1 Pachia nynh a raepaw khuapi tuh

athyaapaw mua vawlan khe a um;

2 Bawipaw nynh Zion thuakaw kha

Jakob a umnaw hmin balyn laeze

a sungsahua.

3 Pou Pachia khuapi,

namaw konglang athuapaw

aphu-epaw uccaw hae kong kha ho athua.

4 Kae yn nyh hae paw kyakhe

Rahab khua te Babilon khua kha

ka hobia hae; Filistin ram,

Tair ram te Ethiopia ram kha mah

ka hobia,

"E ram kya-e ccungccaw miakaw tuh

tuin kya nynh a pui hae," a ci hae.

5 Zion konglang te ho lanze,

ccungccaw miakaw tuh

tuin kya nynh a pui hae.

Ahang Huaccepaw amaw ccaccei nynh

tuh-e khua kha a tynsah cih.

6 Bawipaw nynh ccungccaw hae kha

ccazing he a lah hae te,

"Ccungccaw miakaw tuh Zion kya

nynh a pui hae," cite a zeibia cih.

7 Hlawsahthya hae paw te

a lawthya hae paw nynh,

"Nang tuh ka hythuanaw balyn

yn phyhnaw tui anaw nynh na thua,"

cite phe lokuh lante a ho cih hae.