1 Pachia nynh aening kha

thaw oun ccih sah lah,

hythua oun pya vae sah,

te a mitmae tuh aening tungvaw

awsah vae sah,

2 tuhcite laephi ccungccaw hae nynh

na laanpi kha a nyh cih hae zah,

minphuin balyn nynh na khumnaw

huhan kha a nyh cih hae.

3 Pou Pachia, ccungccaw hae nynh

nang kha ae thehoysah hae sah;

ccungccaw hae balyn nynh

ae thehoysah hae sah.

4 Minphuin hae tuh mih lungtua sah lah,

lungtuate hlawsah hae sah,

pawccecize ccungccaw hae kha

dingnaw te bya na pia hae zah,

laephi vawlan e minphuin hae kha

laan na mawpya hae.

5 Pou Pachia, ccungccaw hae nynh

nang kha ae thehoysah hae sah;

ccungccaw hae balyn nynh

ae thehoysah hae sah.

6 Laephi nynh looh kha a pousah vae;

Pachia, ah Pachia nynh

hythua oun pya vae.

7 Pachia nynh aening kha

hythuanaw po oun pya vae sah.

laephi adianaw cia um hae paw

ccungccaw hae balyn nynh amaw kha

sawtua hae sah.