1 Bawipaw a doliakuh hae paw tuh

zungzae tyn zah, nue kho athua leipaw

Zion Mua te nynh a loku hae.

2 Mua hae nynh Jerusalem khua kha

a koihlu hae hawte,

Bawipaw nynh a ccungccaw hae kha

atu te zungzae cia a koihlu hae.

3 Miding hae nynh mih kuih kha

ahoy leipaw rae nawlan

a dyng khyh nawlan hae,

miding hae hanlan

neethung athuapaw ram kyakhe

ccungccaw hoylei hae paw ccoi tuh

um lan khyh.

4 Pou Bawipaw ,

ccungccaw hoypaw hae tungvaw te

mih thinlung a ding hae paw tungvaw kya

hoynaw beih raetua.

5 Thuasalama akyh leipaw mih laanpi lang

a maekuh hae paw kha

hoyleinaw a rae hae paw ryte

Bawipaw nynh ccanglang

ccaring a dee cih hae.

Israel kya daenaw um sah!