1 Pou yn dingsahtupaw ka Pachia,

kae ko vae ze yn oitua!

Ka lungvawsaw lyakhe

ngaengannaw nae pya.

Thaw yn ccih lah,

ka sawsangnaw hynh yn ngaepya tua.

2 Pou ccungccaw hae,

hohseciamou ka phu-enaw kha

maethya nae lah ung cih oh?

Hohseciamou accakaepaw bya kha

na ry cih oh zah,

hynbya kha na ccung cih oh?

3 Bawipaw nynh a lungzipaw kha

amaw hanlan taetynte

a nung vae cipaw nyh oh;

ka ko ze Bawipaw nynh

yn thaepya.

4 Nae thin he aria ze,

seinaw rae nan oh;

e hynh nae ikhung kya

daebabi lan um oh lah, tuatua oh.✝

5 Ahmepaw silawnaw kha rae oh lah,

Bawipaw kha doliakuh oh.

6 "Hum nynh mou ahoypaw kha

oun langsapakuh cih?

Pou Bawipaw , na mitmae awnaw kha

kae tungvaw awtua sah!"

cite a hopaw patae a um hae.

7 Looh te misutui patae hoi hae zah

mih lungtuanaw laeze,

ka thinlung kya lungtuanaw

nae pyapaw tuh alehua.

8 Ka huekuh cih zah daebabi lan

ka ihtheih cih;

pawccecize pou Bawipaw ,

nang rou nynh khyndadyh lan

nae umsah.