1 Bawipaw tuh ka tuurinpaw nynh thua,

ka hobounaw um lan khyh.

2 hinlalyhpaw ramno kya yn isah;

ccirarihpaw tui aluanaw vaw kin khe

yn cciakhae;✝

3 thawzung thawpaw kha yn pya.

Amaw min hanlan

ahmepaw laanpi kya yn cciakhae.

4 Amoh huaccepaw chinaw hunghua kya

ka ccia zemah,

vawsawnaw kha ka rih lan khyh;

pawccecize nang nynh kae kha

nae umkhae;

na tungbang te na hoitang nynh

ka ngae yn ngansah.

5 Ka rhaw hae malang khe

ccaboi nae phaepya;

ka lu kha chitui nae thuh;

ka banang tuh phe aleikuh.

6 Ka hiin lungkhu balyn

hoynaw te thawccinaw kha

ka ccou cih zah,

Bawipaw inn kya

ka hiinshe balyn ka um cih.