1 Pachia tuh pachia hae

a pumkunaw hae kyakhe um zah,

pachia hae mih ngaelung khe

byapianaw kha a rae.

2 "Hohseciamou ahme lei lante

bya na pia cih oh zah,

ccungccaw hoylei hae paw tungvaw

maedonaw kha na hoi cih oh?

3 Ryachi hae te ngawraw hae kha

byading te pankhaw oh; minyaa hae te

bawmtu hoi lei hae paw kha

ahmete byapiapah oh.

4 Ryachi hae te minyaa hae kha luesah oh;

ccungccaw hoylei hae kuih paw kyate

khum oh," a ci.

5 Minmin tuh nynaw te thaethyanaw

hoi khyh hae,

mohnaw kya a khiavuikuh hae;

laephi aleihpaw balyn tuh a hy hae.

6 "Nanning tuh pachia hae nynh na thua oh,

nanning balyn tuh Ahang Huaccepaw

ccaaw hae nynh na thua oh;✝

7 thuasalama ccungccaw hawte

na chih cih oh zah,

siapharan lukhakheit hawte

na khuliakuh cih oh," ka ci.

8 Pou Pachia, thokuh lah,

laephi hynh byapiatua;

pawccecize minphuin balyn tuh

na kya-e nynh thua!