Graça
A graça de Deus é favor imerecido. Pela graça somos salvos, pela graça vivemos, pela graça somos sustentados. É o dom mais precioso de Deus — dado a quem não merece.
Salvos pela graça
Pela graça sois salvos, mediante a fé, e isto não vem de vós — é dom de Deus. Não por obras, para que ninguém se glorie.
Pawccecize thawccinaw keiccuze zynnaw liate khum na thua vae oh, tuh-e tuh naemaw nynh na cyiku oh paw thua khyh, Pachia lasung nynh thua. Ryalawnaw liate thua khyh, tukeiccuze hum nynh sanmah pooku lanpaw um khyh.
Thuasalama ngaethyaumsahnaw te phe beihpaw Pachia nynh aening kha myarya alepaw a sungsahnaw te oun sungsah keiccuze, ah seinaw kya ah chi lya oh khe, Khri ryte pynkheihlan oun hiinsah vae—thawccinaw liate nanning tuh khum na thua vae oh—
pawccecize ccungccaw balyn tuh phe sei vae hae zah Pachia phu-enaw te a sawkuh vae hae; minmin tuh Khri Jesu shawkhawnaw liate Pachia thawccinaw keiccuze alakawte thyaaccousah athua vae hae.
Thuasalama alakawte muepaw lasung te seinaw tuh lokuh khyh. Pawccecize ccungccaw lu kheit seinaw keiccuze ccungccaw patae tuh a chi hae ze, Pachia thawccinaw te ccungccaw lu kheit athuapaw Jesu Khri thawccinaw liate alakawte muepaw lasung tuh ccungccaw patae hanlan houh alehua.
Tuh-e tuh seinaw nynh chinaw kya a uk hawte, thawccinaw nynh mah ah Bawipaw Jesu Khri liate zungzae hiinnaw mue khylan thyaaccounaw liate a uk nawlan nynh thua.
Graça que capacita
A graça me basta, pois o poder se aperfeiçoa na fraqueza. Na graça, não estamos mais sob a lei, mas sob o favor de Deus.
Pawccecize nanning tuh Kawbya zakaw um vae leite, thawccinaw zakaw kya na um vae oh keiccuze seinaw nynh ae uk vae lan khyh oh.
Tuhteze pawtemou? Aening tuh Kawbya zakaw um leite thawccinaw zakaw kya ah um vae oh keiccuze seinaw ah rae cih oh tou? Tuhte thua khyh!
Tuh-e Pachia nynh aening kha phe oun khum vae zah athyaapaw konaw te oun ko vae; tuh-e tuh aening ah ryalawnaw keiccu thua leite, amaw a eenaw te a thawccinaw keiccu nynh thua. Tuh-e a thawccinaw tuh laephi atho mawze Khri Jesu liate aening kha oun pya vae.
Pawccecize khumnaw yn thuakhaepaw Pachia thawccinaw tuh ccungccaw balyn kya a langkuh vae. Pachia pawlangria leinaw te laephi uccaw duaanaw kha vua lan zah, aening tuh mawtemaw ukku kho te dingrarih lante, Pachia rawrite atu she kya ah hiin nawlan oh, tuh-e thawccinaw nynh oun ccangpya.
Tukeiccuze nae thinlung kha paccynkute um oh lah, hawrarih lan um oh; Jesu Khri he yn langkuh te nae kalan thuakhae athua cih paw thawccinaw kha athangnaw cia ngaehoi oh.
Khri Jesu liate zungzae tynpaw a phu-enaw kalan ae kotu oh paw, thawccinaw balyn a hoitupaw Pachia nynh sosoh na teing kou oh te, nanning kha ae ccingsah cih oh, ae thadynsah cih oh, thaw ae saesah cih oh zah ae tynsah cih oh.
A graça de Deus
O Senhor é compassivo e gracioso, tardio em irar-se e grande em amor. Sua graça é nova a cada manhã.
Bawipaw tuh thawccih thyapaw,
ngaethyaumsah thyapaw,
lungsaepaw te atynpaw sungsahnaw te
phe abeihpaw nynh thua.
Ka hiin lungkhu balyn
hoynaw te thawccinaw kha
ka ccou cih zah,
Bawipaw inn kya
ka hiinshe balyn ka um cih.
Bawipaw kae Pachia kya-e
maehoynaw tuh kae tungvaw
um sah lah,
kae cyipaw ryalaw tuh kaemaw elang
hoynaw um sah,
Kae kuih nynh rya a lawpaw kya
kae laan kae sui ua vae sah.
Pou Bawipaw , akhunaw kyate
nang kha siaruate kae ko.
Bawipaw, ka roi beih yn thaepah!
Kae ngianaw roi hynh
beih yn ngaepya tua!
Bawipaw nynh hythua ae pya oh sah lah, ae do-oih vae oh sah;
Bawipaw nynh nae tungvaw a mitmae awsah sah lah, thaw ae ccih vae oh sah;
Bawipaw nynh nae tungvaw maehoynaw ae pya oh sah lah, daenaw ae pya vae oh sah.
Thuasalama Bawipaw nynh nanning kha
thawcci khylan phang ae ngaw oh;
nae tungvaw ngaethyaumsahnaw
langsaku khylan aning tuh yn thokuh cih.
Pawccecize Bawipaw tuh
dingnaw Pachia nynh thua;
amaw a ngaehoikupaw balyn tuh
lungtuapaw nynh thua hae.
Viver pela graça
A graça de nosso Senhor Jesus Cristo esteja convosco. Perdoando e confessando, experimentamos a graça restauradora.
Bawipaw Jesu a thawccinaw tuh mithyaa hae balyn kya la um sah. Amen.
Ah Bawipaw Jesu Khri kya-e thawccinaw tuh nae muisaw kya la um vae sah. Amen.
Tukeiccuze ahoboupaw ccyh kya bawmnaw mue nawlan, ngaethyaumsahnaw te thawccinaw kha ah mue nawlan oh, thawccinaw bawitungkhung kalan khe rawhoyte cceih oh sih.
Thuasalama Pachia thawccinaw te asekuhpaw thehoypaw kha ccaekiakhan khylan Bawipaw Jesu kyate ka muepaw ka ryalaw kha ka lyn kho nawlan ka hiinnaw mah ka duakuh vae khyh.
"Pawccecize Pachia nynh laephi hynh eih a sungsah keiccuze a Ccapaw lu kheit kyalyapaw kha oun pya; tukeiccuze amaw a zynpaw miakaw tuh chih vae lan khyh zah zungzae hiinnaw a hoi cih.
Nanning nynh ccungccaw hae cyiseinaw kha na ngaethya oh ze vaawlang umpaw nae Paaw nynh mah ae ngaethya cih oh.
A cyiseimenaw kha a pheipaw tuh
a laan a sui ua lan khyh,
thuasalama a seinaw kha phykuh zah
a vuapaw tuh thawccinaw a mue cih.
Bawipaw , Israel Pachia hanlan kawtaw poi tua khylan Jerusalem umpaw Bawipaw inn kalan oun ccia ccaw hae cite Hezekiah nynh Israel ram te Judah ram kalan ccungccaw saw hae zah Efraim phin te Manasseh phin hae kalan mah ccaw a ky hae. Pawccecize siapharan te a kuihkaw e bawi hae te Jerusalem kya a pumkuh hae paw balyn nynh kawtaw poi tuh sawpaw sah ningnaw kya tua lante bya a pae vae hae, (pawccecize ranpibawi hae tuh milu phe zaw lan thyaasakuh loh khyh hae zah ccungccaw hae mah Jerusalem kya a pumku loh khyh hae keiccuze tuh-e poi tuh amaw accyh kya tua kho khyh hae). Siapharan te a pumkuh hae paw balyn nynh tuh-e khuakhannaw tuh akyh cite a tua hae. Tukeiccuze Israel ram pynpi, Beersheba kyate Dan kyacia um hae paw ccungccaw hae tuh Bawipaw , Israel Pachia kalan Jerusalem kya thuate kawtaw poi tua khylan thaesah lan kaw a tho hae; pawccecize phungbya kya azeiku thyhte ccungccaw patae te poi tua khyh hae. Tukeiccuze ccaw phutu hae tuh siapharan te a kuihkaw e a bawi hae kya-e ccaw kha phute Israel te Judah ram pynpi kalan khe siapharan nynh kaw a pya hae thyhte a cceih hae, tuh-e ccaw kyatuin, "Pou Israel ccungccaw hae, Abraham, Isak te Israel Pachia, Bawipaw kalan kithui oh lah, Assiria siapharan hae kuih kyate a lue hae paw nanning a laehy hae paw kalan khe aning tuh bua yn maekuh cih. Nae minpaaw hae Bawipaw Pachia tungvaw lungzinaw hoi lei hae paw nae minpaaw hae te nae puizia hae te lokuh nan oh, na muih oh hawte aning nynh minmin kha thawte de a tah hae. Nae minpaaw hae hawte nae lungkhung nan sah, Bawipaw kalan pyakuh oh, zungzae a thyaasahpaw a beikinnthyaa kalan oun cceih oh, te myarya lepaw a thinrianaw tuh nae kyate a maeku nawlan, Bawipaw nae Pachia rya kha lah oh. Pawccecize Bawipaw kalan na kithui oh zetuh nae puizia hae te nae ccaaw hae tuh a kyngtu hae kya ngaethyaumsahnaw a mue cih hae zah, e ram lang oun ki cih hae. Pawccecize Bawipaw nae Pachia tuh ngaethyaumsah thyapaw te thawccih thyapaw thua zah, amaw kalan na kithui oh ze a mae kha ccanglang ae hawitaw lan khyh oh," a ci.
Tukeiccuze ccaw phutu hae tuh Efraim te Manasseh ram po lekuh lan Zebulun ram cia khua kheit koute khua kheit a cceih hae; thuasalama minmin nynh nuinse hae zah a sarya hae. Asher phin, Manasseh phin te Zebulun phin kya-e ccungccaw beihtaraw kyalya nynh zakawsangsakuh hae zah Jerusalem lang a cceih hae. Bawipaw bya thyhte siapharan te a kuihkaw e bawi hae nynh kaw a pya hae paw kha cyi khylan lungngingnaw thinlung pya khylan Judah hae kya Pachia thungnaw a um.
Sawpaw sah ningnaw khe ransi phingkuh leipaw sanlou poi kha tua khylan ccungccaw patae tuh Jerusalem kya oun thua hae zah, a pumkuh hae paw tuh myarya alung hae. Minmin nynh rya kha tho hae zah Jerusalem kya a umpaw silawhang hae kha a nue hae, mynkhuhpaw unawpaw silawhang balyn kha lah hae zah Kidron Vaw kalan a vua hae. Sawpaw sah ningnaw nin haw lae pali nin khe kawtaw poi tuutaw kha a chia hae. Ranpibawi hae te Levi phin hae tuh mih maethah zah mimaw toulou kha thyaasakuh hae zah maee-ute silawnaw kha Bawipaw inn lungkhu lang a teekhae hae. Pachia ccungccapaw Moses kawbya thyhte minmin nynh mih ummaenaw hmin kya a um hae; ranpibawi hae nynh Levi phin hae kuih kya-e a lawku hae paw chiise kha a hei hae. Pawccecize a pumkuh hae paw kyakhe a thyaasakuh lei hae paw patae a um hae; tukeiccuze a thyaa leipaw miakaw kha Bawipaw hanlan thyaasah nawlan kawtaw poi tuutaw kha Levi phin hae nynh a chia hae. Pawccecize Efraim phin, Manasseh phin, Issakhar phin te Zebulun phin kya-e ccungccaw patae tuh phungbya kya azeiku thyhte mimaw kha thyaasaku leite kawtaw poi kya a aebua hae. Thuasalama Hezekiah nynh minmin hanlan sawsang zah, "Pachia, Bawipaw mih minpaaw hae Pachia kha mih thinlung ccaccing te ccung lan a paccynkuh hae paw tuh beikinnthyaa kya-e thyaasahkunaw phung thyhte a thyaa khyh hae zemah ahoypaw Bawipaw nynh mih balynte ngaethya vae hae sah," a ci. Bawipaw nynh Hezekiah kha thaepah zah ccungccaw hae kha a dansah hae. Jerusalem kya um hae paw Israel hae nynh ransi phing leipaw sanlou poi kha nin sari lungkhu myarya lungpawte a tua hae; Levi phin hae te ranpibawi hae nynh Bawipaw hanlan khuakupaw accaepaw uccaw hae kha khuakute Bawipaw kha nin takyh the a hoysah hae. Bawipaw ryalawnaw kya mih thyanaw ahoypaw a langsah hae paw Levi phin hae balyn kha Hezekiah nynh thawpyanaw bya a hopya hae. Tuhcite ccungccaw hae nynh poi kya-e looh kha nin sari lungkhu ae hae zah, Bawipaw mih minpaaw hae Pachia kalan khe ccawkunaw silawnaw kha raete the a hoysah hae.
Te a pumkuh hae paw balyn nynh poi kha nin sari bua tuachih lan mih nawccaw; tukeiccuze lungtuanaw te nin sari poi a tua ung hae. Pawccecize Judah siapharan Hezekiah nynh tangnuapaw thong kheit te tuu thong sari kha silawnaw rae nawlan a pya hae, te bawi hae nynh a pumkuh hae paw kha tangnuapaw thong kheit te tuu thong haw a pya hae. Ranpibawi hae patae nynh mimaw te mimaw kha a thyaasaku hae. Ranpibawi hae te Levi phin hae ryte Judah hae a pumkuh hae paw balyn, te Israel ram kyate oun thua hae paw a pumkuh hae paw balyn, Israel ram kyate oun thua hae paw ramccang hae, Judah ram kya um hae paw ramccang hae balyn tuh mih lungpaw. Israel siapharan David ccapaw Solomon she koute Jerusalem kya hynhcihawpaw a um vae khyh keiccuze Jerusalem kya myarya lepaw lungpawnaw a um. Te ranpibawi hae te Levi phin hae nynh thadyn hae zah ccungccaw hae kha hythuanaw pya hae zah mih roi thae athua; mih sawsangnaw tuh vaawlang khua e a umnaw hmin thyaapaw kya a thua.