SAM 131

Doliakunaw Hlaw

Cciathungnaw Hlaw, David Hlaw

1 Pou Bawipaw , ka thinlung

ka hangsakuh khyh,

ka mitdae mah ka lysakuh khyh;

kae ka hanlan myaryamaw

ngaeangthua lan umpaw te

myaryamaw alesaepaw

uccaw hae kha ka peki khyh.

2 Thuasalama a nung matei

a phiakuh vae paw imua hawte,

ka thinlung kha zya ka daesaku vae;

ka thinlung tuh ka kya a um buapaw,

matei a phiakuh vae paw

imua te nynh a loku hae.

3 Pou Israel, atu te zungzae cia

Bawipaw kha ngaehoiku tua.