Cciathungnaw Hlaw

1 Pou Bawipaw , akhunaw kyate

nang kha siaruate kae ko.

2 Bawipaw, ka roi beih yn thaepah!

Kae ngianaw roi hynh

beih yn ngaepya tua!

3 Pou Bawipaw , nang nynh

hoyleinaw hae hynh na syntaw lanze,

Bawipaw, hummou a thadyn kho cih?

4 Thuasalama sawtua rawripaw

na thua nawlan seingaethyanaw

na hoi.

5 Bawipaw kha ka ngaw,

ka muisaw nynh mah ngaw zah

a bya kha ka ngaehoi;

6 Rhawviatu hae nynh khuadaetakaw

vyvy yn aw lanpaw kha

a ngaehoi hae laeze,

ka muisaw nynh

Bawipaw kha a ngaehoi.

7 Pou Israel, Bawipaw kha ngaehoikuh!

Pawccecize Bawipaw kyakhe

atynpaw sungsahnaw um zah,

shawkhawnawpaw huhan alepaw mah

amaw kya a um.

8 Bawipaw nynh Israel hae kha

mih hoyleinaw kyate

a shawkhaw cih hae.✝130.8: Mat 1.21; Tit 2.14