1 Pou Bawipaw , kae Bawipaw,

na min tuh laephi vawlan balyn

pawcih baban mou a lesae!

Na phu-enaw kha vaawlui luki khe

na nung vae.

2 Rhaw hae te liarutu hae kha

daesah khylan,

na rhaw hae keiccuze imua taraw hae te

nosi hae munglae kyakhe

thungnaw kha na pya hae.✝

3 Na kuihdung nynh a raepaw vaawlui te

na tynsah hae paw sawpaw te

awsi hae kha he ka do tuh,

4 ccungccaw hynh

paw athua keiccu mou na peki?

Ccungccaw maesae hung athuapaw hynh

pawccemou na do-oih?✝

5 Ccungccaw hynh vaawccungccaw hae laeze

ccapyh anehua lante na rae vae,

sawtuanaw te phu-enaw lukhung kha

na khungsah.

6 Na rae hae paw tungvaw

a uktu lang na rae;✝

7 tuu te vaetua,

te ramkaw e ramsaw,

8 vaawlang e pavaw hae,

te rili kya-e ngasaw hae,

rili lungkhu a umpaw miakaw,

atyn-are balyn kha

a ccu kaw kya na nung vae.

9 Pou Bawipaw , kae Bawipaw,

na min tuh laephi vaw balyn

pawcih baban alesae!