እሜዳ።

14 "ህንተንቱ ህንተና ናቄዳ ሀራ አሳ ናቁዋ አቶ ጎፐ፥ ሳሉዋን ደእያ ህንተንቱ አዉካ ህንተዉ አቶ ጋና።

13 ባረ ናጋራ ገንያ ኡራይ አጨና፤ ሽን ፓጽያዌነ ናጋራ አግያዌ ማረታናዋ።

1 መና ጎዳ እስራኤልያ ጾሳ ፓስጋ ባላ ቦንቻናዉ፥ የሩሳላመን ደእያ መና ጎዳ ጌሻ ጎልያ እስራኤልያ አሳይ ኡባይነ ይሁዳ አሳይ ኡባይ ያናዳን ህዝቂያሰ ኪቴዳ፤ ቃይ ኤፍሬማ አሳዉነ ምናሰ አሳዉ ዳብዳቢያ ጻፌዳ። 2 ካቲ፥ ካፓቱነ፥ የሩሳላመን ሺቄዳ አሳይ ኡባይ ፓስጋ ባላ ላኤን አግናን ቦንቻናዉ ቆፋ ቃቼድኖ።✝ 3 ፓይድና ግድያ ቄሳቱ ባረንቱ ሁጲያዉ ጌይቤና ድራዉነ ዳሮ አሳይካ የሩሳላመን ሺቅቤና ድራዉ፥ አሳይ ፓስጋ አ ዎድያን፥ ኮይሮ አግናን ቦንቻናዉ ዳንዳይቤና። 4 ሄ ቆፋይ ካትያነ ሺቄዳ አሳዉ ሎኦ ቆፋ ግዴዳ። 5 ሄዋ ድራዉ፥ መና ጎዳ እስራኤልያ ጾሳ ፓስጋ የሩሳላመን ቦንቻናዉ በርሳበሄፐ ዶሚደ ዳና ጋካናዉ ደእያ እስራኤልያ አሳይ ኡባይ ያናዳን አዋያናዉ ቆፋ ቃቼድኖ። አያዉ ጎፐ፥ ሀ ፓስጋ ባላባይ ካሰ ህግያን ጻፈቴዳዋዳን ዳሮ አሳይ ቦንችቤና።

6 ካቲነ ካትያ ካፓቱ አዛዝና፥ ኪተቴዳዋንቱ እስራኤልያ ቢታ ኡባነ ይሁዳ ጋድያ ኡባ ሀዋዳን ያግያ ዳብዳቢያ አኪደ አፌድኖ፤ "እስራኤልያ አሳዉ፥ አሶረ ጋድያ ካተቱዋ ኩሽያፐ ከስ አኪደ፥ ህንተንቱ ቢታን አቴዳ ህንተንቱኮ እ ስማናዳን፥ ህንተንቱካ መና ጎዳኮ፥ አብራሃማ፥ ይሳቃነ እስራኤልያ ጾሳኮ ስምተ! 7 ባረንቱ መና ጎዳዉ፥ ባረንቱ አዎቱዋ ጾሳዉ አማነትቤና ህንተንቱ አዎቱዋዳንነ ህንተንቱ እሻቱዋዳን ሀኖፕተ። ህንተንቱ ኤርያዋዳን ጾሳይ ኡንቱንቱ ዎልቃማ ሙሩዋ ሙሬዳ። 8 ህንተንቱ መና ጎዳዉ አዛዘትተፐ አትና፥ ካሰ ህንተንቱ አዎቱዋዳን ህንተንቱ ሞርግያ ጋፍሶፕተ! ጾሳይ መናዉ ጌሼዳ ጌሻ ጎልያ ሃ ዪተ። ጾሳ ሀንቁ ኤጽያዌ ህንተንቱ ቦላፐ ክቻናዳን፥ መና ጎዳዉ፥ ህንተንቱ ጾሳዉ፥ ጎይንተ። 9 ህንተንቱ መና ጎዳኮ ስሞፐ፥ ህንተንቱ እሻቱዋነ ህንተንቱ ናናይ ባረንታ ኦሞዴዳዋንቱ ስንን ማሮታ ደሚደ፥ ሀ ጋድያ ስማና። አያዉ ጎፐ፥ መና ጎዳይ ህንተንቱ ጾሳይ ቃረትያዋነ ማርያዋ። ህንተንቱ አኮ ስሞፐ፥ ባረ ስን ህንተፐ ዎራ ዛረና" ያግያዋ።

10 ኪተቴዳዋንቱ ኤፍሬማ ጋድያነ ምናሰ ቢታ አደ፥ ዛብሎና ቢታ ጋካናዉ ካታማፐ ካታማ ቤድኖ። ሽን ሄ ካታማቱዋን ደእያ አሳቱ ኡንቱንቱ ካደ፥ ኡንቱንቱ ቦላ ሚጬድኖነ ቅሊጬድኖ። 11 ግዶፐነ፥ አሴራ አሳቱዋፐ፥ ምናሰ አሳቱዋፐነ ዛብሎና አሳቱዋፐ አማሬዳ አሳቱ ባረንታ ካዉሺደ፥ የሩሳላመ ዬድኖ። 12 ካቲነ ካትያ ኦሳንቻቱ መና ጎዳ ቃላ ማራን አዛዜዳዋ፥ ይሁዳ አሳይ እት ዎዛናን አዛዘታናዳን፥ ጾሳ ኩሺ ይሁዳ አሳ ቦላ ደኤዳ።

13 ላኤን አግናን እርሹ ገልቤና ኡክ ባላ ቦንቻናዉ ሎይ ዳሮ አሳይ የሩሳላመን ሺቄዳ። 14 ኡንቱንቱ ደንዲደ፥ የሩሳላመን ደእያ ያርሽያ ሳኣ ቆሊደ፥ እጻና ጩዋይያ ሚሻ ኡባ ድጊደ፥ ቀድሮና ዛንጋራን ኦሌድኖ። 15 ሄዋፐ ጉይያን፥ ላኤን አግናን፥ ታማነ ኦይደን ጋላስ ፓስጋ ዶርሳ ሹኬድኖ። ባረንቱ ሁጲያዉ ጌይቤና ቄሳቱ ነ ሌዋቱ ዬላቲደ፥ ባረንቱ ሁጲያዉ ጌዬድኖ፤ ያቲደ ጹግያ ያርሹዋ መና ጎዳ ጌሻ ጎልያ አሄድኖ። 16 ጾሳ አሳ ግድያ ሙሴ ህግያዳን፥ ጌሻ ጎልያ ግዱዋን ባረንቱ ሳኣን ሳኣን ኤቄድኖ፤ ቄሳቱ ሌዋቱ ኩሽያፐ አኬዳ ሱ ጫጫፌድኖ።

17 ሄ ሽቁዋ ግዶን ጌይቤና ዳሮ አሳቱ ደኢኖ። ሄዋ ድራዉ፥ ፓስጋ ዶርሳቱዋ መና ጎዳዉ ሹካናዉ ዳንዳይክኖ፤ ሌዋቱ ኡንቱንቱ ኮታን ፓስጋ ዶርሳ ሹኪደ መና ጎዳዉ ሺሼድኖ። 18,19 ኤፍሬማ ዛርያፐ፥ ምናሰ ዛርያፐ፥ ይሳኮራ ዛርያፐነ ዛብሎና ዛርያፐ ዳሮ አሳቱ ህጊ አዛዝያዋዳን ባረንቱ ሁጲያዉ ጌይቤናዋ ግዶፐነ፥ ፓስጋ ባላ ሜድኖ። ሄዋ ድራዉ፥ ካቲ ህዝቂያሰ ኡንቱንቶ ዎሲደ፥ "አቤት፥ አሳ ኡባዉ ሎኦ መና ጎዳዉ፥ ሀዋንቱ ህጊ አዛዝያዋዳን ባረንቱ ሁጲያዉ ጌይቤናዋ ግዶፐነ፥ ኡንቱንቱ ነዉ፥ መና ጎዳዉ፥ ባረንቱ አዎቱዋ ጾሳዉ ጎይኒኖ። ሄዋ ድራዉ፥ ኔን ኡንቱንቶ አቶ ያጋ" ያጊደ ዎሴዳ። 20 መና ጎዳይ ህዝቂያሳ ዎሳ ስሲደ፥ ኡንቱንታ ፓዳ።

21 የሩሳላመን ሺቄዳ እስራኤልያ አሳይ እርሹ ገልቤና ኡክ ባላ ዎልቃማ ናሸቻን ላፑን ጋላስ ቦንቼዳ። ሌዋቱነ ቄሳቱ የ ሚሻን የጺደ፥ ጋላስ ጋላስ መና ጎዳ ጋላቲኖ። 22 ሄዋፐ ጉይያን፥ ህዝቂያሰ መና ጎዳ ኪታን አኬካንቻ ግድያ ሌዋቶ ሃሳዪደ፥ ኡንቱንቱ ምንዳ።

አሳይ ኡባይ እትፐተ ያርሹዋ ያርሺደ፥ መና ጎዳ ባረንቱ አዎቱዋ ጾሳ ጋላቲደ፥ ሚድነ ኡሺደ፥ ባላ ላፑን ጋላስ ቦንቼድኖ። 23 ኩመን ያአይ ባላ ሀራ ላፑን ጋላሳ ጉጂደ ቦንቻናዉ ማዬዳ፤ አሳይ ላፑን ጋላስ ባላ ናሸትደ ቦንቼዳ። 24 አያዉ ጎፐ፥ ይሁዳ ካቲ ህዝቂያሰ ያርሹዋ ያርሻናዉ፥ ሻአ ኮሩማቱዋ፥ ላፑን ሻአ ዶርሳቱዋነ ዴሻቱዋ ያአዉ እሜዳ፤ ቃይ ካፓቱ ሻአ ኮሩማቱዋነ ታሙ ሻአ ዶርሳቱዋ ያአዉ እሜድኖ። ሎይ ዳሮ ቄሳቱ ካ ባረንቱ ሁጲያዉ ጌዬድኖ። 25 ኩመን ይሁዳ ያአይ፥ ቄሳቱ፥ ሌዋቱ፥ እስራኤልያፐ ዬዳ አሳይ ኡባይነ ካሰ እስራኤልያ ጋድያፐ ዪደ፥ ይሁዳ ቢታን ደኤዳ አሳይ ኡባይ ናሸቴዳ። 26 ዳዊታ ናኣ፥ እስራኤልያ ካትያ ሶሎሞነ ዎድያፐ ዶምና፥ ሀቼ ጋካናዉ፥ የሩሳላመን ሀዋ ማላትያ ባል ቦንቼት ኤረና ድራዉ፥ የሩሳላመን አሳይ ሎይ ናሸቴዳ። 27 ሄዋፐ ጉይያን፥ ቄሳቱ ነ ሌዋቱ ደንዲደ፥ ጾሳይ አሳ አንጃና ማላ ዎሴድኖ፤ ጾሳይ ሳሉዋን፥ ባረ ደእያ ጌሻ ሳኣን ኡንቱንቱ ዎሳ ስሴዳ።