1 Pou Bawipaw ,

dingnaw laanpi kha ka zui zah,

Bawipaw kha ka thinlung balyn te

ka doliaku keiccuze,

seinaw hoi leipaw ka thuanaw kha

langsahpya tua hae.

2 Pou Bawipaw , kae hynh

yn veitua lah, yn syntawtua;

ka thinlung te ka tuanaw hynh

yn do mamiatua.

3 Atynpaw na sungsahnaw kha

tyty ka ccykekuh zah,

na lungzinaw kyakhe ka cceih.

4 Ccungkia lei hae paw ryte

kae dahungkheih khyh zah,

a thyaruh hae paw ryte

kae ccuepekuh khyh.

5 Hoyleinaw a rae hae paw phu kha

ka hua zah,

ccungccaw hoylei hae paw ryte

kae mungkuh khyh.

6 Pou Bawipaw , seinaw ka hoi khyhpaw kha

langsaku khylan ka kuih

ka singkuh zah,

na silawhang pepan khe ka cceih,

7 Lungtuanaw hlaw kha

accae lante ka sah zah,

ngaeang lan umpaw

na cyipaw balyn kha ka ho.

8 Pou Bawipaw , na umnaw inn te

na phu-enaw a umnaw hmin kha ka ry.

9 Misei hae ryte yn rohkheih nan lah,

ccungccaw a theih hae paw ryte

ka hiinnaw hynh yn rohkheih nan,

10 mih kuih tuh ahoy leipaw

cyinawpaw lang mang hae zah,

mih ranglang kuih tuh

pyaruh te phe abeih.

11 Thuasalama kae tuh,

dingnaw laanpi kha ka zui;

kae kha yn shawkhaw lah,

thaw yn ccih.

12 Ka ccu tuh bialae khe ka thadyn zah,

zapi pumkunaw kyakhe

Bawipaw kha ka thehoysah.