1 Bawipaw kalan lungtuabya hote,

Ahang Huaccepaw Pachia,

na min thehoysahnaw hlawsah tuh

myarya ahoy;

2,3 tintang, phyly te roi hoypaw kha

khuakute awkhua kya atynpaw

na sungsahnaw kha thuasah,

khuazi kya na lungzinaw kha thuasah

hopaw tuh myarya hoypaw nynh thua.

4 Pou Bawipaw , na ryalaw te

ka lung nae tuasah vae;

na kuih te na cyipaw liate

lungtuate hlaw ka sah.

5 Pou Bawipaw , na ryalaw hae hynh

pawcih baban mou alesae!

Na tuanaw tuh myarya akhu!

6 Mih lungru hae paw nynh

nyh kho khyh hae, mingaee hae nynh

a thaethya lei hae paw tuh:

7 ccungccaw hoylei hae paw tuh

lonua hawte lethung hae zah,

hoyleinaw a rae hae paw balyn tuh

hoynaw a mue hae zemah,

zungzae ro athua cih hae,

8 thuasalama, pou Bawipaw ,

nang tuh ahangnaw kya nynh

zungzae na um.

9 Pou Bawipaw , na rhaw hae tuh

a chih cih hae;

hoyleinaw a rae hae paw balyn tuh

phiariphiarae a um cih hae.

10 Thuasalama ka ki kha

saccung ccungte ki hawte

nae hangthung vae;

chitui athawpaw te

ka tungvaw nae bu vae.

11 Ka rhaw hae a shung hae paw kha

ka mit nynh phe a muih vae;

ahoy leipaw ka rhaw hae ronaw kha

ka nakaring te phe ka thae vae.

12 Miding hae tuh ungcci ku hawte

hoyte lethung hae zah,

Lebanon e sidar ku hawte

a lethung hae.

13 Minmin tuh Bawipaw inn kya

lin thua hae zah,

ah Pachia voidu lungkhu a lethung hae.

14 A taw vae hae zemah

palei athae thae ung hae;

hinlalyh lan zungzae um hae zah,

aphi te phe beih hae,

15 e hynh nynh Bawipaw tuh

ading cipaw a langsah;

aning tuh ka lungpi thua zah,

amaw kya dingleinaw um khyh.