1 Pou Bawipaw , ka thinlung balyn te kae luung;

ccangpaw pachia hae malang khe

nang thehoysahnaw hlaw kha ka sah;

2 athyaapaw na beikinn kalan hawite

ka bakhung zah,

na min kha kae thehoysah;

pawccecize na sungsahnaw tuh

tyn zah na lungzi;

na min te na bya kha pawpaw balyn laeze

na hangthung vae.

3 Kae ko nin vae ze, nae thaepah zah,

ka muisaw thawzung kha nae saesah.

4 Pou Bawipaw , laephi siapharan balyn nynh

ae thehoysah cih hae,

pawccecize na khalang kya-e bya kha

a thae vae hae.

5 Minmin nynh Bawipaw

ryalawnaw kong kha

hlaw te a sah cih hae,

pawccecize Bawipaw huhan tuh alesae.

6 Bawipaw tuh ahangpaw athua zemah

a nyaa hae paw kha a peki hae;

thuasalama a lysakuh hae paw kha

asawnaw kyate phe a muih hae.

7 Vawsawnaw laku kya ka ccia zemah,

ka rhaw hae thinrianaw kyate

nae thungkhaw;

na kuih kha na dyng zah,

na ranglang kuih nynh

kae kha yn luesah.

8 Bawipaw nynh ka hanlan

a paccynpaw kha a ccingsah cih.

Pou Bawipaw , atynpaw

na sungsahnaw tuh zungzae atyn.

Na kuih ryalawnaw kha vua nan.