1 Bawipaw kha thehoysah oh!

Pou Bawipaw ryalahtu hae,

thehoysah oh,

Bawipaw min kha thehoysah oh.

2 Bawipaw min tuh

atu te malang zungzae cia

thehoyte um sah.

3 Khuanin a thua ccyh te a ccaw ccyh cia

Bawipaw min tuh

thehoysah lanpaw nynh thua.

4 Bawipaw tuh minphuin balyn kha

uk zah, a phu-enaw tuh

vaawlui laeze ahanghua.

5,6 Ahangnaw kya haungte

vaaw te lae kha a dobungpaw

Bawipaw ah Pachia te

hummou a lokuh?

7 Aning nynh ryachi hae kha

laenoi kyate hangthung hae zah,

ahobou hae paw kha

buhhaw apumkuhpaw kyate

a hangthung hae,

8 te siapharan ccaaw hae te

a ccungccaw hae kya-e uktu bawi hae ryte

a haungsah kheih hae.

9 Ccaawsaah kho leipaw nopi kha

inn innkheit pya zah, ccaaw a saahpaw,

a lungtuapaw nung lang a rae.

Bawipaw kha thehoysah oh!