1 Babilon vaw hae kin khe

kae haung zah,

Zion kha he kae liathui tuh,

rawkhuite kae um.

2 Kae pe umpaw su ku hae kyakhe

kae tintang hae kha kae bawku.

3 Pawccecize kaening oun kyngtu hae te

oun tuaa oun sahtu hae nynh,

"Zion hlaw hlakheit

oun sahpya tua oh!" cite

hlaw roi te lungtua

lungpawnaw roi kha

oun ngia hae.

4 Pawtemou kaening nynh

Bawipaw hlaw kha

ramccang kyakhe kae sah kho cih?

5 Pou Jerusalem,

nang kha kae ning lanze,

ka ranglang kuih karae rou vae sah!

6 Nang kha kae ning ze thuasah,

Jerusalem kha

ka lungtua huaccepaw laeze

ahanghua lante

ka nung khyh ze thuasah

ka lae tuh ka dang kya

phang beekuh sah.

7 Pou Bawipaw , Jerusalem

a law nin hae ze,

"Marya roh oh! Marya roh oh!

Aleihpaw cia phe roh oh!" cite

a hokuh hae paw Edom hae kha

liathui hae.

8 Pou ccanung Babilon,

a rosathyapaw nang!

Kae tungvaw nae cyi thyhte,

nang ae cyihru paw tuh

lungtuapaw athua cih!✝

9 Na ccaaw hae kha lah hae zah,

lung vawlan a zianahpaw tuh

lungtuapaw athua cih!