1 Bawipaw tuh aening kalan te

a la pan khyh lanze, cite

Israel phin nynh atu ho sah:

2 "Bawipaw tuh aening kalan te

a la pan khyh lanze,

ah rhaw hae nynh aening kha

he oun tuk hae te,

3 aening tungvaw mih thinrianaw tuh

maee lang ruate, ah hiin pi oh te,

phe oun la laang vae cih hae;

4 tetuh tui alepaw nynh aening kha

oun lou cih zah,

tuithaw nynh pong oun vu vae cih;

5 te tuithaw nynh

oun luathin vae cih," a ci cih hae.

6 Ah rhaw hae nynh mih haw te

a tei hae paw saw lante

oun pya leipaw Bawipaw tuh

thehoysah oh sih.

7 Kaang a syatupaw kaang kyate

a luepaw pavaw hawte

ah lue vae oh;

kaang tuh ro thua zah ah lue vae oh.

8 Vaaw te lae a raepaw

Bawipaw min liate

aening tuh bawmnaw ah mue oh.