1 "Bawipaw inn lang cceih oh sih!" cite

he yn hopya vae hae ze ka lungtua.

2 Pou Jerusalem, na koikua lungkhu kya

phang kae thadyn.

3 Jerusalem tuh sihkakinpaw khuapi

atynpaw lang sakpaw nynh thua.

4 Israel hae hanlan phungzae a um thyhte,

Bawipaw minphuin hae tuh

Bawipaw min kha thehoysah khylan

tuh-e khuapi kalan tuin a cceihthung hae.

5 Pawccecize tuin kyakhe

byapianaw hanlan bawitungkhung,

David phin kya-e bawitungkhung a um.

6 Jerusalem daenaw hanlan sawsang oh:

"Jerusalem, nang ae sungsah hae paw tuh

hoynaw mue hae sah.

7 Na khua hohung lungkhu kya

daenaw um sah lah,

na rhawviainn ahangpaw kya

khynnaw um sah."

8 Ka puizia hae te ka ban hae hanlan,

"Na kya daenaw um sah," cite

Jerusalem kha ka hopah cih.

9 Bawipaw kae Pachia inn kha tuate,

na hoynaw hanlan ka ccung cih.