1 Pou Pachia, kaening kha nae vua vae zah,

kae thungkhawkunawpaw kha

nae khyapya vae;

kae tungvaw na thinria vae,

atu tuh kaening kalan

beih yn maekuh ccavae!

2 Laephi kha na hysah zah,

haehae ua lan na koisah vae;

laephi tuh a hy keiccuze a koinaw kha

pingsah tua.

3 Na ccungccaw hae kha

vawsaw na teingsah hae;

kaening oun ruisahpaw misutui kha

nia lan nae pya vae.

4 Namaw ae rih hae paw hanlan

syntawnaw alan kha na saepya vae hae,

tuh-e tuh the te li kyate

a lue kho nawlan hae nynh thua.

5 Na sungsah hae paw kha

luesah athua nawlan hae,

na ranglang kuih te taenaw oun pya lah,

kae sawsangnaw kha oun thaepya tua.

6 Pachia nynh a beikinnthyaa kyakhe,

"Shekhem kha myarya lungtuate

thoh ka phia cih,

te Sukkoth Bialae kha ka nee cih hae.

7 Gilead ram tuh ka kya-e nynh thua,

Manasseh mah ka kya-e nynh thua;

Efraim tuh ka lukhung thua zah,

Judah tuh ka ccoi nynh thua.

8 Moab tuh tui ka singkunawpaw

ka tuipung nynh thua;

Edom tuh ka ccukoh te

ka synaw nynh thua;

Filistin ram kha taenaw roi te

ka sia," a ci.

9 Hum nynh mou kae kha

koihkhawpaw khuapi lungkhu lang

yn teekhae cih?

Hum nynh mou kae kha Edom lang

yn cciakhae cih?

10 Pou Pachia, kaening kha

phe nae vua vae khyh tou?

Pou Pachia, kae rhawkaw hae ryte

na cceihkheih khyh oh tou?

11 Kae rhaw hae kha rawsete

kaening hynh bawmnaw beih oun pya,

pawccecize ccungccaw

bawmnaw tuh ccungkia khyh.

12 Pachia liate rawthungte kae cyih cih;

kae rhaw hae kha a syde cih paw tuh

amaw nynh thua.