1 Bawipaw nynh inn kha

a sak khyh lanze,

inn saktu hae ryalaw tuh

alakawpaw nynh thua,

Bawipaw nynh khuapi kha

rhawviapya khyh lanze,

khua rhawviatu hae nynh

rhawvia hae paw tuh alakawpaw nynh thua.

2 Awkhua takaw te thote

khuazipi cia i leite,

lungvawsaw thawbangte looh ae tuh

alakawpaw nynh thua;

pawccecize Bawipaw nynh

a sungsahpaw kha inaw kaw a pya hae.

3 Ccaaw hae tuh Bawipaw kyate

ccoupaw rho ccaccing thua hae zah,

lasung nynh thua hae.

4 Lukhakheit nynh a no lyaze

a saahkupaw ccaaw hae tuh

rhawkaw kuih kya umpaw

the te nynh a loku hae.

5 Tuhcihawpaw the te phe abeihpaw

the bawng a hoipaw tuh

lungtuapaw nynh thua.

A rhaw hae ryte koikua kya

bya a hoku hae ze,

maethyanaw mue lan khyh.