1 Ka vawsaw lyakhe Bawipaw nynh

yn thaepya ccaw cite

amaw kalan ka sia:

2 "Pou Bawipaw , ahynthyapaw

munglae kyate thuasah,

alingthyapaw lae kyate thuasah

yn luesah tua," ka ci.

3 Pou alingthyapaw lae,

paw thanenaw mou pya na thua cih?

Na tungvaw kya pawmou

houh cyichih athua cih?

4 Rhawkaw kya-e ahepaw the te

maeehue a-epaw hawte nynh thua!

5 Meshek ram kya

ramccangpaw lante um te

Kedar ccungccaw hae bu kya um tuh

ka hanlan ngaethya lan kou um.

6 Daenaw a hua hae paw laku kya

khaw cia ka um vae.

7 Kae tuh daenaw rypaw nynh ka thua;

bya he ka ho vae ze,

minmin nynh rhawtukku a ry hae.