1 Israel hae, Jakob ciihan hae tuh

ccangpaw bya a honaw hae

Izip ram kyate he a pou hae te,✝

2 Judah tuh Pachia beikinnthyaa lang tang zah,

Israel tuh Pachia nynh

a ukpaw lang a tang.

3 Rili nynh muih zah a ccuetaw;

Jordan vaw mah nulang a ki.✝

4 Muapi hae tuh tuutepaw hawte

thohkuh hae zah, mua taraw hae tuh

tuutaw hawte a thohkuh hae.

5 Pou rili, pawccemou na ccue?

Pou Jordan, pawccemou nulang na ki?

6 Pou muapi hae, pawccemou tuutepaw hawte

na thohku oh?

Pou mua taraw hae,

pawccemou tuutaw hawte na thohku oh?

7 Pou laephi, Bawipaw malang,

Jakob Pachia malang khe thyngku tua,

8 aning nynh lungpi kha

tuili lang tangsah zah,

rihlung kha tuidy a pounaw lang

a tangsah.✝