SAM 123

Thawccinaw hanlan Ngianaw

Cciathungnaw Hlaw

1 Vaawram bawitungkhung kya

a umpaw Bawipaw ,

namaw kalan khe ka dothung!

2 See hae nynh mih bawipaw kuih kha

do hae zah,

seenung hae nynh mih bawinung kuih kha

a do hae hawte,

Bawipaw kae Pachia nynh

ngaethya oun umsah makhia,

amaw kha kae do.

3 Pou Bawipaw , kaening hynh

ngaethya beih oun um sah,

pawccecize myaryamaw oun dothatheih hae.

4 Mihoi hae nynh saryakunaw te

a lysakuh hae paw nynh

dothatheihkunaw kha kae hiinnaw tuh

myaryamaw a teing vae.