1 Laephi ccungccaw hae balyn,

Bawipaw kalan lungtuate siatua oh.

2 Bawipaw kha lungtuate beik oh;

hlawsah biate amaw kalan rang oh.

3 Bawipaw tuh Pachia nynh thua

cipaw nyh oh.

Aening oun raetupaw tuh

amaw thua zah, aening tuh

amaw kya-e nynh ah thua oh;

amaw ccungccaw ah thua oh zah,

a tuuphu nynh ah thua oh.

4 Lungtuabya hote a koikua

lungkhu lang tee oh lah,

thehoysah te a voidu lungkhu lang

tee oh.

A tungvaw lungtuabya ho oh lah,

a min kha thehoysah oh.

5 Pawccecize Bawipaw tuh ahoy;

atynpaw a sungsahnaw tuh zungzae tyn zah,

a lungzinaw tuh she takyh kya atyn.✝