1 Lungzinaw te byading kong kha

hlaw ka sah cih.

Pou Bawipaw , na kalan

hlaw ka sah cih.

2 Ccaenaw um leipaw laanpi kha

ka ccangkuh cih.

Hohtuhmou ka kalan nae thua cih?

Ka inn lungkhu kya thinlung dingrarihte

ka hiin cih.

3 Ahoy leipaw miakaw kha

ka mitmae kya ka nung lan khyh.

a cceihsei hae paw ryalaw kha ka hua;

tuh-e tuh ka kya bekuh lan khyh.

4 Ahoy leipaw thinlung tuh ka kyate

asawkuh cih zah,

hoyleinaw kha kharouhmaw ka tua lan khyh.

5 Aruh lante a innpaw thethya

a hopaw kha ka roh cih.

a mitdae lysakuh zah

thinlung a tansakuhpaw kha

ka ngaesangpah lan khyh.

6 Ram lungkhu e mih lungzi hae paw tuh

kamaw ryte kae umkheih nawlan hae,

minmin kha maehoynaw ka pya cih hae;

ccaenaw um lei lante

a hiinpaw miakaw tuh

ka rya a lah cih hae.

7 Ccungccaw ling a mangpaw tuh

ka inn kya um lan khyh;

hynbya a hopaw tuh ka muihnaw kya

um lan khyh.

8 Nin kheit koute nin kheit

ram lungkhu e ccungccaw hoyleipaw

balyn kha ka roh cih hae,

hoyleinaw a rae hae paw balyn kha

Bawipaw khuapi kyate

ka vua cih hae.